مشكل مبارح ما كان مشكل عابر ابدا
فعليا شفنا المغردين عم ينفسو الغضب اللي جواتهم و اسقطوا كل الحرمات
الكفة مالت لصالح الحzب يلي فاجؤونا بهجوم ما كان اكبرالمتفائلين متوقع انو يعملوه
اسماء كتير لمعت و كان ابرزها :
رأس الحربة ابراهيم الشهير ب"بوب"
قدّم اداء مميز و هاجم العونية برغم تكتلهم بوجو الا انو ضل مستمر و قدر يخرق دفاعاتهم و يوصل لكبيرهم
و ما اكتفى بهالشي، البوب استمر بالهجوم حتى انو وصل لبعض جماعتو يلي كانو عم يبيضوا مع العونية و يحاولوا يهدوا الوضع
اداء ملفت و منتمنى انو يضل هيك
الراهب و الملاك
مبارح ما كان راهب، لانو فتح شوارع بالعونية
و ما كان ملاك، لانو ما ريّحهم
ما فينا نذكر المستوى العالي لبوب، و ما نقول انو ابو الفضل كان بنفس المستوى
شخصين كان إلهم دور بتغيير مجريات الاحداث، من بعد ما كان العوني عم يهاجم صار عم يضطر يدافع بسبب هالشخصين
سماحة العلامة الميرزا ابو هادي كان عم يناور مناورات سلسة، و فيها عمق
لفتنا مبارح بالهاشتاغ المميز و قدر انو ينضم للبوب و ابو الفضل ليشكلوا ال MSN
ابو هادي ما كان كتير هجومي بعدد التويتات و لكن اعتمد عالتويتات القليلة و الفعالة
توتي تأخر لفات بأجواء اللقاء
شفناه بالبداية كان مستحي،و لكن من بعد ما شاف الاداء الفردي العالي للشباب دخل بأجواء المشكل
و صرنا نشوفوا مرة عم يهجم على تويتات العونية و يردعهم،و مرة تانية عم ينزل تويتات هجومية
يمكن عالصعيد الفردي ما حقق انجاز يذكر، و لكن عمله كان مفيد للمنظومة ككل
جهاد بينطبق عليه المثل اللي بيقول "العرس بمحرونة و الدبكة بالمجادل"
المشكل مع العونية و هوي عم يهاجم البطرك
تخاذل ما بعده تخاذل
لازم الاخوان يعطوه كتاب استغنائه لانو ما بينفع
وراء كل حزب ربحان المشكل، امرأة
كاتيا ناورت ع جميع الاصعدة، هاجمت و دافعت و عملت تصويت
تخطت الجدار العوني، و وصلت للهدف بكل هجماتها
اثبتت عن مهاراتها الفردية العالية جداً
هلال
متل عادته انسان رايق و هادئ
بيوصل فكرته باسلوب راكز بيقدر من خلاله الوصول لعمق ملعب الخصم و يتسبب بتشتيت افكاره و بيبطل الخصم عارف حالو اذا لازم يهاجم او يدافع
اركان
تم اشراكه بالمواجهة لدقائق قليلة، اثبت من خلالها عن امكانياته و قدراته العالية
بعتقد انو رح يكون الاعتماد عليه بالمواجهات الجاي بدلاً عن المتخاذلين اللي قعدوا على جنب
علي
نزل بديل بآخر الوقت، و اخد دور المهاجم الوهمي
بتغريدة وحدة قدر انو يوصل للهدف
كأول مرة منشوفه بالهجوم، قدم مستوى فني جيّد يمكن البناء عليه مستقبلياً
روان
يا ريتها ما شاركت
اداء هزيل، اسلوب قديم، و عدم قدرة على الابتكار او ايجاد الحلول
المشاكل تطورت و هيدا الاسلوب معش فعال ابداً، المطلوب منها تشتغل على نفسها كتير
ما فيها تكون بسنة ال٢٠٢٣ و بعدها بتستعمل اسلوب ال١٩٢٠
ام جاد
لعبت ادوار متعددة
الاول كان الدفاع بالمنشن بوجه العونية
التاني كان بتحريض الشباب على الجهاد في وجه العونية عبر مسابقة اجمل رد
التالت كان دور خفي لا يعلمه الا الله و انا
اثبت عن قدراتها عالمواجه في احلك المعارك و ثباتها رغم تخاذل بعض الشباب
اهم طه من شدّة تأثره بورقة التفاهم
و من شدة تعلّقه بالتيار
و من شدّة حبه لميشال عون
تعلم شغلة وحدة هيي الهروب من المعارك
سكر صفحته و اختفى
و لكن بعتقد انو لما يرجع رح يكون منبوذ بين الشباب من بعد هالتقصير الفاضح في الدفاع عن السyد
الشخصية الوهمية ابو منشار
كتيرعليه يكون اسمه ابو خشخاشة
بيعه للفريق العوني صار امر ضروري
منعيد ومنكرر انو الاداء المتخاذل بيأثر على عمل الفريق
نبذ المتخاذلين امر ضروري
زينب ذكرتنا بالنساء الجنوبيات يلي وقفوا بوجه الملالات الاسرائيلية ابان الاجتياح
دافعت بكل قوتها، ما تراجعت، سببت ارتباك للعونية و قدرت انها توقفهم عند حدود معينة
و قدرت انها تعوض تخاذل بعض المحسوبين عالرجال
مشاركة رفع عنب من الشيخ ادهم
طبعا نحنا ضد اللعب اللاخلاقي
المفروض من الطاقم التدريبي انو يشتغل على اداء الشيخ و اخلاقه لانو هالشي ممكن يسبب عقوبات عالفريق
ايضا و ايضا
مشاركات "رفع العتب" بلاها افضل
تسديدة بعيدة ما في منها نتيجة، علي لا قدم و لا اخر بهالمشكل
وجوده و عدمه ما بيفرقو عن بعض
حمزة ذكرني بمعركة احد، لما تركو الجيش و هربو
مطلوب من فريق الحzب استبداله بأسرع وقت
ما فينا ننسى انو اخد نجوميته و لمع اسمو مع الفريق، و عند اول مفرق باع و صار يمثل دور المصلح و الواعي
هيدا للاسف هدف بمرمى الحzب تسجل بنيران صديقة
الاستبدال ثم الاستبدال و لو ببنت بديلة عنه
مش عطول المشاركة النسائية كانت فعالة
متل ما عم نشوف ميراي يلي كانت بمركز الدفاع بس وصلتها الطابة اعطت باس للعوني
تغريدة تحسب عالحzب ولا تحسب لهم
كميل عمل سبرنت من المرمى للمرمى و سجل هدف من النوادر انو نشوف متله عالتايم لاين
اشراك هاللاعبين الجدد بمباريات بهالمستوى عم يصب بصالح الحzب لانو الواضح انو عندهم حيوية و نشاط بالملعب من بعد ما الجيل القديم صار على ابواب الاعتزال
علي كمال
لاعب ما بيحضر التمارين
و لكن بالمباريات بيكون راس حربة
مستواه جيد جداً
دافع، تقدم، و ساعد المهاجمين بفريقه عن طريق الريتويت
و لكن تحسب عليه انو دائما متهور و بيغلط مع الحكم
استعجل علينا و اتهمنا انو مش معجبين بتويتاته، صار فيه يتأكد انو بالطريق الغلط لانو تويتاته عجبتني
ابو علي هوي ميسي الارجنتين قبل ال٢٠٢١
يعني المتخاذل
التويتات اللي فيها استثناء يعني بدو يهجم و مستحي او خيفان
المفروض انو يعتزل بأقرب وقت لانو اللياقة ما عم تساعدوا
و المفروض تعويضه بشباب ناشئين ياخدو الخبرة ع بكير
مشاهدينا الكرام رح نتوقف لفترة
و منواصل من بعدها
ما تروحوا بعيد، راجعين
منرجع معكم مشاهدينا
و هون عم نشوف هاللقطة الحلوة بين علي و سامي
هيدي اللقطة بكرة السلة اسمها steal
منشوف كيف علي سرق الهجمة العونية، لعب باس لسامي
سامي رجعلوا ياها و علي عمل dunk
I love this game
البالبلو تخطى ١٦ لاعب عوني
الغدار و قليل الوفا و الوصولي و المتسلق ….لوصل لمنقوشة الجبنة
فريق لحالو ما شاء الله
منهني للحzب على وجود هيك مهارات فردية بفريقه
فاطمة استعملت التكتيك القديم القائم على رفض علبة الحمص يلي اثبت فعاليته حتى ليومنا
و دمجت بين التكتيك القديم و الجديد و فاتت مع جوني بالشخصي و قدرت انها تسجل ٣ نقط لفريق الحzب
ابو الحسن نزل لعب باس و ما كفى الهجمة
تويت كأنها لم تكن
اوووووووووه
يا عيب الشوم عالمتخاذلين
لازم يحصل على كتاب استغنائه بأسرع الوقت، و الطرد حتى لو بدن يدفعوا الشرط الجزائي
على قاعدة الدروز و الشيعة ولاد عم
تدخل وداد بالمشكل
بعالم المصارعة هيدا التويت اسمها shock-slam
مش بس اللي بياكل الضربة بينوجع، حتى المشاهد هوي و عم يحضر بيحس فيها بس يسمع صوت الخبطة
و هيك بتكون التويت اصابت الطرفين اللي علقانين
مصطفى طلع بايع المباراة
أليس الصبح بقريب طلع كتير بعيد عن الاجواء
لا هجم و لا دافع
وقف بنص الملعب و رقّص بالطابة
هيدا لا بينفع و لا بيضر
بس بلاه افضل، زيادة عدد عالفاضي
رجعنا ل اللعب الغير نظيف
سردينة تويتر تعلن الانتفاض في العونية و مش فارقة معها عقوبات اتحاد التويتر
مهدي مستواه ملخبط كتير بتويت وحدة
ببداية التويت بتحسو بدو يكون رايق و يتفهمن
بنص التويت بتلاقيه عم يهاجم
بآخر التويت بتلاقيه عم يحذر
اداء رمادي جداً لا يعوّل عليه
محمد طعمة ما فينا نقول ادائه هزيل، لانه معدوم الاداء
تويت مضرة للحزب اكتر ما بتفيد،مش وقت عتب هلق
و لكن تدخل المدربة هناء بالوقت اللازم لشد عصب محمد، و في حال استمر بهالمستوى المتدني اكيد رح يتم استبداله
تحية لآل علوية الكرام ع هل خلفة
مريم تمكنت من رد الهجمة العونية و تحويلها لفرصة لفريقها من بعد ما تخطت كل الدفاعات العونية
بعيدا عن خلافاتي الشخصية مع مهتدي
بس اللي عملوا بهيدي التويت، بعالم المصارعة الحرة بيسموه DDT
لما يكون المصارع عم يضرب خصمه، و فجأة الخصم يكمشو برقبته و يطبشلو راسو بالارض
هيك عمل مهتدي بالمفتي جورج
دائما يا جماعة لمسات الخبرة بتلعب دور
دائما الاستخفاف بالخصم بيكون مكلف
لازم السيد ايليا ينتبه و يركز اكتر
هجمتو فيها ثقة زايدة عن اللزوم
علي سجل هدف من زاوية صعبة
و قدر انو يمرق الطابة من بين اجرين الحارس
حافظوا على هيدي المواهب
زهراء عم تتعامل مع المباراة بواقعية تامة
عارفة قديش هيي امكانات الخصم
و عارفة قدرات فريقها
و عارفة الواجبات
زهراء هيي النموذج الحريص، و هيدا النموذج مطلوب بكل فريق
ابو عيسى ضرب ب ايد من حديد
و اخيراً فات بالاجواء من بعد ما كان مضيع مبارح و مش عارف وين المشكل
ينطبق عليه المثل : مين كتّر الغيبات رجع بالغنائم
و هوي بغيبتو كان عم يحضر ليطربنا بهل تويت
اذا استمر بهالاداء، رح ينضم لاهم نجوم بالفريق
ابو راشيل هوي اللي بيكون معك بالفريق و انت راكض بالطابة و هوي راكض حدك و عم يقلك "ما تلعبلي" لانو ضايع بحالو و مش عارف وين المرمى
و قاعد يفرّق بين العونية و الباسيلية على اساس مش ميشال عون هوي الداعم الاول لتصرفات باسيل
هيدا النماذج اللي الله يريح فريق الحzب منهم و يعتزلوا
ما فينا نلقي كل اللوم عالشباب لانن بعدهم جداد على متل هيك مشاكل
بس لازم نلفت نظرهم انو الهجمة من دون تسمية، ما بتنحسب هجمة
انت اليوم فتت بصلب المعركة، ما فيك تكتفي بالتلطيش
هودي بيزبطو تكتبن حكمة عالكميون، مش تستعملن بمشكل
هدوء حذر مع رشقات متقطعة
ما منعرف مين من الفريقين لاطي للتاني لحتى ينقض عليه
فريق الحzب تعاقد مع اللاعبة المهارية ام سعود الجيعان
عباس زهري كان يهاجم العونية يوميا لما كانو حلفاء مع الحzب
محرد ما بلش الخلاف قعد على جنب و ما اتدخل
كنا منتأمل منو انو يفيد الشباب شوي بخبراته
رَهب للاسف من لما اتخذ المنحى الانساني، تراجع مستواه
انا مؤمن بموهبة رَهب، يمكن بسبب ابتعاده عن الساحة لفترة فقد ثقته بنفسه
الجهاز الفني مطالب انو يشتغل عالجانب النفسي لرَهب لحتى يسترجع ثقته بنفسه و يرجع لمستواه
عودة ميمونة للاخت حوراء
مجرد نزلوها لارض ملعب، دقت بكبير العونية من دون اي مبالاة بالنتائج
دائماً المهاجم لازم ياخد قرارات و يكون جريء
نرجس تعاملت مع المباراة بالبصيرة
و اختصرت هجومها بجملة بتظهر مدى نظرتها الثاقبة بالتحالفات
يُحسب إلها انها من الاساس ما بتحبن للعونية
و اليوم تأكدت اكتر و اكتر انها بالطريق الصحيح
محمد قازان تعامل مع المباراة كأنها مش موجودة
و تصرف و كأنو عم يطالب الفريق بالانسحاب ك، علما انهم متقدمين بالنتيجة و صعب يلحقوهم العونية
تصرف غير مبرر من محمد، بعتقد رح يواجه عقوبة الايقاف لفترة معينة
صباح الخير مشاهدينا و على قولة خينا الزهري ما عدا العونية اجري بصباحكم و مساكم
رجعنا معكم لنكفي بث وقائع المشكل
عم نشوف هون مغرد لبناني كيف عم يمدح بقية الاندية اللبنانية على حساب النادي العوني الوضيع
بعتقد و بحسب الظاهر اليوم رح يكون في هجمات حلوة
هون عم نشوف حسين ما هجم على فريق معين
هجم عالموارنة كلن و اتهمهم بالهبل
هيدي التغريدة بتنضم لتغريدات اللعب الغير نظيف
منتمنى من حسين انو يزبط اخلاقو لانو هيدا النوع من الهجوم ممكن يتسبب بإلغاء نتيجة المباراة و فرض عقوبات عالنادي
علي
ما هكذا الظن بك يا صديقي
تراجع المستوى الفني لعلي مجهول الاسباب
على امل انو يرجع متل قبل
امكانتو الفردية جيدة، و لكن حاليا بعيد كل البعد عن مستواه
رأفت اللي كان يضلو عم ينط من دي ام لدي ام ويسأل الناس اذا قرؤا كتابو عن السyد
وقت المعركة هوي من اكترالناس اللي تخاذلوا
للاسف السyد عندو بس للاستفادة المادية و لبيع الكتب
انا اكيد انو الحzب بيقولوا يا ريت لو رأفت عوني كنا ارتحنا منو
زينة ترفض علناً المشاركة في المباراة و تكتفي بتصاريح فيها :
تطاول على الجنرال ب استخدام تعبير "تعا" و كأنها تكلم احد اصدقائها
هجوم عنيف على فريق التيار
هجوم آخر عنيف على فريق الحzب
قلبت الطاولة على الجميع و آخر همها رأي الجمهور
انقضاض محمد حلال على راي و ايقاف هجمته بالوقت المناسب
هون منشوف اهمية التمركز الصحيح، و منع لاعبي الفريق العوني من الانفراد بتصوير المشهد على ذوقهم لايهام الرأي العام أنهم مظلومين
بخصوص اللي ما فهموا موقف زينة كرم
هيدا شرح مبسط لرأيها
اللي عم يقولوا اني نقلت بس تغريدات الحzب و ع اساس انقل تغريدات العونية
اولا اداء الشباب ما تركلي مجال اني ركز مع غيرهم
تانيا ما وقفت عليي، جبران وعد بالكهربا ٢٤/٢٤ من ١٠ سنين
شو انا اول واحد بيوعد وما بيوفي !!
الحzب عندن تشكيلة ناشئين بيقدروا يبنو عليها للمستقبل
اهم شي انو يطورولهم مواهبهم، ومع الوقت رح يسيطرو عالتايم لاين بأيا مشكل بيخوضوه
حسين متل ما شفنا بسطر واحد زرك العوني و ساوى بين صرماية الحزب وميشال عون
منتمنى من الدكتور علي انو يضل مركز باختصاصه و يبعد عن التايم لاين لحتى ما يأثر عالبقية
مش هيك بيخوضو المشاكل
بوقت المشكل يا بتشد، يا اختفي و ما تحكي من الاساس
اساوب انك تشد و ترخي (و بتغريدة وحدة) هيدا بيخسر ما بيربح
ما تسألوني ليش محمد هلقد قوي
اطلعوا بعيلتو بتعرفو
جاب ٣ نقط من الضاحية لميرنا الشالوحي
شوفوا الcome back اللي عملها من بعد ما جوي كان عم يسرح و يمرح لحالو
فجأة ابن الحركة انتقض بوجو و قلب النتيجة عليه
ركوز، هدوء، سلاسة، ليونة و هوووووووووب ضرب بالصميم
حسن ما استعمل سلاح فتاك، هوي بحد ذاته سلاح فتاك
رد بالحجة و المنطق و الدليل
لعب على وتر المحاصصة يلي يعتبر التيار اكبر الغارقين فيها و تغريدته منكهة بدعابة لطيفة معتمد على خبرته بهيدا الاسلوب و روحه المرحة
بدي اسمح لنفسي احكي عن علي مرة تانية
لانو دائما النقد بنّاء، منشوف كيف تغير اسلوب علي و رحع لمستواه
شوفو بهالرد كيف بيلدع كالنحلة و بيرفرف كالفراشة
ضرب بالعمق العوني و تسبب بأضرار جسيمة للخصم
و تراجع لقواعده بخير و سلامة
التويت التي ليتها لم تكن
مجد لو يسكر حساب، او يعمل حالو مش منتبه كان اشرفلو ١٠٠ مرة من هيك تغريدة
مجد من كتر حبه للعونية نسي انو هوي بفريق الحzب و فكر حالو عوني
الانغماس المبالغ فيه بيوصل لهون
هيدي النوعية من اللاعبين اللي الله لا يحطها بفريقك
الاداء العوني مخجل فعلا
العونية كل ما يعلقوا مع حدا بيتهموه بالتحالف مع القوات
جورج معش يصلح لانو يكون كابتن الفريق العوني، بصراحة في اقوى منو ولكن عم يتهمشوا
و هالشي عم يخلي العونية يظهروا بالمشكل و كأنهم غير متماسكين ابداً
اذا بدنا نستكمل الحديث عن الاداء العوني المتواضع
منشوف كيف انو دائما عندهم نفس الخطة، بس يختلف الخصم
هيدي الهجمة سبق و استعملوها ضد المستقبل و الاشتراكي و القواتي و هلق عم يستعملوها ضد الثنائي
المشاكل متلها متل اي رياضة، بتطور و بتغير الخطط فيها
ضروري يشتغلوا على نفسن
جورج من العونية القلال جدا يلي كان عم يبتكر
ناور على جميع الاصعد
هاجم و دافع و وصل للمرمى عدة مرات
و لو يكون في بضهروا فريق متكامل كان ممكن انو يغير نتيجة المباراة
الدليل على اهمية الاداء الجماعي واضح جدا
شوفوا بالتغريدة السابقة كيف كان مندفع
بس ضعف الفريق و لانو كانو "كل يغني على ليلاه" اثر عالمستوى الفردي و تراجع جورج و صار يغرد ع قد المستوى "الوضيع" لفريقه
راي لا عندو اداء فردي و لا قدرات عقلية بتخولو انو يكون لاعب بهيك مشاكل
مبدئيا ال"إلكترونيك آرمي" لازم يبحث عن بدائل تقدر انها تترك بصمتها بكل مشكل بيعملوه
خاصة انو مشاكلهم كتيرة و ما حدا بيحبهم
منعيد و منكرر
جريمة كبيرة بحق التيار اذا بيضل جورج سعود هوي كابتن الفريق
جورج ابداً منو قادر يشيل الفريق
افضل كلمة ممكن توصفه هيي "سطحي"
كابتن الفريق لازم قادر انو يرجع العناصر لتركيزهم تحت الضغط
جورج سعود يصف جمهور الحزب بالعاطفي جداً و لا يتمتع بالذكاء ابدا
و هو جمهور متحمس و يتعامل بفوقية مع الجميع
كمان هون منشوف جاي متل عادة العونية العيش على الانتصارات الوهمية و الامجاد المصطنعة
هيدي مأذية للاكترونيك آرمي، لانو اذا رجعوا بالتاريخ ٤٠ سنة رح يشوفو كيف عون ترك المباراة و هرب
هيدي نقطة بسلة العونية مش للعونية
بالختام بدي قول انو الطرفين بيعرفوا محبتي إلن
و بيعرفوا اني دائما حريص انو تكون سمعتهم عالتايم لاين طيبة
بخصوص تقييم كل شخص، انا حكيت اللي بيمليه عليي ضمير و ما كنت متحيّز لحدا
و فيكن تراجعو صفحة كل شخص و تتأكدوا
تشوفوا كل شخص بالسابق مستواه كيف كان، و بهيدا المشكل كيف صار
اللي مستواه اطور، قلنا انو اطور
و اللي تخاذل قلنا انو تخاذل
انا الطرفين اصحابي و احباب قلبي، بيغض النظر انو كل فريق فيه شي ٣٠٠ واحد فاقعني بلوك
بس صدقاً امتعتونا و انبسطنا فيكن كتير و ما كنا حابين ينتهي المشكل
اكيد انتو تعبتو لانو صرلكم ٣ ايام ع هل حالة
و نحنا كمان تعبنا معكم
تعبنا من متابعة تغريداتكم تغريدة تغريدة
تعبنا من الضحك
تعبنا من الصدمة بالمستوى العالي لجزء كبير من المغردين ما كنا عارفينن هيك
عالصعيد الشخصي ما عندي حقد اتجاه حدا منكم، كرمال هيك بتمنى انو تضلكم نازلين برش ببعض و الله يبعد المصلحين
و اكيد ما بدي انسى الجنود المجهولين يلي كان عم يعملوا جهد جبار بالكواليس لانجاح البث المباشر و التحليل بآن معاً
لكل شخص كان عم يبعتلي التغريدات، شكرا لانك عملت السكرين شوت و قصيتها و بعتلي ياها جاهزة
تعبك هيدا ما حدا شافو عالتايم لاين، بس عند الله ما بيروح شي و ربك شاف مجهودك
شكرا لانكم دعمتوني معنويا لضل قادر يومين متابع المشكل من دون راحة، و قادر اني انقل الاخبار للمغردين و نوصل صوت المشكل لاكبر عدد من المغردين
ولانو دائما ختامها مسك
بدي خص بالتسمية اخواتي تيم الحطلو هول
البست تيم ايفر
انتو مبارح و اليوم و بكرا شركاء بكل فرحة عالتايم لاين
انتو نكهة التايم لاين و انتو اللي طورتو المشاكل و خليتوها توصل لاعلى المستويات
لولاكم و لولا جهدكم على مدى سنوات، ما كنا شفنا مشكل بهالمستوى العالي
Share this Scrolly Tale with your friends.
A Scrolly Tale is a new way to read Twitter threads with a more visually immersive experience.
Discover more beautiful Scrolly Tales like this.