Thread by @Lavvelenata

Inissio a contarve na storia. Na storia de 23 anni fa. Intanto ve metto i personaggi. 23 anni a sta ora i iera drio farse na birretta in un bar de Casale de Scodosia. Bepin, Gilberto, Cristian, Flavio, Toni Barison, Luca, Moreno, Fausto e Andrea #anottedeiSerenissimi

Nissun de racomandabie che sia ciaro. Miitanti dea Liga che se rompe i cojoni sol poco impegno per la causa autodeterminazione del Veneto. Al punto che a fine gennaio 1987 i fonda VSG Veneto Serenissimo Governo co ambasciator Bepin Segato. #anottedeiSerenissimi.

I taca far incontri pubblici, scritte sui muri, pica cartei ovunque. De notte col scuro. Qualcun dentro un capanon, massima espression del cuore Veneto, taca camufar qualche autocaro da mezzi miitari. I ne finisse un sol el Tanko Marcantonio Bragadin 007. #anottedeiSerenissimi

Semo verso fine agosto 96 quando i decide de presentar a "Dichiarasion de Indipendensa del Veneto" e i decide che bisogna far qualsiasi roba pur che se sappia dea voja e bisogno secession del Veneto. #anottedeiSerenissimi

E come se fa a far saver al mondo chel Veneto xe stufo e che vol essar stato autonomo ed indipendente? Gnente de mejo che na radio. E allora ciapa un fuoristrada e un camper e trasformeo in stasion mobie pa ciavar i sbiri e quei dea poisia. #anottedeiSerenissimi

Ma gnente casso. FM occupada da Radio Maria, Bella e Monella, Birikina e compagnia cantante. Segnal deboe casso rispetto ae radio vere. I gà anca provà a portar su antenne coe mongolfiere pa farse sentir ma gnente ciò. Dèi provemo sui alberi ma gna ca quel. #anottedeiSerenissimi

Sea Radio no funsiona pa diffondere el messajo allora no resta chea teevision.
17 marso ore 20.00. Italiani del basso Veneto e dea Romagna xe drio vardar TG1 e a un certo punto se sente ... #anottedeiSerenissìmi

" Popolo veneto, te si uno dei pi antichi de Europa, soevate contro el Stato italian marso e corroto oltre ogni limite " (ricerca.repubblica.it/repubblica/arc…) #anottedeiSerenissimi

Gnente da far dio caro. No i ce scolta. No i vol sentir el Veneto. I prova intromettarse altre volte sempre su Rai1. Ma no pi basso Veneto e Romagna. Treviso e Verona dio bello. E i giornai taca parlar. E a poisia taca lavorar a Palazzo Labia #anottedeiSerenissimi

Gnente da far. Bisogna far qualcossa de pi spettacoear pa far sentir sta vose del Veneto. Se pol mia passar sempre pa ebeti e mussi. Bisogna far robe grandi. E tra do ore partimo. Col Leon nel cuore. E non sol. #anottedeiSerenissimi

Intanto ultimo messajo invita popoeo a trovarse in piassa San Marco nel tremendo 12 majo zorno del dodexe quando Lodo Manin Sier Spavento sciolse a Serenissima Repubblica de Venessia. E a poisia inissia preoccuparse pal 12.05 #anottedeiSerenissimi

Bon metti su e mimetiche, tira su el MAB48 e ndemo. Un camper e un camion rimorchio col Tanko. E desso da Casae via al Tronchetto. #anottedeiSerenissimi

Semo quasi rivai Padova tra un fià ciapemo a SP32 Miranese e dopo se butemo soea 515 Noaese a Santa Maria de Saea pa rivar Mes3.
Nel camper tuto puito, semo gasai e ecitai a mie. #anottedeiSerenissimi

Santa Maria de Saea e via andar pa Marteago, Scorsè, Noae, Salzan, Spinea, Miran e Mes3. Diresion Tronchetto. Adrenalina a mie e Gioia nel cuor. #anottedeiSerenissimi

E pa assurdo pur no condividendo e no capindo un casso de quel chel dise ce rimbomba in testa a Locomotiva de Guccini #anottedeiSerenissimi

Bon rivai al Tronchetto. Adrenaina che scorre pi del sangue dentro e vene e chel senso de onipotensa che sol e grande imprese contro tuti e contro tuti sa dar. Sentirse quasi Dio. Fin qua ghe semo. E desso tacca el bel. #anottedeiSerenissimi

Traghetto 17 Linea Tronchetto - Lido. Monta su prima el camper e dopo metti el camion de traverso. Qua no monta pi nissun ghemo da partir. Dai comandante parti. Comandante ti sta motozattera stasera tea porti in piassa San Marco. gnete storie fa el brao
#anottedeiSerenissimi

Passar tutta Venessia col cuor in goea e veder destra e manca a Gloria dea Dominante. Queo che a xe sta'. Un percorso drio a Storia, drio a Grandessa, drio ai vaeori de Pace e Prosperità dea Serenissima, drio a so millenaria cultura. #anottedeiSerenissimi

E finalmente Piassa San Marco.
Dai casso vanti fin al pavimento dive acqua tocca piera e deventa na roba unica. Casso el porteon del traghetto no riva liveo piassa. Santi, madonne che anca Todaro se stoppa e recie pa no sentir. Tanti porchi. Tanti. #anottedeiSerenissimi

E parchè no basta riva uno che punta a pistoea. Fermatevi. Se ciao. Skei e paura mai avui. Scolta vecio sta distante e nissun se farà mal, deì dei su.
O desso o mai pi. Qua se fa a storia.
#anottedeiSerenissimi

Co na asse de legno se riesse far saltar xo el tanko e el camper soea terra ferma. Fatta. No casso ghe xe e passeree de acqua alta che intriga dio caro. Cava anca quee e fa piassa pulita.
#anottedeiSerenissimi

Ghe xe Moreno sora el tanko. Beo fal soe. 20 anni. Serenissimo. Iscritto a Economia a Verona. Libri dell'università da na parte e libri so identità veneta da chealtra. Materie che se smissia. Come acqua dea Laguna coea piera dea Piassa. #anottedeiSerenissimi

Piassa San Marco surreae. Chee tre aneme che camminava pensava de essar dentro a un film. E i vardava a scena esterefatti. El tanko che gira pa piassa San Marco. Un tanko. In piassa san Marco. E riva sotto el Paron. #anottedeiSerenissimi

Scarica el camper e porta tutto dentro el campanil. Radio. Attressi. Cosi. Pai pa bloccar e porte. Bandiere. Strissoni. Vivari e da ber. Dentro tutti e barricae tute e do e porte de ingresso. #anottedeiSerenissimi

Un pochi su fin in cima del Paron a issar a bandiera del Leon Alato nea cea campanaria. El Leon che sventoea dal Paron in Piassa San Marco. A roba pi bea che se pol veder. A roba che pi te scalda el cuor e te fa sentir Vivo. #anottedeiSerenissimi

Entusiasmo mille. Ma anca chel senso e chea cosciensa de essar drio far na roba sotto i oci de tutti sensa saver come saria ndata finir. Xe dal primo tanko del 93 che no i vedea l'ora rivasse sto momento. Dai tempi del Marcantonio. #anottedeiSerenissimi

Chi siete? Cosa volete? domanda quei dea poisia che intanto gavea isoeà a piassa. 
Inisiemo trattar co riva qualcuno che conta, un vostro rappresentante i ghe siga drio. Ansi veo disemo nel Tg1 dee 6.30
#anottedeiSerenissimi

Nea notte tra 8 e 9 Maggio 1997 riva in Piassa San Marco el sindaco Massimo Cacciari. Che scolta e richieste ma che li invita a desistere. Tornè casa dèi fine dea pajassada. Dei vanti che xe tardi. #anottedeiSerenissimi

Se, figurate da qua no se movemo. Xe casa nostra. 
Unico che xe riussio smoverli xe sta Comandante Alfa dei carabinieri che ga dato ordine a quei del Gis De sgombrar tutto e finirla coea pajassada ae 8.15
#anottedeiSerenissimi

Arrestai tutti i Serenissimi.  Tutti. E sequestrà el tanko. Serenissimi accusai de 
- attentato contro l'unità dello Stato
- banda armata
- interruzione di pubblico servizio (a storia dea teevision)
#anottedeiSerenissimi

Tuti xe stai processai e tuti ga pagà el conto coea giustizia. 
#anottedeiSerenissimi

Gai sbajà? Si. No. Forse. De base i gà fatto qualcossa. Romantici ? Si tanto. Perché romantico è chi crede che sia la volontà a creare gli eventi. 
#anottedeiSerenissimi

Da rifare ? Mi so dea parrocchia che coe bone no se porta casa un casso. Cmq sia ndata grassie Bepin Segato, Gilberto Buson, Cristian e Flavio Contin, Toni Barison, Moreno Menini, Fausto Faccia e Andrea Viviani. Nea Gloria de San Marco.
#anottedeiSerenissimi

Non star a credar a chi grida armiamoci, corajo, viva il Leone di San Marco. Quei de soito xe i primi a scampar, codardi,infam,fioi de cagna.
Andrea Gritti. LXXVII Doge della Serenissima Repubblica di Venezia. Nei secoli la Dominante. 🦁