تعرف خدمة Screener من Tradingview ؟
للي ما يعرفها , هي خدمة مجانية يوفرها موقع TradingView وهي عبارة عن فلتره العملات او الاصول بحسب المعطيات الي حاب تظهر لك.
وراح نعطي مثال عن العملات الرقمية.
تنقسم اقسام المعطيات كالتالي:
- وصفية.
- مالية.
- فنية.
القسم العام أو ما يسمى بالوصفية:
هنا تقدر تفلتر بحسب:
- المنصة
- السيولة
- متوسطات السيولة
- الافتتاح/اعلى/ادنى/ السعر الحالي.
- سعر الطلب والعرض.
القسم المالي:
تقدر تفلتر بحسب التالي:
- عدد العملات.
- العملات المتاحة.
- حجم التداول.
القسم الفني:
ويعتبر القسم الاكبر ويحتوي على:
- نسبة التغير.
- التغير.
- مؤشرات فنية مثل المتوسطات وبعض ومؤشرات التذبذب (oscillator) ...الخ
- الاداء.
- نماذج الشموع.
وغيرها الكثير …
السؤال الحين , كيف استفيد منه؟
الجواب يكون بناء ع سؤالك, كيف؟
لو انت تبحث عن العملات الي فيه اتجاه صاعد بس, راح تبحث عن العملات الي فوق متوسط 100 مثلا سواء sma أو ema على فريم الساعه أو 4 ساعات.
طبعا هذا مثال.
مافي فلتر ينفع لكل شي ., كل فلتر مخصص لشيء .
طبعا تقدر تحفظ الفلتر بعد م تسويه وتسميه عشان ترجع له بعدين.
للاسف ما تقدر تعدل على اعدادات المؤشرات لكن تقدر تجرب تدمج اكثر من شرط عشان تطلع بافضل نتيجة ممكنة.
طبعا الفكرة انك بدل ما تكون ضايع بين العملات او ما تعرف وش الي تركز عليه . راح يصفي لك العملات تحت الشروط الخاصة فيك وانت بعدها تحلل العملات الي عندك ويكون تركيزك بس عليها.
مثال:
هنا شروطي كالتالي:
- عملات منصة binance
- تقاطعات ايجابية على مؤشر الايشيموكو.
- السيولة فوق 1M
والنتيجة 28 عملة, ولو تلاحظ بعضها متكرر بازواج الدولار او عن طريق موقع tradingView.
وبكذا راح تركز على العملات الي تماشي استراتجيتك
تقدر تستخدم جميع الاقسام وتحط شروطك بنفسك وتجرب لحد ما تحصل على الفلتره الي تناسبك.
عندك خيارات جدا كثيرة , في البدايه بياخذ منك وقت وجهد لكن بعدها راح ترتاح وراح تصب تركيزك على العملات المهمه بالنسبة لك بدل ما تكون ضايع بين آلاف العملات.
اقتراحات:
- طبق المؤشر على الشارت عشان تعرف شروطه بناء على استراتجيتك.
- استخدم الفريم الاساسي للسكرينر.
- اذا عندك افكار قسمها على اجزاء واحفظ كل جزء باعداداته.
لا تنسى:
الهدف انك تصفي العملات وبعدها تحللها عشان تحدد الانسب بينهم.
Share this Scrolly Tale with your friends.
A Scrolly Tale is a new way to read Twitter threads with a more visually immersive experience.
Discover more beautiful Scrolly Tales like this.