Thread by @pintafontes

Monte da Peneda (Soutomaior/Redondela)
A trigonometría nunca decepciona 📐📏🌕

O 4 de xuño, dando un paseo polas Salinas de Paredes (Vilaboa), vimos a Lúa saíndo preto do Monte:
"Mañán teño que sacarlle a foto saíndo por detrás do monte"

Como astrónomo e fotógrafo aficionado, teño forma de saber cando un astro sae polo horizonte ou onde vai estar en certo momento. Pero con ningunha destas ferramentas sei calcular unha aliñación como esta.
Precisaba o ángulo que forma a liña de visión do monte coa horizontal

Así que busquei a altura do monte (329 m), a distancia aproximada á que ia estar a cámara (4400 m) e obtiven o ángulo:
α=arctg(329/4400)=4,27º

A web de The Photographer's Ephemeris foi a que calculou o momento e o lugar coa liña de visión do monte e a Lúa cando se ergue 4.27º sobre o horizonte.
app.photoephemeris.com
5 de xuño, 22:34, xusto no muiño de mareas das Salinas

Aínda non estaba preparado de todo cando uns minutos antes vexo á Lúa saíndo á esquerda da capela que hai na cima. Semellaba que ao final os cálculos non eran suficientemente precisos.
Pero o certo é que un momento despois estaba no lugar exacto que tiña calculado.
Alucinante!!

@threadreaderapp unroll