Thread by @NiazyGhassan

حتكلم ان شاء الله بالتفصيل عن البورد الامريكي والكندي وكيفية التحضير لهم

باتكلم عن دي الدولتين فقط للاسباب التالية

١- نظام الرزدنسي والتعليم الجامعي للاطباء في السعودية مطابق لهذه الدولتين .

٢- الملحقيات الثقافية في امريكا@SACM وكندا @SaudiBureau بيبذلو مجهود كبير علشان يعملو اتفاقيات مع افضل المستشفيات في هذه الدول وكتير من التخصصات الطبية الصعبة ممكن الالتحاق بها بسبب هذه الاتفاقيات

٣- التعليم الطبي في امريكا وكندا هوا الافضل على مستوى هذه الدولتين واغلب الابحاث والتوصيات وال guidelines بتجي منهم

٤- برنامج خادم الحرمين الشريفين للابتعاث الخارجي @SA_Scholarships الي بالمناسبة بتدا التقديم عليه قبل ٣ ايام ،تقريبا ٤٠ % للتخصصات الطبية فقط .

٥- نظام القبولات والمتطلبات واضحة وقديمة نوعا ما ومابيضفو اوبيغرو اي شي بالنسبة للاطباء السعوديون مثل بعض الدول الاوربية.

٦- كثير من الاطباء السعودين من مختلف التخصصات بيقدمو على البرامج وانقبلو وبيتقبلو كل سنة والاعداد بتزيد كل سنة عن الي قبلها.

Match 2018 اتقبل اكثر من ٨٠ طبيب وطبيبة في مختلف التخصصات في البورد الامريكي

بعد ماعرفنا كل الاسباب دي الان بدي اتكلم عن اهم اختبار وهو USMLE STEP 1 (عقدة البورد الامريكي ).

المشكلة الاساسية في دا الاختبار انو يحتوي على اكتر من ٨ مواد basic science. وبكدا تطول فترة التجهيز ليه .

مو بس كدا مشكلتو التانية انو نفس فترة الاختبار طويلة يعني تقريبا ٨ ساعات في يوم واحد !!

الاختبار هوا واحد من ٣ اختبارات مطلوبة للتقديم لبرامج طب الاقامةresidency او الزمالة fellow في امريكا الاختبارات المطلوبة هيا
1-USMLE STEP 1 >BASIC SCIENCE.
2-USMLE.STEP 2 CK > CLINICAL SUBJECS.
3-USMLE CS > OSCE like exam for testing skills.

STEP 1 يعد اهم معيار للقبول في برامج طب الاقامة Residency program

الاختبار عبارة عن MCQ لكن بصورة clinical scenarios والاختيارات ممكن تكون ٨ ٩ اختيارات مو شرط ٥ اختيارات

الاختبار يباك تختار اكتر اجابة صحيحة يعني في اكتر من اجابة صحيحة، بالاضافة فيه صور X RAY MRI وكمان اصوات غالبا murmurs.

الاختبار مكون من 280 سؤال غير مقسمة (اي سؤال في اي مادة من ال ٨ مواد الاساسية ) مقسمة على ٧ بلوكات، كل بلوك فيه max 40 Qs يتحل في ساعة وحدة فقط وبيتقفل البلوك اتوماتيك اذا خلص الوقت عليك.

المواد هيا كلها المعروفة لسنين ال basic زي الاناتومي فسيولوجي... ماعدى وحدة مادة الي هيا Behavioral science

ال behavioral science تقريبا تعتبر جديدة علينا نوعا ما وفيها ٣ جزئيات رئيسية الي هيا:
1- Epidemiological and biostatistics.
2- psychology and psychiatry.
3- Ethics and some american health policy.

جديدة لانو جزئية ال psychology and ethics and american health policies ما بندرسها في كلياتنا ولا بتطبق في مستشفياتنا.

بس تقريبا كلها مشروحة بشكل واضح بالذات في كتب كابلان وفديوهاته.

اما بالنسبة لمصادر المذاكرة فحذكر فقط ال self learning resources لانو الهدف من دا ال thread هوا التحضير للاختبارات بنفسك.

انواع المصادر
١- فديوهات.
٢- كتب.
٣بنوك اسئلة.
٤- اختبارات تحضيرية self assessment tests

علشان فترة المذاكرة بطول فافضل شي التنويع فجميت المصادر المذكورة علشان ماتِمل بسرعة وايضا علشان تثبت المعلومة .

بالنسبة للكتب: ممكن تختار اي كتاب ناسبك وتعرفو لانو الاغلب بيراجع اهم المعلومات الي ممكن تجي في الاختبار

1- kaplan lecture note for @usmlestep 1 *****
من اقدم المعاهد في مجال التحضير
كتبهم ممتازة ومشروحة بشكل مفصل لجميع المواد لكنها بتاخد وقت كبير في البداية

جميعها ممتازة لكن الافضل استبدال كتاب الباثولوجي بكتاب pathoma by Hussein Sattar

2 - Becker books *****
تقريبا نفس فكرة kaplan لكنها اجدد منهم، مشكلتها انها صعب تلاقيها في السعودية زي كتب كابلان لكنها جدا ممتازة لتاسيس المعلومة في بداية المذاكرة.

3- First Aid *****
اهم كتاب للتحضير، وميزته انو بيقدم المواضيع بشكل systemic واكتر اشياء بتجي في الاختبار وبيتجدد كل سنة لانه بينضاف عليه اشياء High yield زيادة، تقريبا يضم ٧٠ل٨٠% من المعلومات الي بتجي في الاختبار بس مشكلته انو مافيه شرح كتير فما ينفع نبدا بيه المذاكرة.

كتب Board Review Series BRS فيها جميع المواد ومشروحة بشكل كامل وتنفع في البداية لمراجعة جميع المواد بالذات للناس الي ماتحتاج فديوهات (تحب القراءة) شرح لانها مالها فديوهات تشرحها زي كتب كابلان او becker.

٥ - كتاب usmle secret *
كتاب نوعا ما فاضي ماينفع كمصدر ابدا بعطي المعلومة على شكل سؤال وجواب

٦ - كتاب ال ethics by Conrad fischer جدا ممتاز لجزئية الاخلاقيات لانه بيشرح الاشياء المتعلقة باخلاقيات الطبيب في الولايات المتحدة ودا شي محد حيعرفو الا لو اشتغل هناك لان شوية عندهم السياسات مختلفة وهو جدا بسيط وكويس ايضا للتحضير لل MCQE I OR STEP 2 CK بيشرح عن طريق عرض حالات

٧ - كتاب stepup usmle1***
فكرتو زي فكرة first aid لكن معلوماته اقل وايضا ما بتجدد كل سنة زي first aid الافضل مذاكرة FA بدلو.

بالنسبة للفديوهات
١ -kaplan videos ودي بتشرح نفس مجموعة كتبهم lecture notes وفيها اهم النقاط المحتاجة شرح.
كويسة في كل المواد ولكن في الباثولجي جدا سيئة وفي immune and micro بيتكملو بتفصيل زيادة وفي ال genetics ماليها داعي وممكن استبدالها كالتالي
للباثو تشوفو pathoma videos

اما للبقية المذكورة فوق فقط ممكن تشوفو فديوهات DIT او USMLE Rx تكفي لهم .

2 - فديوهات Becker for usmle 1 ودي جدا ممتازة ولكن جدا صعب اي احد يلاقيها بالذات لو ما اشترك في نفس الكورس تبعهم .
برضها بتشرح سلسة كتب Becker for step 1.

3 - فديوهات usmle rx express بتشرح كتاب ال First Aid ممكن تستخدم مع كتاب ال first aid لشرح الكتاب. www2.usmle-rx.com/content/step-1…

4 - فديوهات Doctor in trainingجدا ممتازة، بتشرح كتاب ال First aid مع شوية اضافات من عندهم لكن المميز فيها انو فيها اسئلة في بداية الفديو عن اهم النقاط الي اتذكرت في الفديو السابق بالاضافة الى اسئلة نهاية الفديو يراجعو اهم النقاط الي اتذكرت في الفديو وميزتها ايضا كلها حول ٢٠ دقيقة

5فديوهات dr najeeb*** تشرح بشكل مفصل تقريبا جميع المواد وموجودة في youtube لكن مشكلتها تشرح بالتفصيل فتاخد وقت لمراجعة جميع المواد.

بالنسبة لبنوك الاسئلة فهيا كالتالي:
1 Uworld.
2 kaplan Q bank.
3 Usmle Rx.
4 First Aid Q bank.

١-بنك usmle world وهو افضل البنوك وفيه تقريبا ٢٤٠٠ سؤال نفس ستايل الاختبار الفعلي ويمكن اعادة التقيم لكامل البنك لمرتين وميزته انو بيفصل المواد على حسب الرغبة بمعنى ممكن تحل by system or by subject. مهم جدا قراءة الشرح لكل الاجوبة وقت حل الاسئلة.

٢ - بنك USMLERx يحتوي على 2200 سؤال تقريبا. ميزته انه بيقسم الاسئلة على حسب صعوبتها بحيث انو ممكن تصعب الاسئلة للمستوى المطلوب.

٣بنك KAPLAN QBANK بالنسبة ليا انا ماشفتو بمستوى UWORLD OR USMLE RX لانو بعض الاحيان بيهتم بتفاصيل مهي مهمة كتير من الاحيان انا اتوقع انو استخدام uworld or rx افضل بكتير.

٤- كتاب first aid q bank كتاب فيه مايقارب ال٨٠٠ سؤال وشرحهم بس الي حيشوف usmle rx غالبا موجودة فيه.

اما بالنسبة لل self assessment tests
الي موجود التالي :
1CBSSA from NBME
2 KAPLAN SELF ASSESSMENT
3 UWORLD SELF ASSESSMENT

1NBME هيا الشركة المنظمة لاختبارات ال USMLE الفعلية وعندهم ٦ MODULES كاختبارات تجريبية تحت قسم ال CBSSA وهي اكثر اختبارات تقسي الدرجة الفعلية للاختبار

Every test contains 200 Qs divided on 4 blocks over a period of 4 hours and by the end it gives a full report for each subject and for each systme so u can notice the deficit on that section.

and is the most accurate test to assess your real score in the exam

بالنسبة للبقية Uworld or Kaplan self assessment غالبا يرفعو درجتك الحقيقية بمعنى لو المستوى الحقيقي ٢٣٠ غالبا الاختبار حيعطيك بين ال ٢٤٠ و ٢٥٠

ودي تقريبا اهم المصادر الموجودة للمذاكرة self study.

قبل مانبدا مذاكرة لازم نعرف انو الاختبار مواده كثير ويعتمد على ال long term memory فعلشان كدا لازم نذاكر المواد اكثر مرة .

فالطريقة المقترحة كالتالي
نبدا في اول مرة بمذاكرة المواد كاملة كل مادة لحالها بمعنى نذاكر الاناتومي لحال والفسيو لحال وهكذا ودي المرة بنذاكر علشان بنحاول نفهم المواضيع بالتفاصيل بحيث المرة الثانية بنذاكر مذاكرة مراجعة فقط وربط معلومات ببعض وبكدا ممكن نبدا بكتب kaplan or becker

Or BRS وانا افضل كتب كابلان لانها متوفرة في للسعودية

بالنسبة لكتاب الباثولوجي تبع كابلان الافضل انه يتبدل بكتاب pathoma بالاضافة الى جزئيات ال genetics, immune and micro ممكن تتبدل بكتاب ال first aid توفيرا للوقت

في هذه المرة يفضل بدا حل جزء من اسئلة Uworld or usmle Rx (٣٠%) بعدانتهاء كل مادة by subject واضافة نوتات من الشرح لكتاب first aid.

بعد مانخلص المرة الاولى من مذاكرة جميع المواد في دا الوقت يفضل حل اختبار CBSSA لمعرفة التقدم في المرات الجية ونعتبره ايضا ك BASELINE لمستواك.

في المرة الثانية نبدا نشوف المعلومات من كتاب first aid لانه ماشي by system وهو مناسب لربط المعلومات ببعض وايضا ممكن نشوف معاه doctors in training videos الي بتشرح نفس ال first aid او usmle rx express videos وبعد مانخلص كل system بنحل 2 to 3 blokcs for that system

بنحل الاسئلة في دي المرة by system and timed ودي المرة بنقيس مستوى الفهم

وبعد مانخلص كل الsystmes cardio pulmo endo ..... ناخد تاني اختبار NBME علشان بنعرف عرف قد ايش التحسن من اول اختبار nbme وغالبا التحسن بيكون من 5 ل 15 نقطة ودي اكتر مرة حنشوف فيها تحسن في الدرجة.

يفضل في المرة الاولى من مراجعة الكتب لطلاب الbasic years يذاكرو المادة الي بياخدوها في الكلية بحيث ماتاثر عليهم وقت الدراسة وايضا بتساعدهم في فهم المواد في مناهج الكلية
مثال: لو احد بياخد anatomy thorax فالافضل يراجع من كابلان دي الجزئية وفي نفس الوقت لو كان مثلا

بياخد pharm cardio ايضا يتابع من كتب كابلان وفديوهاتو وهكذا وفي الاجازة يعوض الجزء الناقص من المتبقي.

بعد المذاكرة للمرة الثانية by system واخذ احد اختبارات ال NBME فبنعمل التالي:

نشوف الدرجة تبع اختبار ال self assessment واذا جبت الدرجة التقريبية المطلوبة للتخصص الي رغبان فيه فيفضل حجز الاختبار بمدة لاتزيد عن شهر وفي دي الفترة نكمل حل اسئلة ال Uworld كاملة ومراجعة ال first aid لاخر مرة وحل NBME قبل الاختبار الفعلي باسبوعين وبكدا تكون جاهز ان شاء الله

في حال كانت الدرجة اقل من المطلوبة او في حال انو الواحد يبا يحاول يرفع الدرجة زيادة علشان يضمن القبول اكثر، فالخطة المقترحة كالتالي :

من تحليل الاختبار التجريبي تبع ال CBSSAنشوف فين النقص في ايت مادة وبنراجع دي المادة من الاول من نفس المصدر او مصدر جديد بالاضافة لحل جميع الاسئلة للتخصص الي فيه ضعف من uworld وبعد كدا ناخد اختبار nbme جديد علشان نشوف مستوى التحسن في نفس المادة.

وهكذا نعيد المذاكرة بهذه الطريقة الين مانوصل للدرجة المطلوبة وبعدها نحجز للاختبار ايضا في مدة ما تعدي شهر من اخر اختبار تجريبي وفي هذه الفترة بنحل اسئلة بطريقة ال timed and no explanation الين وقت الاختبار بالاضافة لمراجعة ال first aid.

بالنسبة لكيف نعرف الدرجة المطلوبة فهيا الكتالي:
في حالتين
١ في حالة معرفة التخصص فاحسن طريقة هيا انو بنشوف اخر charting outcome وبنشوف قسم ال international medical graduates وبنروح للتخصص الي نباه وبنشوف تحت عامود ال matched ونشوف الدرجة للمتقدمين في وبنحاول نجيب اعلى ب ٥ نقاط

في ذا الرابط ممكن نعرف التخصص المطلوب ومتطلباته من الدرجات nrmp.org/wp-content/upl…

٢ في الحالة التانية وهي انو مافي تخصص محدد لسة:في دي الحالة بنحاول نجيب درجة عالية علشان تغطي جميع التخصصات الصعبة والاقل صعوبة في القبول IM , FM, PED بحيث في المستقبل ان شاءالله لو تم تحديد التخصص يكون في امكانية الاختيار وغالبا بتكون 250

ودي تقريبا اهم النقاط لطريقة التحضير لاختبار usmle step 1 by yourself.

التحضير بدري مهم جدا بالذات في سنوات المواد الاساسية basic years ???

1- اهم سبب وهو ان التحضير المبكر بيزيد من فرص القبول بشكل كبير جدا وفي هذا ال chart يبين انه وحدة من ال criteria الي بيحطوها في اعتبارهم وقت مراجعة اوراق المتقدمين للترشيح ال Gap in medical school!!

بمعنى كم من الوقت احتجت من فترة تخرجك من الكلية للتقديم للماتش ، وهنا بتخش ايضا فترة التحضير في المعاهد مابعد التخرج مابتتحسب كنوع من انواع ال medical education لانه هم بيقارنو المتقديم بالطلاب الامريكان الي بيقدمو عالماتش على طول بعد التخرج من الكلية من غير دخول معاهد التحضير.

دا مو يعني انو الناس الي بتلتحق بالمعاهد بعد التخرج مح ينقبلو في الماتش، ولكن كل ماقلت الفترة بين التخرج وبين التقديم زادة الفرصة واغلب البرامج بتحط ٥ سنوات كحد اقصى بعد التخرج كواحد من شروط التقديم لبرامجها.

٢التحضير من ايام الجامعة حيوفر وقت جدا كبير بحيث انك بتكون جاهز للتقديم اول ما تتخرج ان شاء الله.

٣ كمان، الشي المهم انو ايام الجامعة في وقت واجازات طويلة ( ٤ شهور اجازة الصيف ) مو ممكن تلاقيها بعد التخرج لانو بتكون مشغول ياببورد يابسيرفس يا بعائلة لانه بطبيعة الحال كل ما كبر الانسان كل مازادة مسؤولياته فالافضل استغلال الوقت الفاضي ايام الكلية.

٤ الفايدة الي بتاخدها من المذاكرة للاختبارات ايام الكلية بحيث الاختبار دا بيهتم كتير بجزئية الclinical application حتى لابسط المعلومات بعكس الكليات عندنا بتعطيك المعلومة وغالبا مابتعرف هيا مهمة ليش وبكدا حتثبت الملعومة عندك بشكل كبير جدا وايضا بتلاحظ سهولة مناهج الكلية.

بالنسبة لل scoring system
اخر uptade عام 2017 رفعو درجة النجاح ل194
ولو جبت درجة النجاح فانت ما حتقدر تعيد الاختبار اما لو رسبت فممكن تعيده.

ولكن لو احد جاب درجة النجاح ١٩٤ اوحتى ٢٠٠ تقريبا مافي اي تخصص يقبلو هذه الدرجة وايضا لو رسبت وعدت الاختبار ايضا تقريبا مافي اي برنامج بيقبلك. وهنا لازم اي احد بيفكر يخش الاختبار يخش وهو متاكد من مذاكرته ومتجهز تجهيز كامل.

اما بالنسبة لمتوسط الاختبار فهو غالبا بين ال ٢٢٠ و٢٣٠ وهي درجة غالبا مقبولة في التخصصات الكبيرة مثل IM ,FM, PED

٥ في حال احد بيفكر بياخذ الكتف في امريكا فايضا لازم يعمل ال usmle step 1 و/+ step2 ck علشان ممكن يقدم في المستشفيات الي بتعطي recommendations قوية i.e university hospitals تفيد في التقديم

في شركات كتير بتعمل electives مابتطلب الاختبارات وممكن تختار التخصص الي تحددو، لكن مشكلتها انها بتتعامل مع مستشفيات خاصة وال recommendations الي بتنعطى مهي قوية، فالاغلب هيا شركات تجارية

افضل وقت لاختبار step 1 غالبا بعد ماتنتهي سنوات ال basic ودا الشي بيعتمد على الجامعة نفسها لان بعضهم يخلصو بعد رابع او خامس لكن بشكل عام قبل سنة سادس بحيث ممكن مع بداية سادس نبدا لتحضير ال CK و MCCQE I.

وبكدا ان شاء الله اكون اتكلمت عن كل النقاط المهمة المتعلقة ب usmle step 1 exam.

يفضل الاشتراك ببنوك الاسئلة يكون لاطول فترة ممكنة حتى تستفيد من البنك طوال فترة التحضير.#usmle

#usmlestep2cs
اما بالنسبة ل step 2 CS فهو الاسهل بين الثلاثة الاختبارات

الاختبار عبارة عن اختبار عملي بيقيم ٣ اشياء اساسية :
ICE, SEP, and CIS.
#USMLE

اول شي ICE وهي اختصار ل integrated clinical encounter وهنا بيختبرو مقدرة الطالب على انه بيجمع ويسال المعلومات المهمة المتعلقة بالحالة وطلب التحاليل او ال work up المناسب لها بالاضافة الى كتابة اكثر ٣ تشاخيص DDX مناسبة مع التاريخ المرضي (HISTORY) بالتبرير المناسب من ال history.

يعني لو كانت مثلا حالة pneumonia فبيكون التركيز من الاسئة وال PE على ال pulmonary system وبيكون ال work up مثلا sputum culture or chest x ray وهكذا على حسب الحالة الي بتخش عليها د.

#فضفضة_طبيب
#usmle
اما بالنسبة لل CIS وهو عبارة عن communication and interpersonal skills
ودي النقطة سهلة بالنسبة للنقطتين التانية بس كتير ناس بيرسبو فيها لانهم بيركزو على اشياء محنا متعودين نطبقها عندنا زي مثلا كيف تعمل counseling لمريض عن ال alcohol abuse

او حتى كيف يعمل safe sexual practice لو كان مريض عندو STI بالاضافة الى اشياء تانية صغيرة جدا بس مرة مهمة؛ انك مثلا تغطي المريض اول ماتخش عليه الغرفة وماتكشف من جسمه الا الجزء الي بتعمل عليه فحص وانك تناديه بالاسم الي يفضله ......

#usmle
#فضفضة_طبيب
بالاضافة الى انك لازم تعرف المريض بالتشخيص المحتمل ولازم برضو تعرفو بالخطة المقترحة من work up or Rx وتاخذ منه موافقة شفهية على الخطة.

نقطة جدا مهمة انهم بيركزو على انك تشرح للمريض المرض او ال work up بلغة بسيطة عامية، مثلا بدل ماتقول للمريض عندك hypertension بتقولو عندك high blood pressure وزي كدا كل المصطلحات الطبية لازم نحاول نبسطة بقدر الامكان علشان يفهمها المريض .

اما بالنسبة لل SEP فهو spoken english proficiency وهو تقيم للغة بشكل عام وبيكون التقيم على مقدرتك للتواصل مع المريض بيحث انهم بيقيمو على pronunciation, word choice, and minimizing the need to repeat questions or statements