धागा......
लालबाग गणेशोत्सव आणि राजकारण!
जुन्या मुंबईतील कामगारबहुल भाग आणि आत्ताच्या मुंबईचा एक श्रीमंत भाग म्हणजे लालबाग! बस, रेल्वे, मोनोरेल मार्गे पश्चिमेकडे कुलाब्यापासून दहिसर व पूर्वेकडे मुलुंडपर्यंत जोडला गेलेला हा विभाग म्हणजे गणेशोत्सवाची पंढरीच जणू!
+👇
लालबाग गणेशोत्सव आणि राजकारण!
जुन्या मुंबईतील कामगारबहुल भाग आणि आत्ताच्या मुंबईचा एक श्रीमंत भाग म्हणजे लालबाग! बस, रेल्वे, मोनोरेल मार्गे पश्चिमेकडे कुलाब्यापासून दहिसर व पूर्वेकडे मुलुंडपर्यंत जोडला गेलेला हा विभाग म्हणजे गणेशोत्सवाची पंढरीच जणू!
+👇
अनेक नामांकित गणेशोत्सव मंडळांची इथे मांदियाळी! पैकी गणेश गल्ली, लालबागचा राजा व चिंचपोकळी (चिंतामणी) ही तीन सार्वजनिक गणेशोत्सव मंडळं सगळ्यात जास्त प्रसिद्ध! यातही पुन्हा लालबागचा राजा हा मानबिंदू! लालबागमध्ये पारशी लोकांची "हिल्ला टाॅवर" व अग्यारी देखील तितकीच ख्यातनाम!
+👇
+👇
थोडक्यात सांगायचं, तर लालबाग बहुभाषिक सुध्दा आहे. अशा या लालबागमध्ये शिवसेनेच्या उदयापूर्वी काॅम्रेड कृष्णा देसाई व त्यांच्या कम्युनिस्ट पार्टीची निरंकुश सत्ता होती. सेनेच्या उदयानंतर कृष्णा देसाईंची हत्या झाली आणि ही संधी समजून, बाळासाहेबांनी याठिकाणी मराठीची तुतारी फुंकली.
+👇
+👇
त्यावेळी बाळासाहेबांनी मराठी लोकांना केलेल्या आवाहनात इतकी ताकद होती, की इथला कम्युनिस्टांचा पगडा चुटकीसरशी नाहीसा झाला आणि लालबाग शिवसेनामय झालं ते आजतागायत!
+👇
+👇
शिवसेनेच्या पहिल्या फळीतील शिलेदार वामनराव महाडिक यांनी काळाचौकी, चिंचपोकळी, लालबाग, परळ या भागात सेनेची पाळेमुळे घट्ट रुजविली. हे करत असताना, महाडिकांनी गणेश गल्ली सार्वजनिक गणेशोत्सव मंडळामार्फत शिवसेना शाखा व कार्यकर्त्यांची फौज उभी केली, जी आजही त्याच हिमतीने उभी आहे.
+👇
+👇
पुढील काळात, वामनरावांच्या निगराणीत तयार झालेले विठ्ठल चव्हाण नावारूपास आले. त्यांनी येथील तरुणांना BEST, मुंबई महानगरपालिकेत तिसऱ्या व चौथ्या दर्जाच्या नोकऱ्या देऊन पोटार्थी लावले. निमसरकारी व स्थानिक स्वराज्य संस्थेत स्थिरावलेला हा नवा वर्ग आपसूकच सेनेचा आश्रयदाता झाला.
+👇
+👇
मग विठ्ठल चव्हाणांनी लालबाग मार्केटमधील गणपती (जो आता लालबागचा राजा म्हणून प्रसिद्ध आहे) मंडळाला सेनेच्या पंखा खाली आणलं. इथल्या गिरणी कामगारांच्या घरटी एक-एक सरकारी नोकर आल्याने सर्वत्र सेनेबद्दलचा आदर दिवसागणिक वाढतच गेला आणि आज तो टिपेला पोहोचलाय.
+👇
+👇
पुढे चव्हाणांची हत्या झाली. सेनेची सूत्रे त्यागराज कदम या तरुणाच्या हातात आली. त्याने ताज, ओबेरॉय (आत्ताचं Trident), सेंटाॅर, सहारा, लिला केम्पसी, हयात इ. पंचतारांकित, सप्ततारांकित हाॅटेलांमध्ये नवशिक्षित तरुणांना मॅनेजरपासून स्टुअर्ट, हाऊसकिपिंगच्या नोकऱ्या मिळवून दिल्या.
+👇
+👇
त्यागराजने चिंचपोकळीचा चिंतामणी सेनेच्या पंखाखाली घेतला आणि नेहमीप्रमाणेच उपकृत जनता सेनेची मांडलिक झाली. मराठी मुलांना निमसरकारी आस्थापनांमधील नोकऱ्यांमागे सेनेच्या "स्थानिक लोकाधिकार समिती"चा मोठा हात होता.
+👇
+👇
सरकारी आस्थापनांत भूमिपुत्रांचा टक्का वाढविण्यात स्थानिक लोकाधिकार समितीचा मोठा हातभार लागला. नोकरीच्या ठिकाणी मराठी कर्मचाऱ्यांच्या न्याय्य हक्कांसाठी स्थानिक लोकाधिकार समितीने वेळोवेळी आवाज उठवला.
+👇
+👇
या सगळ्याचा परिपाक असा झाला, की सेनेने लालबाग ते दादर पट्टयात आपली मजबूत मांड ठोकली. पुढे जाऊन त्यागराज कदमचीही हत्या झाली. नंतरच्या काळात दगडू सकपाळ, अजय चौधरी सारखे नेते तयार झाले. परंतु त्यांना विशेष मेहनत करावी लागली नाही. कारण तोपर्यंत इथला सेनेचा बेस तयार झाला होता.
+👇
+👇
सध्या लालबागचा राजा गणेशोत्सव साजरा करण्यावरून विरोधी पक्षाची, सत्ताधाऱ्यांबरोबर जी खडाजंगी सुरु आहे; त्याला वरील सगळी पार्श्वभूमी कारणीभूत आहे. इथली सगळी गणेशोत्सव मंडळं आजही सेनेशी बांधिल आहेत. सद्यस्थितीत तरी भाजपला इथे शिरकाव करणं, कठीण आहे.
+👇
+👇
परंतु भाजपचं सध्याचं राजकारण पाहता, ते लालबाग-परळमध्ये आपले हातपाय पसरविण्याच्या तयारीत आहेत. कारण इथे वाढणारी गुजराती, मारवाडी व अमराठी गर्दी भाजपच्या वाढीला पोषक आहे. आता तरी भाजप नेत्यांच्या रडारवर हाच समुदाय त्यांचा Target Voter आहे. यासाठी भाजपने कंबर कसली आहे.
+👇
+👇
गेल्या सहा-सात वर्षांतील भाजपचे सत्ता बळकावण्याचे मनसुबे पाहता, सेना नेतृत्वावर आपले हे गड अबाधित राखण्याची मोठी जबाबदारी आहे. खास करुन युवराजांनी आपल्या आलिशान गढी व गाडीतून बाहेर पडून या भागावर लक्ष केंद्रित करायला हवं.
+👇
+👇
भाजप नेते इथल्या गणेशोत्सवाचा प्रश्न धसास लावल्याशिवाय शांत बसणार नाहीत. लालबागच्या आजुबाजूचे बाळा नांदगावकर (माझगाव) मनसेत तर छगन भुजबळ (भायखळा) राष्ट्रवादी काँ.कडे गेले आहेत. म्हणूनच सेनेला आपला हा बालेकिल्ला अबाधित ठेवायचा असेल, तर डोळ्यात तेल घालून निगराणी करावी लागेल.
+👇
+👇
भाजपच्या गणपती उत्सव राजकारणाला असे सगळे कंगोरे आहेत. तेव्हा नुसतं "करुन दाखवलं" म्हणून मिरवणं नको. आता सेनेने भाजपचा बिमोड "करुन दाखवावाच". कारण रात्र वैऱ्याची आहे. आज नाही तर कधीच नाही.
समाप्त 🙏
--- दुर्गा
समाप्त 🙏
--- दुर्गा
