الليلة وضمن هاشتاف #صنع_في_السودان 🇸🇩 حأتكلم وبكل فخر عن منتج سوداني طبيعي ١٠٠٪ وكلمة طبيعي دي حقيقية وكلامي عن صلصة الطماطم من مصنع سابادوفيا السوداني.. بتبدأ القصة عندهم بدقة من أختيار نوعية بذور الطماطم الحيزرعوها
يلا ارح 👇
هدفهم انو القيمة المضافة للمحصول السوداني تكون قيمة بمعايير ومقاييس صحية بدقة شديدة ووعشان كدة اهتموا ببذور الطماطم الافضل لصناعة الصلصة فتعاونوا بشراكة كبيرة مع شركة ومزارع الكلثوم عشان زراعة الطماطم في غرب امدرمان وزرعوا الطماطم بمزرعتهم وتحت اشرافهم
المصنع في منطقة فداسي العامراب في ارض المحنة ولاية #الجزيرة ويعتبر حاليا المصنع الوحيد في السودان 🇸🇩 البيصنع خام الصلصة من الطماطم السودانية ذات المواصفات المطابقة للتصنيع والمنتج طبيعي ١٠٠٪ وخالي تماما من المواد الحافظة والالوان الصناعية
تكلمت مع دكتورة غادة عوض السيد المدير العام لشركة سابادوفيا عن الانتاج واكدت وقالت انو بيبدأ من اختيار الطماطم وفحصه واي طماطم ما مطابق للمواصفات بيرجع طوالي مرورا بعملية التصنيع والتعبئة البتكون جدا دقيقة عشان يطلع منتج حقيقي يستحق يتكتب فيه صنع في السودان بكل فخر 🇸🇩
الشركة حاصلة على شهادتي ISO الآيزو 9001- 2015 و 22000-2018 (الهاسب) وتحتوي الصلصة على ما لا يقل عن ٢٤٪ مم مَواد الطماطم الصلبة الطبيعية ودا بيخلي المنتج مميز من كل النواحي
ورغم الصعوبات والتحديات بيحاولوا انو يحافظوا على المستوى البدأوا بيهو بمنتج يهتم بصحة المواطن اولا....
اتوقع المنتج بيتكلم عن نفسه وجربوه وادعموا المنتج السوداني الوطني 🇸🇩
كل الشكر لدكتورة غادة ياريت لو سمعتوا حماسها وثقتها في حديثها والاحلام والرؤية البتشوف بيها المستقبل
منتجات الشركة متوفرة في المولات والسوبرماركت لو لاقتكم اشتروها وجربوها عندهم من الصلصة منتجين بإسم أم علي
وأليف
Share this Scrolly Tale with your friends.
A Scrolly Tale is a new way to read Twitter threads with a more visually immersive experience.
Discover more beautiful Scrolly Tales like this.