Abrimos fío para explicar a historia da actual bandeira galega, prohibida na ditadura de Primo de Rivera de iure e na ditadura de Francisco Franco de facto. Faremos outras publicacións sobre outras bandeiras galegas.
👇👇👇
👇👇👇
A bandeira de Galiza actual foi creada a finais do século XIX polos galeguistas históricos do Rexurdimento e consolidada pola Xeración Nós como insignia nacional, a actual bandeira civil. O actual deseño da bandeira galega remóntase ao Rexurdimento.
A finais do XIX comezan a empregar diferentes modelos de bandeiras coa idea de representaren graficamente unha Galiza que camiñe cara á liberdade, a bandeira franca, a bandeira branca coa cruz vermella de Santiago, así como tamén a bandeira branca coa franxa azul.
"A bandeira galega só ten dúas cores: branco e azul. O fondo é branco, e dende o ángulo superior da esquerda ata o ángulo inferior da dereita, atravesando o centro, unha franxa de cor azul",ano 1898, xornal O Eco de Galicia, Cuba.
A comezos do XX foron moitos os intelectuais que tentaron atopar a orixe do deseño actual da bandeira galega, entre estes chegouse a presupoñer que a franxa azul representaba ao río Miño e de feito, isto motivaría durante un tempo o cambio de dirección da franxa
Tamén a confusión baseada en que os emigrantes galegos terían pensado que a bandeira da provincia marítima da Coruña que ondeaba no porto e nos transatlánticos era de feito a bandeira de Galicia.
Porén, a bandeira branca coa franxa azul xa fora empregada no traslado dos restos de Rosalía de Castro, celebrado os días 25, 26 e 27 de maio de 1891, e a comandancia da Coruña adoptaría a súa nova bandeira (tamén cunha franxa azul) non antes do 22 de xuño do mesmo ano
