١-لحد من ساعتين كان عندي أزمة نفسية مع تصريحات استاذنا وحيد حامد اللي اتهم فيها مستشفى ٥٧٣٥٧ وكنت بضايق لما بشوف ناس بتدعي عليه رغم أن الراجل ما اتهمش المستشفى بالتقصير مع المرضى هو اتهم إدارتها بأنهم بيعيشوا الناس بالواسطة و بيهدروا أموال المستشفى .. يتبع
#مستشفى57357
٢-سنة 2018 وحيد حامد، تقدم ببلاغ إلى النائب العام ضد شريف أبوالنجا، المدير العام لمستشفى 57357.
تضمنت الشكوى ان "شريف أبو النجا" ارتكب جريمة استغلال النفوذ بـ"المحسوبية الفجة بالمعينين في المستشفى، وإن الإدارة كلها بتهيمن عليها أسرته و قرايبه و الصحابة وبيديهم مرتبات خيالية
٣-إدارة #مستشفى57357 صرفت تبرعات دون الحصول على موافقة أصحاب الأموال والمخالفة للنظام الأساسي للمستشفى، إذ تبرعت المستشفى لهيئة الصرف الصحي بمبلغ 37.5 مليون جنيه بشكل غير قانوني.
يعني مستشفى قايمة على الشحاته تتبرع لهيئة حكومية ليه أقرع ونزهي
٤-إهدار #مستشفى57357 للمال العام، بأنه وجد في تقرير المراقب المالي عن عام 2017، التبرعات أكثر من مليار جنيه تلتهم
-الإعلانات منها 136 مليون جنيه
-الأجور عام 2016 281 مليون جنيه
-الميزانية التقديرية لعام 2018 وصلت لـ400 مليون جنيه، كان المخصص منها لعلاج الأطفال 164 مليون
٥- وزارة التضامن كجهة مشرفة قامت بعمل لجنة للتحقيق في الموضوع وقالوا في نهاية التحقيق أن المستشفى زي الفل واللي بيقول غير كده يبقى بيحقد علينا
والسؤال هو ازاي جهة متهمة تحقق لنفسها في مصيبة زي دي
وبعدين هي وزيرة التضامن بنت مين في مصر علشان كل يوم عندها مصيبة شكل ولسه قاعدة
٦- للأمانة و المهنية قمت بعمل اتصال تليفوني بمسؤول بالمركز الاعلامي ل #مستشفى57357 وسألته سؤال مباشر
ازاي رغم كل التبرعات دي طوال السنين اللي فاتت مكنش عندكم خطة للطوارئ أو خطة لمواجهة الأزمات زي كده ؟ قالي مافيش
و قالي أن الأزمة من زمان مش من دلوقتي وحصلت مع التضخم الاول
٧- بعد تصريحات وحيد حامد تقلصت التبرعات ل #مستشفى57357 بنسبة ٧٠٪ و الناس فقدت الثقة ولكن المستشفى استرداد عافيتها و لسه هاشم نفسها تاني دخلنا في #كورونا وبدأت المستشفى تفك الودائع و الصناديق الخاصة بيها ومع التضخم الاخير أصبح قدام المستشفى ٦ شهور فقط وتقفل
٨- لحد اللحظة دي كنت مقتنع أن وحيد حامد عمل زي الدبة اللي قتلت صاحبها حب يكشف فساد الإدارة فلبس المستشفى كلها في حيطة
لحد ماشفت تصريحات مدير المستشفى مع #عمرو_أديب دلوقتي واللي قال فيها ربنا هو اللي بيراقب الحسابات في #مستشفى57357
واللي &#&& تلهيك واللي فيها تجيبه فيك
ولا تعليق
للتوضيح مستشفى ٥٧٣٥٧ فيها أزمة مافيهاش أزمة مش معنى اننا لمطالب بالشفافية وكشف الفساد انك توقف تبرعات ، التبرعات مهمة ومطلوبة علشان في اطفال مالهاش ذنب دول عيالنا كلنا ولازم كلنا نتبرع
Share this Scrolly Tale with your friends.
A Scrolly Tale is a new way to read Twitter threads with a more visually immersive experience.
Discover more beautiful Scrolly Tales like this.