سون ایللر، ظاهیرا گولمه‌جه-کومئدی‌نین اساس مایاسی،کاسیب-وارلی موقاییسه‌سی اولوب.اؤنجه‌لر ده اولسا دا، سوسیال مئدیا سایه‌سینده بو تیپ آشاغیلاییجی چیخیش/پایلاشیملار آرتمیش. یوخسوللوغون دهشت وضعیتده اولدوغو بو زمانه‌ده، اونو بیر ده #تحقیر و #مسخره ملزمه‌سی ائتمک اصلا ده #هونر دئییل.
بو دورومدا یاشا بیلیب آز ایمکانلارلا عائیله‌یه تفریح ساغلاماق، اساس هونر ساییلمالی.کاسیب-وارلی موقاییسه‌سی، اینسانلاری #تحقیر ائتمک، وارلی اوصولو یاشاماغی دیر/ستاندارد حالینا گتیرمکدی. اینسانلارین، اؤزگوونجینی آلیب،آز ایمکانلاریندان قوللانماق جسارتینی اونلاردان آلماق، هونر دئییل.
بو تیپ آشاغیلاییجی کاسیب-وارلی قیاسین، تورکجه طنز ایله اؤزدشلشمه‌‌سی قورخوسو دا وار.زامانیندا بو تیپ دوشوک کومئدی چیخیشلارین، تورکجه اولماسینی مثبت دیرلندیرسم ده،منجه ایندیلیکده ایفراطا اوغرامیش. بالانس اولمادیغیندان، خالق نزدینده تورکجه طنزی کوچه-بازار تمسخر ایله عینی لشه بیلر.
ظاهیرده گولدورمک هدفی اولان بو تیپ کاسیب-وارلی تحقیری، سادجه دؤولتین کفایتسیزلیگینه قوربان گئدن اینسانلارین پسیخولوژی باسقیلارینی داها دا آرتیریر. بونو بیلمک لازیم کی، #تفریح بیر حاق و البته چوخ دیرلیدی. #ایلنجه نین هئچ بیر ستانداردی یوخ مگر باشقاسینین حاققینا توخونماماق.
• • •
Missing some Tweet in this thread? You can try to
force a refresh
