Thread by @rmanusmare

BCG लसीसंदर्भात एक धागा.
BCG चे पूर्ण नाव Bacille Calmette-Guérin आणि ही क्षयावरील (TB) प्रतिबंधात्मक उपाय म्हणून वापरली जाते. ह्या लसीचा शोध 1921 मध्ये लागला असून आजतागायत ती जगभरात कमी अधिक प्रमाणात वापरली जाते.

ही लस लहान मुलांच्या TB साठी अत्यंत उपयुक्त असून प्रौढांसाठी ती किती उपायकारक आहे ह्याबद्दल शंका आहेत. प्रत्येक देशाने BCG संदर्भात वेगवेगळी धोरणे अवलंबली आहेत. ही लस सक्तीची करायची का ऐच्छिक, वय, मात्रा, त्या देशातील TB रोग्याचं प्रमाण अश्या बऱ्याच गोष्टींवर ती अवलंबून असतात.

जगातील 157 देशांमध्ये आजही सर्वांना ही लस देण्याचा सल्ला दिला जातो आणि 23 देशांनी मात्र ही लस बंद केली आहे. ह्या 23 देशांमध्ये स्पेन, डेन्मार्क, जर्मनी, ऑस्ट्रिया, युनायटेड किंगडम, फ्रांस, फिनलंड ह्या मुख्यत्वे करून मध्य व पश्चिम युरोपियन राष्ट्रांचा समावेश होतो.

ज्या देशांमध्ये ही लस बंद करण्यात आलेली आहे नेमकं तिकडेच सध्या कोरोनाचं थैमान चालु आहे. त्यामुळे शास्त्रज्ञ BCG चा कोरोना संदर्भात अभ्यास करत असून अजून तरी अधिकारीकरीत्या असं काहीही समोर आलेलं नाही की जेणेकरून आपण ठामपणे हा दावा करू शकतो.

BCG लसीचा उपयोग शरीराची प्रतिकारशक्ती वाढवून वेगवेगळे संसर्ग, विषाणू, जिवाणू, परजीवी ह्यापासून रक्षण करण्यासाठी होतो हे जरी सिद्ध झालेलं असलं तरी कोरोनाच्या विषाणू संदर्भात ही लस काम करते का नाही हे सिद्ध व्हायचंय.

आता 2 शेजारी युरोपियन राष्ट्रांचा: स्पेन (BCG बंद)आणि पोर्तुगाल (BCG देतात) तुलनात्मक अभ्यास केल्यास आपल्याला लक्षात येते की सामाजिक, आर्थिक, राजकीय परिस्थिती बऱ्यापैकी सारखी असुनही ह्या देशांमध्ये कोरोनामुळे मृत्युमुखी पडलेल्यांच्या संख्येत मोठी तफावत आहे.

स्पेन लोकसंख्या: 4.7 करोड
आंतरराष्ट्रीय प्रवासी: 8.2 करोड
कोरोना बाधित:161852
कोरोना मृत्यू: 16353
BCG चालू केल्याचं वर्ष: 1965
BCG बंद केलेलं वर्ष: 1981

पोर्तुगाल लोकसंख्या: 1 करोड
आंतरराष्ट्रीय प्रवासी: 2.3 करोड
कोरोना बाधित:15472
कोरोना मृत्यू: 435
BCG लसीकरण चालु आहे!

आता जर BCG कोरोनावर उपयुक्त असेल तर आपण भारतीयांसाठी ही चांगली बातमी आहे. कारण भारतात 1948 पासून हे लसीकरण केलं जातंय.
भारताची लोकसंख्या: 135 करोड
आंतरराष्ट्रीय प्रवासी: 1 करोड
कोरोना बाधित:7447
कोरोना मृत्यू: 239
BCG चालू केल्याचं वर्ष:1948
आणि ते आजही चालू आहे!

@threadreaderapp please unroll!