Thread by @Ahmed_Abrass

بخصوص ال must see films مارتن سكورسيزي كان عمل قائمه ب ٨٥ فيلم لازم بتشافوا و هنا القائمه و ملحوظه من سكورسيزي علي كل فيلم منهم
fastcompany.com/1679472/martin…

و دي قائمه عملها سكورسيزي ب ٣٩ فيلم غير امريكي
nofilmschool.com/2016/09/martin…

القوائم دي معموله للشباب اللي عاوزين يبقوا مخرجين و لعشاق السينما المتينبن اوي

نحاول نعمل احنا نعمل قائمه علي ادنا بقي

هنعمل قائمتين واحده بالافلام الاجنبيه و واحده بالافلام المصريه و هنبتدي بالمصري

السينما المصريه هي الحب و وجع القلب ، حب و عشق كبير لافلام و اعمال شكلت الوجدان و حزن و وجع قلب علي حاضر اسود

في ٣ افلام في بدايات السينما المصريه كانوا علامات فارقه عشان كده هما Must see التلات افلام دول هما
سلامه في خير ١٩٣٧ لنيازي مصطفي
العزيمه ١٩٣٩ لكمال سليم
السوق السوداء ١٩٤٥ لكامل التلمساني

سلامه في خير كان اخراج نيازي مصطفي و نيازي مصطفي من الرواد هو كان واحد درس في المانيا سينما و كان من الرعيل الأول في استوديو مصر

في سلامه في خير احنا شفنا كوميديا بجد و فيلم كوميدي بسيط مصنوع بشكل جيد مختلف عن باقي الكوميديات المصريه هو كان فيلم نموذج فيلم عمل ستاندارد لمن اوي بعده

العزيمه لكمال سليم بتلاقي السينما المصريه ابتدأ تخرج من الميلودراما و ابتدت يعني تقرب من الواقع حبه كان في تناول مختلف و كان مخرج بيقول لنا هنا ( هو لم يكمل مسيرته كما بدأها ) كتير يعتبروا العزيمه بدايه السينما المصريه .

بعد كده في السوق السوداء لكامل التلمساني ، كان اول مره نشوف فيلم ليناقش قضايا اقتصاديه و بينتقد نظام اقتصادي و ده بسبب ميول المهرج اليساريه كمان خلفيه كامل التلمساني كفنان تشكيلي كانت واضحه جدا في التصوير و التكوين

و ده كان جنب العزيمه بدايه جديده و نقله في السينما المصريه

نكمل بعدين

غزل البنات ١٩٤٩
اخراج أنور وجدي
ده من أعظم افلام السينما المصريه ليه ؟ دي لها شرح طويل نتكلم في بعدين

بس هي كانت لحظه عبقريه و صدفه عبقريه أن الريحاني يقابل ليلي مراد في مصعد عماره الايموبيليا و يقول لها ما تيجي نعمل فيلم و يعرف انور وجدي ده و يقرر ينتج فيلم لهم و يكون في كل نجوم الفتره

كوميديا ز غناء و قصه حب مستحيله وتضحيه و قصه بتتعقد و تتفك علي ابد يوسف بك وهبي شخصيا

هو فيلم عظيم و تحفه و محدش عارف انور وجدي كان ضارب حبوب عبقريه عشان يعمل تحفه مبهجه كده ازاي ؟ في يوم هاشرح بتفصيل ليه غزل البنات فيلم عظيم

حياه او موت ١٩٥٤
كمال الشيخ
رحله فتاه خرجت تشتري الدواء لوالدها المريض بعد أن هجرته امها اخلاق قبل العيد ، رحله فتاه في مدينه كبيره مع مطارده الشرطه لها لأن عبوه الدواء هي سم قاتل

فيلم موضوعه غير مألوف علي السينما المصريه الان ما بالكم عام ١٩٥٤ و دي عبقريه كمال الشيخ

الانسه حنفي ١٩٥٤
فطين عبد الوهاب
كوميديا روعه من ملك الافلام الكوميديه في السينما المصريه فطين عبد الوهاب و بجانب الكوميديا يذهب البعض أن الفيلم في لمحه تقدميه شويه في نظرته للمرأه

درب المهابيل ١٩٥٥
توفيق صالح
بدايه رائعه لمخرج عظيم و كبير مجهول و منسي توفيق صالح مع قصه و سيناريو لنجيب محفوظ و حوار لعبد الحميد جوده السحار ، صراع اهل حاره حول ورقه يانصيب و اداء تمثيلي كبير من كل طاقم العمل

شباب امرأه ١٩٥٦
صلاح ابوسيف
تحفه كلاسيك اداء تمثيلي رهيب من كاريوكا و عبد الوارث عسر في اعلي لياقه فنيه له هو فيلم بتكلم عن الرغبه الغوايه أو ال passion و ده ما نعرفش نعمله دلوقتي عشان المخرجين مكسحين

الفتوه ١٩٥٧
صلاح ابوسيف
محاوله لتشريح نظام اقتصادي في إطار قصه حدوته تشد و تعجب المشاهد العادي مع كل والتوابل التجاريه
و الفيلم كان تأكيد النجوميه فريد شوقي اللي في الوقت ده كسر كل مواصفات البطل السينمائي و اصبح لكل سينمائي مختلف و متفرد ملك الترسو

حميدو ١٩٥٣
نيازي مصطفي
ليه ؟
الفيلم ده نيازي مصطفي كان بيرسي قواعد genre و هو نوعيه افلام العصابات في السينما المصريه ، نيازي مصطفي طور genre مصري ، هنعمل فيلم جانجستر لكن احنا مش هننقل هنخلق genre بمذاق مصري ، احنا مش مكسحين أو معاقين عشان ننقل و ما نبتكرش

الفيلم ده خلق نجوميه فريد شوقي اللي استمرت حتي وفاته عام ١٩٩٨ لمده ٤٥ سنه نجم

امرأه علي الطريق ١٩٥٨
عزالدين ذوالفقار
عز الدين ذو الفقار و عبد الحي اديب استطاعوا صياغعه شبكه من العلاقات و المشاعر المعقده اللي بتربط شخصيات الفيلم ببعض بحرفه شديده

هدي سلطان كفام فاتال من الطراز الأول أداء رهيب من زكي رستم و شكري سرحان في دور غير مألوف بالنسبه له

عمر ما هانسي لقطه نهايه في امرأه علي الطريق و هي لقطه واسعه بعدين عريضه رشدي اباظه يحمل جثه أخاه القتيل و يسير في اتجاه بينما الاب الكفيف زكي رستم يسير في اتجاه مضاد ينادي علي ابنه القتيل " حسنين يا ولدي "

نكمل بكره بقي 😀

باب الحديد ١٩٥٨
يوسف شاهين
ممكن يكون الأفضل في أعمال شاهين أظنه الافضل ، يبدأ للقطه كبيره لمحطه مصر بعالمها و القصص التي تدور فيها و الصراعات بها

اللقطات و الكلوزات و المونتاج بتورينا انها امام فيلم well crafted و سيناريو هو الافضل لعبد الحي اديب . كم القفص اللي في الفيلم كتير مثلا الفتاه التي تودع حبيبها و هو مع أهله معركه صاحب الكافيتيريا مع بائعات الكازوزه صراع الشيالين لإنشاء نقابه و قصه حب فريد شوقي و هند رستم

و اخيرا هوس قناوي بهنومه الفيلم ليدأ للقطه كبيره لمحطه مصر و ينتهي للقطه اخري كبيره فيها فورجراوند الفتاه التي تنتظر حبيبها و في الخلفيه فريد شوقي و هو يحمل هند رستم و يرحل بعيدا ، فيلم عظيم

لا ينسي

دعاء الكروان ١٩٥٩
بركات
عارفين اكتر حاجه بنلفت نظري في الفيلم ده ايه ؟ حركه الممثلين و الكاميرا و الديكور في بيت الباشمهندس

المشاهد بين فاتن حمامه و احمد مظهر في بيت الباشمهندس كانت تقبله مليانه مشاعر مركبه و بركاته صور ده بعبقربه و عمل حركه المصلين في المشهد مع حركه كاميرا تقدر تجسد كل ده

و ده كان عاوز مونتاج يظبط الايقاع و الاحساس ده و ده تم و علي فكره انا باحب مونتاج مشهد قتل هنادي جدا

بركات كان في قمه اللياقه الفنيه و كان ليورينا حرفته و استاذيته في الفيلم ده و هو عمل حاجه غير مألوفة في السينما المصريه وقتها ابتدي الفيلم فلاش باك بمشهد بخطف المشاهد ،و طبعا لا ننسي الموسيقي التصويريه لاندريا رايدر
دعاء الكروان من جواهر السينما المصريه

نكمل بعدين

الرجل الثاني ١٩٦٠
عز الدين ذو الفقار
فيلم عصابات مصنوع بعنايه شديده منحوت الصراحه

فيلم يبين حرفه مخرج زي عز الدين ذو الفقار مع طاقم عمل رائع ، في السينما التجاريه فيلم زي الرجل الثاني ليورينا ازاي ممكن فيلم تجاري بيبقي معمول بغنائه و بخرفه سينمائيه فيها جماليات كويسه

ملاك و شيطان ١٩٦٠
كمال الشيخ
سنه ١٩٦٠ كانت سنه السعد لرشدي اباظه عمل الرجل الثاني و ملاك و شيطان ،
كمال الشيخ كعادته يقدم فيلم آثاره و تسويق جيد و يستخدم تيمه ناجحه جدا ثنائيه الرجل القاسي اللي يتعرف علي طفله تجعل منه شخص آخر

صراع داخل الاوسطه انكل عزت رشدي اباظه و مطارده العصابه و العلاقه اللي بتكون بين رشدي و الطفله في كل ده كمال الشيخ يغزل فيلم روعه بكل استاذيه

الحرام ١٩٦٥
بركات
بركات بعد نجاحه في دعاء الكروان جرب حظه مره اخري مع عمل أدبي اخر ليوسف ادريس معالجه همتازه بنجد فيلم نعمل في مصر من ٥٢ سنه ليناقش فكره الأخلاق و العيب النفاق الأخلاقي في وسط واقع اجتماعي و اقتصادي بائس وعطينا في نهايه الفيلم امل في الجنس البشري

يؤسفني اقول لكم إن صعب السينما المصريه تعمل فيلم زي الحرام الان ، من الحاجات الروعه في الفيلم ده هو زكي رستم ، زكي رستم عمل أداء اسطوري في الفيلم ده ممكن يكون اعلي أداء له

السيناريو في الفيلم مبني ببراعه ، موقف اهل القريه من الحادث اللي حصل و رد فعلهم الاول و التحول اللي جرب فيه عمليه التحول ده و تغيير الموقف السيناريو عملها بأقتدار جعلت فيلم الحرام من درر السينما المصريه .

فجر يوم جديد ١٩٦٤
يوسف شاهين
لولا شويه البروباجاندا السياسيه كان ده اصبح من أهم افلام شاهين ، أنا شايفه من افلام شاهين المهمه عكس كتير و بيفضلزا عليه افلام اخري اري انها غير اصيله بالمره

كانت جرأه و اختيار شجاع صحيح من شاهين الاستعانه بممثله ليست نجمه شباك لكن من أكثر من الممثلات المصريات موهبه في التاريخ و هي سناء جميل

في نفس الوقت كان اختياره لسيف عبد الرحمن اقل ما يوصف به أنه خرا ، الفيلم ده في بطل خفي و هو عبد العزيز فهمي مدير التصوير اللي عمل معجزات في الفيلم ده .

اتفرجوا علي فجر يوم جديد و استمتعوا بالقصه و بسماء جميل و صوره عبد العزيز فهمي

مراتي مدير عام ١٩٦٨
فطين عبد الوهاب
الكوميديا مش هيافه و ايفيهات علي أشكال الناس و مظهرهم يقوم بها نجم علي ممثل صغير أو ايفيهات تعتمد علي التلاعب بالالفاظ او ممثل يضرب ممثله علي مؤخرتها ، هو ده اللي نتعلمه من فطين عبد الوهاب

فطين عبد الوهاب بيعلمنا ازاي نعمل فيلم كوميدي و في رساله تقديميه هنضحك و نستمتع بأداء مجموعه ممثلين هايلين في كل الأدوار و في نفس الوقت في فكره و قيمه حلوه في الفيلم

ملحوظه قارنوا بين مراتي مدير عام و فيلم عمله احمد السقا و مني زكي اسمه تيمور و شفيقه عشان تعرفوا الانحطاط وصل لفين ؟

بدايه و نهايه ٢٩٦٠
صلاح ابوسيف
لا تعليق معالجه جيده سينمائيه لنص ادبي مجموعه ممثلين تعد الافضل في وقتها مع واحد من أكبر مخرجي السينما المصريه

فريد شوقي كان جميل عمر الشريف افضل أداء له في أفلامه المصريه و سناء جميل روعه و امينه رزق استاذه ، صلاح ابوسيف أدار المجموعه دي باقتدار

قنديل ام هاشم ١٩٦٨
كمال عطيه
كيلي تعلم في الخارج و يعود للوطن الحي الشعبي الذي يعيش و يجد الناس غارقين في الخرافه ، هينصرف ازاي ؟ فيلم لطيف لمهرك كان قليل الإنتاج

المتمردون ١٩٦٨
توفيق صالح
من الافلام الممنوعه مرضي في مستشفي امراض صدر خيري ميقومون يتمرد و يستولوا علي اداره المستشفي اللي بتنهب موارد المستشفي

بتشوف كل المواقف اللي يتصاحب الثورات اللي معتدل و اللي راديكالي و لما الثوار في لحظات معينه يسيئوا استخدام
ام السلطه و بتشوف ازاي التمرد تم قمعه في النهايه لكن رغم كل ده في امل

المتمردون لا يقدم رؤيه رومانسيه علي الثورات لا بل العكس بتشوف الي الثوار بشر بيغلطوا و بيسيئوا التقدير و ممكن السلطه تغرهم

المتمردون لا يقدم رؤيه رومانسيه علي الثورات لا بل العكس بتشوف الي الثوار بشر بيغلطوا و بيسيئوا التقدير و ممكن السلطه تغرهم

فيلم المتمردون لو اتعمل اليومين هيام منعه مثل ما حدث عام ١٩٦٨ بل بالعكس هيبقي فيلم مزعج جدا الان ، و لو الناس شافته هيبقي وقعه غريب عليهم لانهم يا كانوا متمردين في ٢٠١١ و علي الاقل شافوا مع حدث,
المهم لو ما شفتوش المتمردون اتفرجوا عليه عشان فيلم يستاهل

البوسطجي ١٩٦٨
حسين كمال
الصعيد بطل قسوته يصوره لنا حسين كمال في معالجه سينمائيه لروايه يحقي دماء و طين

معالجه سينمائيه ممتازه المخرج الجديد آنذاك حسين كمال

شئ من الخوف ١٩٦٩
حسين كمال
تجربه فريده دراما موسيقيه غنائيه في معالجه سينمائيه لروايه ، المعالجه و شكل الدراما الغنائيه اعطي القصه شكل القفص الشعبي

محمود مرسي في أداء استثنائي و شاديه و حسين كمال بيعمل كل ده بحرفه عاليه في تالت أفلامه

https://twitter.com/Ahmed_Abrass/status/1157772721754988544/photo/1

اللي عمله حسين كمال أنه عمل شكل جديد لاول مره في السينما المصريه و وظف اسلوب الدراما الغنائيه بشكل جديد علي السينما المصريه و كان شويه لمحات فنيه عاليه جدا منه زي استخدام القطع علي نفس المحور في مونتاج مشهد الهويس

يوميات نائب في الارياف ١٩٦٩!
توفيق صالح
فيلم منسي و جميل يتأمل فكره العداله من خلال قصه وكيل نيابه يعمل في الارياف ، ببساطه توفيق صالح قدم فيلم رائع عن روايه توفيق الحكيم

استطاع توفيق التعبير عن روح الروايه و عمل سيناريو محكم جدا ، وقدم لنا وجه جديد جميل لم نره في افلام اخري

المومياء
يوم أن تحصي السنين ١٩٦٩
شادي عبد السلام
السينما المصريه في كفه و الفيلم ده في كفه ، شادي كان بيحاول يقدم سينما مصريه بجماليات و لغه سينمائيه خاصه به

للاسف لم نري عمل طويل اخر لشادي نحن لم نكن انام مشروع مخىج كبير لكن كنا أمام مشروع مخرج عالمي للاسف لم يكتمل ، الفيلم كان تكوينات رائعه ومس تشكيلي رائع و تصوير و أضاء عبقريه لعبد العزيز فهمي مع ديكورات صلاح مرعي

شادي قدم دراما شكسبيريه من طراز اول ، بطل في معضله أخلاقية و كان مشهد لقاءه مع كبير الافنديه عند سلم المركب ملهم

الارض ١٩٦٩
يوسف شاهين

اولا محمد ربنا أن يوسف شاهين ما نفذش اللي في دماغه و عمل الفيلم كوميديا موسيقيه زي ما كان عاوز

الفيلم في بانوراما لقريه في الريف الفلاحه الشابه التي تحلم بنغاظره القريه و الطفل المتعلق بها و الفلاح الذي لا يحد ملاذ لرغبته الا مع الجاموسه و في وسط كل هذا يصدم الجميع بمشروع اقامه طريق زراعي يخترق القريه

دراما قويه أداء ممثلين قوي حتي في الأدوار الصغيره من افلام شاهين الكبيره لكن مش أفضلها سيناريو و موسيقي تصويريه هايله مع تصوير عالي من العبقري عبد العزيز فهمي ، بالتأكيد نحن امام احد كلاسيكيات السينما المصريه

الزوجه الثانيه ١٩٦٦
صلاح ابوسيف

صلاح ابوسيف ياخدنا الريف المصري و يحكي لنا قصه عن القهر و الجشع و يعملها في شكل قصه شعبيه ريفيه و ده يبان في استخدام موال ايوب و ناغسه كخلفيه

خصوصيه الفيلم ده بتعملها حاجتين اولهم أن صلاح ابوسيف كان استوي علي الاخر في قمه لياقته الفنيه ثانيهم أداء الممثلين بشكل عام خاصه اتنين صلاح منصور و سناء جميل كانوا غيلان وحوش تمثيل

اخر كلمه هي مكرره استخدام الموسيقي في الزوجه الثانيه كان حلو اوي

زوجتي و الكلب ١٩٧١
سعيد مرزوق
من افضل الافلام المصريه

في الفيلم ده سعيد مرزوق استخدم لغه سينمائيه جديده و في حركه الكاميرا و التصوير و الاضاءه و الزوايا و كمان في السيناريو و السرد و المونتاج ، هو كان شاف أساليب جودار و تروفو و شغل ال jumping shots بتاع كلود لولوش و قرر استخدام الاساليب دي لكن ما كانش حد بيقلد كان حد فاهم بيعمل ايه

احداث الفيلم تدور حول رحب متعدد العلاقات كان له علاقات متعدده مع سيدات متزوجات و منهم زوجات لأصدقاء و معارف له بيتزوج و يحب زوجته و زوجته تحبه لكنه عنده شك دائم انها هتخونه ، احنا أمام راجل يصارع شكوكه و انعكاس ماضيه الملوث

سعاد حسني تمثل دورين دورها الحقيقي و دور اخر في خيال محمود مرسي

اللي ساعد المخرج الشاب سعيد مرزوق في أول أفلامه أنه يعمل ده اتنين انع كان معاه عبقري في التصوير و هو عبد العزيز فهمي و ده كان مستواه اعلي من م
ياريت تصوير عالميين و كمان كان في المونتاج من مونتيري قديم زي حسين عفيفي

زوجتي و الكلب ممكن نقول إنه فيلم كان في تجريب بالنسبه السينما المصريه علي مستوي التكتيك و الموضوع إنه فيلم تدور أحداثه في عقل رجل .
هو فيلم له مكانه فريده في السينما المصريه و ممكن يكون واحد من افضل الافلام في تاريخها

الاختيار ١٩٧٠
يوسف شاهين
يحصل ايه لما يوسف شاهين و نجيب محفوظ يقرروا عملوا فيلم ؟
اللي حصل هو الاختيار

واضح جدا اثر نجيب محفوظ في اختيار التيمه اللي شفناها في قصص قصيره له خلي بالكم نحيب محفوظ غير أنه روائي كبير هو كاتب سيناريو عمل كم كبير من الافلام و شغال من الاربعينيات و اشتغل مع توفيق صالح و صلاح ابوسيف و كمان شاهين يعني اهم دول اهم مخرجين السينما في مصر في وقتهم

انا باحب الفيلم ده باحب الموسيقي التصويريه لعلي اسماعيل اوي باحب المشهد الشهير في خماره بهيه قمر

في حاجه لازم اسيد بيها في الفيلم ده و هي الست هدي سلطان
هدي سلطان دي حاجه كبيره اوي يا جماعه حاجه احنا ما نعرفش قيمتها حتي الان نحن لم تستوعب قدرات ممثله عظيمه اسمها هدي سلطان و فنانه متعدده المواهب زيها

أسوأ ما في الفيلم كان سيف عبد الرحمن اهو كان حاجه كده مالهاش اي لازمه في الحياه بلانا بيها يوسف شاهين زي ما بلانا بعد كده بخالد خرا يوسف ، ربنا يسامحك يا جو

زائر الفجر ١٩٧٤
ممدوح شكري

تحفه منسيه صنعها مخرج رحل مبكرا و هو ممدوح شكري و معلوماتنا عنه قليله هو فيلم يتحدث عن القمع و الدوله البوليسيه و أنتج ١٩٧٥ و تم منع عرضه ، هو في أفلام في الفتره دي اتكلمت عن الموضوع ده بس كانت يتركز علي أن ده في العد السابق عهد ناصر فقط

الفيلم تجاوز الحته دي و شاف الموضوع بشكل أعمق و ممكن ده سبب منعه ، الفيلم بياخدنا في قصه مأساويه الصحفيه معارضه صاحبه موقف و بتشوف حياتها و ما تعرضت له نتيجه مواقفها بالاضافه لمأسلتها الشخصيه و ده من خلال وكيل نيابه بيحقق في واقعه وفاتها و ده مع بانوراما لواقع اجتماعي و اقتصادي

السيناريو قدر يلم كل ده و هذا مما جعل الفيلم ده من الافلام اللي فيها تكل كبير في العناصر ، انا اقدر الفيلم ده اوي .
و لازم نخي ماجده الخطيب لادائها في الفيلم ز كمان انها هي أنتجت الفيلم ده و اعطتنا التحفه دي

عوده الابن الضال ١٩٧٦
يوسف شاهين

اخيرا يوسف شاهين عمل الفيلم الموسيقي الغنائي اللي كان بيتمناه مع صلاح جاهين اللي شاركه كتابه السيناريو و وضعوا فيه رؤيتهم للواقع ، باعتبار الفيلم افضل افلام شاهين بالنسبه لي و اعتقد ان قدم لنا خلاصنا في نهايه الفيلم ، الامل في حياتنا في مجتمعاتنا أن تحصل نهايه الفيلم ده

وجود صلاح جاهين في الفيلم ساعد يوسف شاهين أنه يحصل علي الفيلم الموسيقي الغنائي اللي بيحبك بيه تم تصغير الاغانب في الفيلم بشكل مميز

الفيلم ده ما في أداء تمثيلي مش مميز لا كان جبار يمثل في المليجي و ده عادي و هدي السلطان اللي كانت عظيمه عظيمه كعادتها و شكري سرحان اظن ده افضل أداء الشمري سرحان قدمه و سهير المرشدي بمأساتها و انكسارها و جنونها في النهايه علي فكره سهير كانت جميله بشكل خاص في الفيلم ده

خلي بالك من زوزو ١٩٧٢
حسن الامام

من إخراج حسن الامام ، وسألوني عن رأيي في حين الامام ؟ هو مخرج تجاري لكن كان يمتلك حرفه اخراج عظيمه و نجح أنه يخلق نوعيه افلام ليها ايمان معينه و تركيبه خاصه الراجل ده خلق genre لوحده و هو افلام تظ ؤ احداثها في عالم العوالم و الكباريهات الراجل ده يتعمل عليه شغل في ك film theory

في حد قدم السندريلا زي ما قدمها هو في خلي بالك من زوزو ؟ في مشهد كامل تم تصويره في لقطه واحده و نو مشهد طويل لوخيد سيف ليدخل و الكاميرا بتصاحبه و يدخل في حوار طويل و يخرج من الشقه ده شئ صعب التنفيذ جدا و ماحدش يعرف يعمله الا مخرج استاذ معلم كبيى

كمان يعتبر بعض النقاد خلي بالك من زوزو فيلم تقدمي بروحربسيف ، لا اظن ان حسن الامام كان بيفكر كده لكنه كان كعادته بيفكر يعمل فيلم مبهج و ده اللي حصل و حط في كل خبرته و حرفته في عمل افضل فيلم في نوعيه الافلام اللي ابتكرها هو بنفسه

شئ في صدري ١٩٧١
كمال الشيخ

معالجه سينمائيه مميزه عملها كمال الشيخ مع السيناريست الشاب رأفت الميهي لروايه احسان عبد القدوس ، رشدي في اباظه في دور عمره و خلينا نتفق أن رشدي اباظه مع كمال الشيخ ممثل مختلف ( و كذلك مع فطين عبد الوهاب ) هو في شئ في صدري قدم أداء يعتمد علي مشاعر داخليه

و كان ظهوره علي الشاشه بيخلق vibe معين و بجانب رشدي كالعاده هدي سلطان عظيمه و ماجده الخطيب مميزه ، الفيلم ده نبني بناء كلاسيكي رصين جدا و مظبوط اوي و ده قصه غير مألوفة في السينما ما يعملهاش الا كمال الشيخ

ام العروسه ١٩٦٣
عاطف سالم
اسف ده سقط سهوا كان لازم يتحط بدري وسط افلام الستينيات

كوميديا عاليه خفيفه مصنوعه بعنايه ملعب عاطف سالم المفضل

عماد حمدي في قمه نضجه و كان أدائه سهل ممتنع , ام العروسه نموذج الفيلم الخفيف اللي بتحب

السقا مات ١٩٧٦
صلاح ابو سيف

فيلم عن صداقه بين رجلين سقاء يمد الناس بالمياه سر الحياه لكنه يعاني حزن شديد بعد وفاه زوجته و تشريفاتي جنازات رجل يتكسب من الموت لكنه محب الحياه و مرح

فيلم في حديث كتير عن الموت لكنه فيلم في حب كبير للحياه و في أداء عظيم من الملك فريد شوقي

شفيقه و متولي ٢٩٧٩
علي بدرخان

معالجه قصه شعبيه في شكل غنائي مع اسقاط علي واقع اقتصادي و سياسي

كان محاوله جيده لتقديم ميوزيكال بشكل جديد

اسكندريه ليه ١٩٧٩
يوسف شاهين

من الاخر كده و دي قناعتي يوسف شاهين اتفرج علي amarcord لفيلليني و قال انا عاوز اعمل فيلم زي ده

لما اتكلم عن اسكندريه ليه لازم اتكلم عن كاتب السيناريو محسن زايد و هو سر نجاح الفيلم ، يوسف شاهين راح له و قعد يرمي له حودبت كتير و قصص متفرقه و رؤيته لفتره تاريخيه و مجتمع في الوقت ده و قاله اعملي من الكلام ده فيلم

راح محسن زايد قال بعبقربه لم الكلام ده كله و غزله و سفره في فيلم ، لو يوسف كان كتب السيناريو بنفسه زي ما عمل في افلام كتير كنا شفنا فيلم زباله

عشان كده بكل الفيلم محسن زايد ، بتشوف بانوراما لاسكنريه وقت الحرب العالميه الثانيه من خلال يحي و أسرته و أصدقائه مع بانوراما التاريخ بتشوف الجماعات السياسيه الاسلاميه و اليساريين و ظباط الجيش الليبي تكلموا في السياسه

كل ده محسن زايد عرف بلمهو اقطع دراهب أنه يوسف شاهين كفره لأنه لم يعمل معه مره اخري، أداء كيد من كل الممثلين باستثناء احمد محرز و سيف عبد الرحمن ممثلين شاهين اللي ما كانوش بيشتغلزا مع غيره

قيمه الفيلم في اللي عمله محسن زايد أنه لم من الموازين بتاعت شاهين و ده اللي ببالي الفيلم مميز و ياخد جائزه مهرجان زي برلين

و لا عزاء للسيدات 1979
اخراج هنري بركات

قصه بسيطه امرأه مطلقه تتعرض لشائعه بس كده هيحصل لها ايه ؟ هو ده الفيلم و هنري بركات بخبرته الطويله بيعمل لنا فيلم في رقه و قوه في رسالته

كده هندخل في افلام التمانيتيات و التسعينات و الحلقتين دول هما اللي السينما المصريه دخلت فيهم العنايه المركزه لتلفظ فيهم أنفاسها الاخيره ، لكن بالرغم من ده قدمت السينما المصريه كحلاوه الروح افلام مميزه خاصه في التمانينيات بسبب تيار عمله مخرجين في الفتره دي

تيار عمله محمد خان و عاطف الطيب و خيري بشاره و داوود عبد السيد و رأفت الميهي دول هما اللي قدموا اه. الافلام الجيده في السينما المصريه في تلك الفتره .
القائمه هتنتهي بافلام التسعينيات و بدون ما اظلم لم تقدم السينما المصريه بعد كده شئ مميز .

اهل القمه ١٩٨١
علي بدرخان

عن قصه قصيره لنجيب محفوظ علي بدرخان يرصد تغييرات في المجتمع من خلال عزت العلايلي الذي لا يفهم شيئا و اهتزت في عقله كل ثوابته بسبب الانفتاح

اداء مميز لسعاد حسني و نور الشريف كان من الافلام اللي حاولت ترصد التغييرات الناتجه عن الانفتاح

و صور الفيلم قسوه الحياه في القاهره ببراعه

العوامه ٧٠ ١٩٨١
خيري بشاره
كتير منكم ما يعرفوش الفيلم ده صح ؟

ده كان علامه فارقه أن هناك جيل جديد بيعمل سينما مختلفه ، ده خيري بشاره لما كان مخرج كويس قبل مرحله الابتذال و السفاهه و ادعاء العمق بتاعه كابوريا و ايس كريم في جليم ز حرب الفراوله و قشر البندق

انا باحب اداء احمد زكي في الفتره دي لان كان أدائه اكثر تلقائيه كان fresh و اداء غير متوقع من ممثله جديده هي تيسير فهمي و اداء عالي من ماجده الخطيب و كمال الشناوي

بتشوف بطل غير كامل عنده ازدواجيه و عقد و كلاكيع ليواجه موقف عاوز مواجهه و بتشوف نمازج الشخصيات النسائيه جديده في السينما المصريه

حاله جديده في المونتاج و الايقاع تماما كانت اعلان ب ايه تيار جديد لحيل مخرحين جدد في السبنما المصريه ، العوامه ٧٠ فيلم مهم لازم يتشاف

موعد علي العشاء ١٩٨١
محمد خان

مش هتكلم هو في كلام ، فيلم في منتهي الرقه و الرقه بنحسها في المونتاج و الايقاع في حاله خلقها محمد خان في الفيلم ليعيش فيها المشاهد و سعاد حسني في ا داء خيالي ، الممثلين زي النبيذ لما يقدموا بيعتقوا و بزدادوا حلاوه

بالنسبه لمحد خان ده كان عمل ليفجر موهبته و يستحق أنه يتقال عليه أنه من ضمن اجمل الافلام المصريه

سواق الاوتوبيس ١٩٨٢
عاطف الطيب

لو العوامه ٧٠ علامه فارقه سواق الاتوبيس كان شهاده الميلاد للتيار ده قصه محمد
خان و بشير الديك و اخراج عاطف الطيب

الانفتاح كان تغيير النظام الاقتصادي و ده غير حاجات كتير بعض التغييرات كانت صادمه و في افلام كتير رصدت ده أهمهم اهل القمه لعلي بدرخان و سواق الاوتوبيس لعاطف الطيب

سواق الاتوبيس حسن عامه بيهدم بالكامل يصدم في اخوته حتي زوجته النهايه حزينه لكن واقعيه بتشوف ميرفت امين في حاله عاليه و نور الشريف في افضل أدواره و يقدم لنا عاكف الطيب اتنين ممثلين جدد كبار في السن لكن كويسين اوي هم حسن حسني و علي الغندور

سواق الاوتوبيس كان شهاده ميلاد و حيل و فيلم مهم اوي و استحق أنه يكون من كلاسيكيات السينما المصريه

نكمل بعدين

عيون لا تنام ١٩٨١
رأفت الميهي

قبل الفيلم ده رأفت الميهي كان سيناريست عمل افلام زي غروب و شروق و شئ في صدري و علي من نطلق الرصاص مع كمال الشيخ و بعدها قرر أنه يبقي مخرج و اخد مسرحيه ليوجين أونيل و عملها معالجه سينمائيه بتدور في مصر في مطلع التمانينيات

في المسرحيه الصراع حول مزرعه في الفيلم الصراع حول ورشه اصلاح سيارات كبيره في وسط البلد بين شقيقين فري
ذوقي و احمد زكي و يتصاعد الخلاف لنا الاخ الاكبر فريد شوقي يتزوج فتاه اصغر سنا مديحه كامل .
في عزاء في البدايه بين مديحه و احمد زكي ثم تتحول العلاقه بينهم العلاقه عاطفيه

و كل ده في ظل صراع الشقيقين حول الورشه

ا.دلء روعه من ٣ فريد شوقي و احمد زكي و مديحه كامل اللي قدمت اقوي أداء لها ، ديكور مميز جدا في الفيلم لان المكان له عامل رئيسي الورشه في البيت اللي الشخصيات ساكنه فيه ( خليكم فاكرين الفيلم أساسا مسرحيه ) رغم أن ٩٥٪ من أحداث الفيلم في نفس المكان إلا أن مفيش ملل

ده يرجع للسيناريو و تصميم الديكور , هو فيلم محكم البناء و ده اللي اتعلمت الميهي من شغله مع كمال الشيخ

عيون لا تنام فيلم كبير و متكامل العناصر و نموذج هايل لمعالجه مسرحيه من اصل اجنبي و تحويلها لفيلم

الافوكاتو ١٩٨٣
رأفت الميهي

خلاص رأفت الميهي عمل الفيلم الاول و ده الفيلم التاني قناخرر و تشتغل علي مزاجنا ، رأفت الميهي قرر يعمل فيلم رؤيه كاريكاتورية كوميديه عن الانفتاح شخصيات اشبه بكاريكاتير احمد رجب و مصطفي حسين و الشخصيه الرئيسيه حسن سبانخ محامي شاطر لها قانونها الخاص

رؤيه كاريكاتيريه كوميديا سوداء مضحكه عن واقع مهبب ، الفيلم فريد في تكوينه و معالجته للموضوع و ده جعله حاجه فريده في السينما المصريه

ملف في الاداب ١٩٨٥
عاطف الطيب

قبل ٢٥ سنه من حادث خالد سعيد قام عاطف الطيب بإخراج ملف في الآداب

تخيلوا جرأه الفيلم ده في وقته و رصده الظاهره دي من أمتي ؟ هو ده عاطف الطيب يا جماعه

مش هتكلم عن قوه السيناريو و الا.اء الرائع لصلاح السعدني و فريد شوقي

البرئ ١٩٨٥
عاطف الطيب

تخيلوا أن عاكف الطيب عمل ملف في الآداب و البرئ و را بعض

تراجيديا احمد سبع الليل الفولي ، احمد زكي عمل اداء عالي جدا شوفوا ملامحه بس

فيا عظيم و ما كانش في غير عاكف الطيب اللي يجرؤ علي صناعته ، عاكف الطيب ما كانش يطلع يرغب كتير عن السياسه و يتعنتر لكن كان بيعمل افلام يوصل بيها اللي ها عاوزه و يلعب بيها دور في التنوير .
عاطف الطيب كان الفارس في السينما المصريه اللي تركنا و رحل مبكرا

الصعاليك ١٩٨٥
داوود عبد السيد

من البدايه المخرج الكبير بيبان سيناريو محكم جدا شخصيات مرسومه لعنايه التغيير اللي بيحصل فيها مدروس جدا ، فيلم يحكي عن رحله ٢ صعاليك من الفقر القراء في زمن الانفتاح

فيلم بيشرح الطبقه الجديده اسلوب صعودها نمط تفكيرها و رؤيتها لما حولها ، العلاقه ما بين نور الشريف و محمود عبد العزيز هي اساس الفيلم اتريمت صح و الاتنين كانوا هابلين ، يسرا دور غير مألوف و مهم جدا في مشوارها و عملت مشهد رهيب تعاملها مع خيانتها لزوجها مع أعز أصدقائه

الصعاليك فيلم عالي جدا من ناحيه الصنعه و من ناحيه السيناريو و مان بدايه قويه لمخرج أصبح مهم جدا هو داوود عبد السيد

خرج و لم يعد ١٩٨٤
محمد خان

بسيط و جميل بأداء رائع الفخراني و ليلي علوي و فريد شوقي و كالعاده محمد خان بيقدر يخلق روح و حاله مميزه او مذاق خلينا نقول موود ايوه موود فيلم يحمل موود محمد خان المميز

للحب قصه اخيره ١٩٨٦
رأفت الميهي

فيلم عن الحب و الموت و الفقر و الجهل و بانوراما الحياه في جزيره الوراق في نيل القاهره , يحي الفخراني في أفضل حالاته مع معالي زايد و عبد العزيز مخيون في فيلم م افضل افلام رأفت الميهي

الطوق و الاسوره ١٩٨٦
خيري بشاره

مغامره و عمل صعب جدا احداث في الصعيد في الاربعينيات و الفقر و الجهل و العادات و التقاليد

الصعيد كما لم نراه في لعمل درامي مصري قبل ذلك و اداء جيد لشريهان و عزت العلايلي و عبد الله محمود و احمد عبد العزيز و حنان يوسف مع ادلء خارق العاده لفرد س عب
الحميد

فيلم ادخل خيري بشاره التاريخ مع سيناريو جيد ليحي عزمي

الجوع ١٩٨٦
علي بدرخان

هو فيه استلهام من ملحمه الحرافيش بس مش قصه معينه هتلاقي ملامح من كذا قصه من الملحمه اتعمل منها قصه واحده و الحقيقه ده كان ذكاء في المعالجه جدا يخسر لعلي بدرخان و مصطفي محرم

سعاد حسني هي سعاد حسني كالعاده محمود عبد العزيز كان عالي في شخصيه تحدث فيها تحولات علي مدار الاحداث مع أداء جيد لمخيون في بطولته الوحيده ما ننساش سناء يونس و عزيزه حلمي

و لازم م نذكر تصوير محمود عبد السميع

المشبوه ١٩٨١
سمير سيف

سمير سيف متمكن جدا بيعمل فيلم عن مدان سابق الفيلم بين مطار ه الشرطه لن بسبب ماشيه و ضغط شركائه السابقين أن يعود للجريمه تببمه معروفه و مكرره لكن انعالجت صح الفيلم يعطي درس ازاي تتم استخدام
تيمه معروفه و متدلوله و تقديم فيلم جيد و مسلي و ده بفضل حرفيه المخرج سمير سيف

الحريف ١٩٨٣
محمد خان
الفيلم اللي كرهه مخرجه و كرهه بطله
علي الرغم أن محمد خان لم يختار نهايه فيلمه لأسباب تجاريه ( النهايه سيئه ) و كرهه عادل امام لعدم تحقيق نجاح جماهيري إلا أنه تجربه مميزه في مسيره كلاهما

بتشوف تأثر خان بمخرجي الموجه الجديد جودار و تروفو انا باسم التأثير في لقطات شوارع القاهره في الفيلم ده ، بنشوف لا بكل شخص فاشل بالفطره من مهمشين القاهره و بتدخل في حياته و عالمه و نشوف القاهره من خلاله

في اداء جيد من عادل امام لكن مفاجاه الأداء في الفيلم ده جاي من الأدوار الثانيه
فردوس عبد الحميد عبد لله فرغلي نجاح الموجي زيزي مصطفي ابراهيم قدري

مشوار عمر ١٩٨٦
محمد خان

عمر الشاب القاهري الثري المدلل لاول مره والده الجواهري يقرر إرساله في مهمه عمل و هي توصيل مجوهرات لعميل في الأقاليم

ماذا ستفعل الرحله بعمر و منن سيقابلهم في الطريق سواقيل نقل يريدون سرقته شاب ريفي سري في عمر فرصه للهجره القاهره فتاه ليل تعمل الأقاليم

في نهايه الرحله عمر لا يعود كما هو اخراج رائع لخان و تمثيل جيد من فاروق الفيشاوي و مديحه كامل و ممدوح عبد العليم

زوجه رجل مهم ١٩٨٧
محمد خان

امتاز مخرجي الثمانينيات بالجرأه في طرح موضوعات كانت تابوهات و ده رغم ظروف الإنتاج السئيه و مشاكل كتير اوي انهم كانوا شجعان انهم يفتحوا مةض عشان كده في افلام زي ملف في الآداب مثلا و الفيلم ده زوجه رجل مهم

قصه زوجه مغلوبه علي أمرها ليست صاحبه قرار في اي شئ بتشوف مأساتها من زوجها الظابط في صعوده و سقوطه

احمد زكي كان في قمته و التحكم في إيقاع أدائه بشكل رائع الشخصيه مرت بتغيرات قويه هو قدر يعبر عن ده بشكل جيد و المشهد الاخير كان عبقري ، ميرفت امين كانت مستويه في الفيلم ده ناضجه جدا

قوه الفيلم أنه حاول يدخل في عقل السلطه كيف يفكر من هم في الشبكه و رؤيتهم لدورهم و وظيفتهم ايه

يوم حلو يوم مر ١٩٨٨
خيري بشاره

فاتن حمامه نجمه كبيره و ذكيه شافت أن في جيل مخرجين جدد بيقدم سينما جديده و كويسه قررت انها تشتغل معاه و عشان كده قررت العمل مع خيري بشاره و داوود عبد السيد لاحقا

فاتن حمامه ام فقيره لتحاول نتدبر مصاريف أسرتها يوم بيوم ، هي
Everyday hero بمعني الكلمه و هي مش مثاليه بل أحيانا تعمل حاجات غلط زي انها تطلع ابنها من مدرسه عشان يشتغل

كانت بدايات مميزه لعبله كامل و احمد كمال و حنان يوسف و اداء مميز لمحم
منير طبعا في تصوير عالي جدا و توظيف هايل الموسيقي التصويريه

فيلم بيحقق معادله صعبه أنه ليعبر عن. ايه قاسي لكن في جمال و في أمر انها مهما تضيق بتفرج في النهايه زي ما حصل في اخر الفيلم

في مشهد جرئ جدا تم حذفه من الفيلم ده و هو لفاتن حمامه و عي تمارس العاده السريه كان مشهد قوي جدا ده كان في النسخه اللي راحت مهرجانات بره

خيري بشاره لم يقدم لنا ام مقدسه لا هو قدم لنا ام حقيقيه مش خياليه تحاول تربيه ابنتها أحيان تتصرف صح و احيانا غلط و انسانه لها رغبات و غير قادره علي اشباعها

هو الفيلم اسمه علي مسمي يوم حلو يوم مر

الهروب ١٩٨٨
عاطف الطيب

قلت أن عاكف كان من اجرأ المخرجين لما عمل ملف في الآداب و البرئ و بعدهم كمل اللي عمله في الفيلمين دول بفيلم الهروب ممكن نعتبر ملف ادبي الآداب و البرئ و الهروب ثلاثيه عاطف الطيب ( انا املك حقوق الملكيه الفكريه لمصطلح و فكره ثلاثيه عاطف الطيب )

في اصداء اللص و الكلاب شويه لنجيب محفوظ ؟ ممكن
قضيه عاديه السلطه استغلها التغطيه علي وقائع الفساد و الصفقات مع التنظيمات المتطرفة ، لوحه كبيره بيرسمها عاطف الطيب

و ده من خلال بطله منتصر و أخذنا في أجواء السعيد في فيلم ملئ بالاثاره و الجمال مع سرعه ايقاع لا تمنعنا من التفكير و التأمل

هو عاطف الطيب في اعلي حالاته الفنيه مع اداء عالي لمخيون و محمد وفيق و ابو بكر عزت

احلام هند و كاميليا ١٩٨٩

قصه صداقه بين اثنين من خادمات المنازل , سيدتين فقيرتين مهمشتين محمد خان يأخذنا في عالم جديد

نجلاء فتحي كان دور عمرها مع احمد زكي اللي مالها ه كان مقتدر و خان يصنع احد اجمل أفلامه، فيلم يستحق أن يكون له مكانته المميزه في السينما المصريه

سمع هس ١٩٩٠
شريف عرفه

افضل افلام شريف عرفه و ماغرفش يعمل زيه تاني لأنه لما عمل سمع كان حر و بعد كده عمره ما كان حر

تجربه هامه جدا في تقديم كوميديا موسيقيه في التسعينيات و تجربه جميله فيلم مبهج رغم أن أبطاله بيتم سرقه مجهودهم و الكل ضدهم الان صرختهم في النهايه تعطي الامل

صرخه النهايه مع الكلوز اب كانت لمحه عبقريه من شريف عرفه ، سمع هس رغم هزيمه أبطاله الا انه فيلم مبهج وبه امل في النهايه

البحث عن سيد مرزوق ١٩٩١
داوود عبد السيد

حاله مختلفه تماما في المعالجه و القصه بالاضافه الي الطرح و هو من فيلمه الاول الصعاليك قدم طرح مختلف تماما من زاويه غير المعتادة للناس و هو يعمل كده في البحث عن سيد مرزوق

مع تصوير رائع من طارق التلمساني و ايقاع مونتاج فريد من نوعه مع موسيقي راجح داوود قام داوود عبد السيد بعمل فيلم جميل و فريد من نوعه

البحث عن سيد مرزوق لن قيمه كبيره بلغته السينمائيه الراقيه و جمالياته الفنيه و بالطرح و الرؤيه اللي بيكطرحها الفيلم هو فيلم لازم يتشاف

الكيت كات ١٩٩١
داوود عبد السيد

الرجل الوحيد الذي يتحدي عجزه و واقعه يعلم جيدا ما يدور حوله في الحي هو الرجل الكفيف

الحياه في حي كامل من وجهه نظر رجل كفيف يتحدي عجزه و صاحب بصيره و مدخن شره للحشيش باع منزله مقابل الحشيش

انسي ابو سيف بني حي بالكامل في الاستوديو و راجع داوود عمل موسيقي هايله و الصوره الرائعه لمحسن احمد ، داوود عبد السيد غزل فيلم أو نحت الفيلم و خلق حاله في الفيلم

المشاهد بيعيش حاله و هو بينفرج علي الكيت و ده اعظم حاجه في الفيلم ده ، مفيش كلام كتير يتقال عن الكيت كات لان من حلاوته خلص الكلام

ليه يا بنفسج ١٩٩٢
رضوان الكاشف

انا باحب ليه يا بنفسج في حاله شجن في الفيلم ده انا باحبها جدا و موسيقي تصويريه روعه و ا إذ هايل من نجاح الموجي و سيد عبد الكريم و حسن حسني

هو و الكيت كات يعتبروا افضل الافلام اللي عبرت عن الحياه في الاحياء الفقيره و العشوائيه في القاهره و ما اعرفش ازاي في ناس وضعت فيلم زي حين ميسره لخالد خرا يوسف في مرتبه واحده مع الافلام دي

ارض الخوف ١٩٩٩
داوود عبد السيد

مفيش مشهد اروع من حفله تجار المخدرات اللي بيحتفلوا بتهريب أن زميلهم و هما بيسكرةا و يهيسزا هما بيتفرجوا علي راقصه ستريبتيز و احمد زكي بيراقب اللي بيحصل من الخلف و يقرب ويرني فلوس كتير علي الراقصه كانت لحظه دخوله ارض الخوف

فسر الفيلم زي ما انتا عاوز مش مهم ، الاهم أن في سينما حلو جماليات سينمائيه عاليه مع اداء احمد زكي و و ابو زهره و حمدي غيث

راجح داوود عظيم و مختلف و داوود أظهر استاذيته

كده انتهي قائمه افلام ال must see المصريه و لم اضع افلام أنتجت بعد ٢٠٠٠ هو الحقيقه لو هاضيف حاجه بعد كده ممكن يبقي مواطن و مخبر و حرامي لداوود بعد ٢٠٠٠ كان تم اعلان الوفاه للسينما المصريه

في فيلمين سقطوا سهوا هم
اللص و الكلاب ١٩٦٣
كمال الشيخ
اين عقلي ١٩٧٤
عاطف سالم

و كمان الفيلمين دول
الاتنين صلاح ابوسيف
لوعه الحب ١٩٦٠
البدايه ١٩٨٦

ندخل علي الافلام الاجنبيه يلا

Stagecoach 1939
John Ford

فيلم ويسترن مؤثر جدا ٩ شخصيات مختلفه تماما في الخلفيه الاجتماعيه و الاقتصاديه في رحله عبر طريق خطير و طويل نشوف الشخصيات دي لما تتعامل مع بعض و لما كلهم بيحظق بهم خطر مشترك و نشوف الرق بين ما يدعوه عن انفسهم و شخصياتهم الحقيقه لما يتم اختيارهم من خلال خطر محدق

قبل الفيلم ده الويسترن كانت تصنف كأفلام رخيصه درجه تانيه لكن بعد الفيلم ده اكتسبت افلام الويسترن الاحترام كما اثر الفيلم ده في نوعيه الويسترن ال genre نفسه ،
الفيلم من إخراج جون فورد المخرج اللي كوروسازوا و برجمان كانوا بيعتبروه الاعظم

Citizen Kane 1941
Orson Welles

في تاريخ السينما في قبل المواطن كين و بعد المواطن كين
الفيلم كان عمليه تجديد في المونتاج و السيناريو و تقنيات السرد و التصوير هو تحفه سينمائيه تتجاوز الزمن صنعها شاب عمره ٢٦ سنه عبقري قام بكتابه القصه السيناريو و الإخراج و التمثيل

It is a wonderful life 1946
Frank Capra

يقال عنه إنه فيلم مضاد للاكتئاب ، فرانك كابرا ينحاز لبطلةالمفضل الرجل البسيط الذي يعيش حياه عاديه و بسيطه اللي كان معاه في افلام كتير

The best years of our lives 1946
William Wyler

فيلم اجمل سنوات حياتنا ببتعرض ل ٣ مجندين ليعودوا للوطن و لحياتهم بعد نهايه الحرب العالميه الثانيه و بتشوف تأثير الحرب عليهم ز ما يواجهوه من مشاكل سواء في أسرهم و زوجاتهم اللي ابتعدوا عنهم فتره طويله و في العمل و في باقي جوانب حياتهم

Rome Open city 1945
Roberto Rossellini

من تحف الواقعيه الايطاليه و بدايتها و من الافلام اللي مع الزمن تزداد حلاوه و كل جيل يشوف فيها جماليات خاصه به

The bicycle theif 1948
Vittorio de Sika

رحله رجل و ابنه في البحث عن دراجته المسروقه التي بدونها سيفقد وظيفته في شوارع روما ، ده من الافلام التي جعلتنا نحب السينما

Rashomon 1950
Akira Kurosawa

من أهم الأفلام و لازم يتشاف ، الحقيقه ازاي البشر ليتعاملوا معاها و ده من خلال حادثه بتحصل في ٤ أطراف و كل طرف له قصه مختلفه طيب فين الحقيقه ؟
فيلم عظيم

Ikiru 1952
Akira Kurosawa

ان تحيا
رجل يقترب من الموت فيعرف معني الحياه ، فيلم جميل كيروساوا وجهه نظره في معني الحياه

سينمائيا عالي و إنسانيا غني

Singin in the rain 1952
Stanley Donin and Gene Kelly

قمه الكوميديا الموسيقيه في عصرها الذهبي في هوليوود و فيلم مبهج جدا

La Strada 1954
Fellini

شوفوا بقي الفيلم ده تحفه سينمائيه ايه في الجمال بس مش دي أهميته ، هو مهم بسبب شاعريته في احساس بالشاعربه فيلليني خلقه في الفيلم ما كانش موجود بالشكل ده قبل كده و البعض صنف الفيلم ده علي ان فييليني انتقل من الواقعيه الجديده الي ما أسموه بالواقعيه الشاعريه

هو فيلم ييتحدي الزمن و علامه في تاريخ السينما في العالم ، ما تفوتوش هذا القدر من الجمال دون أن تشاهدوه

The seventh seal 1957
Ingmar Bergman

برجمان ملك الوجبات السينمائيه الدسمه فكريا افلام تتعرض لمشكلات صعبه و أزمات وجوظيه تجعلنا نفكر و نتأمل لكن مش ده اللي عمله مخرج عظيم لكن حرفيته كمخرج و تمكنه من اللغه السينمائيه هي اللي عملت منه مخرج عظيم

هو المخرج المفضل للمثقفين لكنه بالرغم من كده مظلوم ، نعم برحمان مظلوم من معجبيه لانهم بيركزوا علي مقولاته و تأملاته و الافكار اللي ناقشها في أفلامه و اعملوا لهم ما عنده و اجمل ما بيه حرفيته و تمكنه من اللغه السينمائيه

تكوينات انجمار برجمان أشبه باللكمات علي الوجه من قوه تأثيرها

و التكوينات بعضها كان مركب و معقد جدا في كذا خلفيه و اكتر من مستوي اضاءه

و ال mise en scene بتاعه ماكانش سهل ( يعني حركه الكاميرا بزواياها مع حركه الممثلين و التكوين و الاضاءه )

ده اللي عمل انحمار برجمان عظيم و ده بعض الناس تناسته لأنهم اعحبوا بشخصيه برحمان و مقولاته و أفكاره اكتر من قيمته كمخرج مقتدر صاحب حرفه عاليه و ده كان في ظلم له

الختم السابع يتحدت عن عوده محارب من الحروب الصليبيه فاقد الايمان باشياء كثيره كانت مسلمات له و في في رحلته بتشوف العصور المظلمه في أوروبا و ليقابل ملك الموت و يدخل في رهان معه ، ده فعلا a must see movie

Rear window 1954
Hitchcock

ممكن يكون افضل المخرجين و أكثرهم حرفه فيلم well crafted تحفه في الصنعه و ممتع

Hiroshima Mon Amour 1959
Alain Resnais

لوحده ده فيلم لوحده في حاله خاصه و قصه حب غير معتادة انا باستمتع بيه جدا و باحبه جدا

من الافلام المهمه في حركه الموجه الجديده الفرنسيه اللي غيرت السينما في العالم كله و أثرت في في ما أطلق عليه اخر الستينيات و اول الثمانينيات هولييود الجديده او موجه هوليوود الجديده

Samurai Seven 1953
Akira Kurosawa

اكتر فيلم تم اقتياسه حول العالم من السينما الامريكيه في العظماء السبعه اللي السينما المصريه في شمس الزناتي

السيناريو استخدم حيله معينه و هي أن ابطال الفيلم بيتم تجميعهم واحد ورا واحد من أجل الفيلم بمهمه معينه ، الحياه دي في السرد كانت اول مره استخدم
في الفيلم ده الان بنشوفها في افلام كتير شغاله زي الفل

كوروسازوا نقل افلام الاكشن لمنطقه اخري بعد الفيلم ده و عمل تحفه سينمائيه

Les 400 coups
Farncois truffaut

من الافلام المفضله المخرجين كتير اهمهظ كيروساوا ، بالنسبه لي الفيلم ده ينتمي لفئه كريمه الكريمه

A bout du souffle 1960
Jean Luc Godard

يقال في فيلمين غيرة السينما الفيلم ده و المواطن كين

ابطال جدد المخرجين اللي كانوا اطفال و مراهقين ايام الحرب العالميه الثانيه ابتدائي يعمل افلام يا تري افلامهم ازاي اجابه السؤال ده تكمن في مشاهده الفيلم ده مع Hiroshima Mon Amour
Les 400 coups