Thread by @diljitsathya

தமிழ்த்தேசியம் ஏன் பெரியாரியத்தோடு மோதுகின்றது ?

பெரியாரின் கருத்தாக்கங்கள் குறை பிரசவமாக அமைந்ததால்தான் அவரால் தமிழக எல்லையைத் தாண்ட முடியவில்லை

இந்த உண்மைகளை தமிழ்த் தேசியவாதிகள் உடைத்துக் காட்டுவதால் தான் பெரியாரிஸ்ட்கள் கொந்தளிக்கின்றனர்.

Thread👇

ஐயா பெ.மணியரசன், சீமான் போன்றோர் இளம் தலைமுறையினருக்கு அரசியல், வரலாறு, தத்துவம், பொருளாதாரம், வாழ்வியல் என அனைத்து தளங்களிலும் கருத்தாக்கங்களை உருவாக்கி, வாதங்களை சமூகத்தில் உருவாக்கிக் கொண்டு இருக்கின்றனர்

இந்த இடம் தான் பெரியாரிஸ்ட் அரைகுறை மேதைகளுக்கு எரிச்சலை உருவாக்குகிறது

ஐயா நாஞ்சில் சம்பத் நேற்று ஒரு ஊடகத்தில் அண்ணன் சீமானைப் பற்றி ஒரு வார்த்தைச் சொன்னார். "சீமான் ஸ்டாலினை எதிர்க்கும் தகுதியற்ற சித்தாந்தவாதி அவருக்கென்று நிலையான சித்தாந்தம் இல்லை" என்றார்

நாஞ்சில் சம்பத். திரு. நாஞ்சில் சம்பத் அவர்களிடம் நான் சில விடயங்களை கேட்க விரும்புகிறேன்

திரு. சம்பத் அவர்களே;

நீங்கள் எந்த சிந்தாந்தம் அடிப்படையில் திமுகவில் இருந்து, மதிமுக சென்று பின் அதிமுக சென்று, பிறகு அமமுக சென்று இறுதியில் திமுகவில் வந்து நிற்கின்றீர்?

இதுதான் நிலையான சித்தாந்த பார்வையா?
சரி.. ஸ்டாலின் இதுவரை தமிழர் நிலத்தில் பின்பற்றிய சித்தாந்தம் என்ன ?

அந்த சித்தாந்தம்பற்றி ஒரு பத்துநிமிடம் அவரால் விளக்கம் தரமுடியுமா? பெரியாரியம் குறித்தும் உலகில் உருவாகிய இசங்கள் குறித்து ஒப்பீட்டு அறிவு ஸ்டாலினுக்கு உள்ளதென உங்களால் நிரூபிக்க முடியுமா?

சீமான் பேசிய நாடாளுமன்ற தேர்தல் பரப்புரை கூட்டங்களை வலையொளியில் பாருங்கள் #சம்பத் அவர்களே

காந்தியம், மார்க்சியம், அம்பேத்கரியம், பிரபாகரினியம் அனைத்தையும் கலந்த கலவையான ஒரு புது சித்தாந்தத்தை தமிழக இளையோர் கூட்டத்திற்கு திரு.சீமான் கற்பித்துக் கொண்டு இருக்கிறார் 💪

சீமான் பேசுகின்ற தமிழ்த்தேசியம் முழுமையானது;

அதில் சம உரிமை, ஜனநாயகம், பெண்ணியம், பகுத்தறிவு, வள்ளுவம், பசுமைப் பொருளாதாரம், தற்சார்பு பொருளாதாரம், சாதிய ஒழிப்பு, தனிமனித அறம், தத்துவம் என

மனித இனம் சார்ந்து நிற்கும் எல்லா தளங்களுக்கும் உரிய கருத்தாக்கங்கள் முழுமைப் பெருகின்றன

இதில் எதுவொன்றைப் பற்றியும் ஸ்டாலின் தன் உடன்பிறப்புகளுக்கு கற்பித்தது உண்டா?. ஸ்டாலின் ஓர் அட்டைக்கத்தி. அவரை சீமானோடு ஒருபோதும் ஒப்பிடாதீர். ஏனெனில் ஸ்டாலினுக்கு அந்த தகுதி கிடையாது.

தமிழ் சமூக தளத்தில் நடக்கின்ற விவாதம் குறைபிரசவக் கருத்தாக்கங்களைக் கொண்ட திராவிடக் கருத்தியலுக்கும் முழுமையாக்கப்பட்ட தமிழ்த்தேசியத்திற்குமானது

இதில் இனி தமிழ்த்தேசியத்தின் கையே மேலோங்கி நிற்கும் 💪
ஏனெனில் திராவிடப் பெரியாரிய கருத்துகள் காலாவதி ஆகிவிட்டன

மார்க்சியம் பாட்டாளிகளின் விடுதலையை முழங்கியது. காந்தியம் இந்திய விடுதலையை முழங்கியது. அம்பேத்கரியம் சாதிய விடுதலையை முழங்கியது. பெரியாரியம் எந்த விடுதலையை முழுங்குகிறது ? யாருக்கான விடுதலையை முன்வைத்து நகர்கிறது ?

தமிழ்த்தேசியம் தமிழன விடுதலையையும், ஈழ விடுதலையையும் பல்வேறு தளங்களில் முழங்குகிறது ! அதனையே தன் உயிர் மூச்சாக கொண்டு முன்நகர்கிறது. இப்பொழுது சொல்லுங்கள்.. எது வீரியத்தோடு இயங்கும் ? எது வெல்லும் ?

ஆம்.. தமிழ்த்தேசியம் பெரியாரியத்திற்கு நேர் எதிராக நிற்கின்றது. வளர்கின்றது. காரணம், தமிழ்த்தேசியம் இந்த நிலத்திற்கான விதை. இந்த நிலத்திற்கான் பயிர். இந்த நிலத்திற்கான விருட்சம். இனி தமிழ்த்தேசியம்தான் மலரும்... வளரும்.. வாழும்...

- பேராசிரியர் ஆ.அருளினியன்