Thread by @cnpkaran

Thread
மருத்துவ மாணவர்களும் சாதி வெறியும்

இந்தியாவின் பல்வேறு மாநிலங்களில் இருந்து வந்த மாணவர்கள் எங்கள் பல்கலையில் 2014 ஆம் ஆண்டு முதல் மருத்துவம் பயில்கிறார்கள். அதில் 70% சதவிகிதம் பேர் குஜராத்திகள். சேர்ந்த புதிதில் எல்லா மாணவர்களையும் போல பயபக்தியுடன் (1/n)

நடந்துகொண்டனர். நாட்கள் செல்ல செல்ல அவர்களின் நடவடிக்கைகள் வேறு மாதிரி செல்ல ஆரம்பித்தது. பொதுவா எல்லா மாணவர்களிடமும் தெரிவதுதான் ஆனாலும் இவர்களின் ஆணவ போக்கை காண முடிந்தது. என்னை பொறுத்தளவில் வகுப்பு அறையில் யார் தொந்தரவு செய்தாலும் வெளியே அனுப்பிவிடுவேன்(2/n)

எந்த நாட்டவராக இருந்தாலும் சரி. எந்த பாலினத்தவராக இருந்தாலும் சரி. ஆதலால் பொதுவாக என்னுடைய வகுப்பில் எல்லோரும் சற்று கவனமாகவே இருப்பார்கள். ஆனால் சில குறிப்பிட்ட வகுப்புகளில் இந்த மாணவர்களின் சேட்டைகள் அளவுக்கதிகமாக இருந்த வந்தது. (3/n)

நிர்வாக தரப்பில் பலமுறை சொல்லியும் கேட்கவில்லை. இதனாலேயே வகுப்புறைக்குள் CCTV பொருத்த வேண்டிய கட்டாய சூழ்நிலை. அதுவரை எங்கள் பல்கலையில் வகுப்பறைக்குள் CCTV இல்லை. அது முதற்கொண்டு வகுப்பறை சேட்டைகள் முடிவுக்கு வந்தது. (4/n)

சில நாட்கள் இந்த மாணவர்களின் மீது எந்த குற்றச்சாட்டும் இல்லை. ஒரு நாள் இரவு உணவு முடித்து நானும் மற்றும் பிற உதவி பேராசிரியர்களும் பேசிக்கொண்டிருந்தோம். அப்போது 5 மாணவர்கள் சேரந்து கூச்சலிட்டு கொண்டே எங்களை நோக்கி வந்தனர். (5/n)

முதலில் நாங்கள் சற்று பயந்து போனோம். ஆனால் அவர்கள் எங்களின் உதவி நாடி வந்திருந்தார்கள். ஒரு மாணவரில் கையில் Dissection Box ல் இருக்கும் சர்ஜிக்கல் பிளேடால் கையில் இரெண்டு இடத்தில் ஆழமான கீறல்கள். நல்லவேளை முக்கிய நரம்புகள் எதும் பாதிக்கபடவில்லை. (6/n)

உடனே கிளினிக் அழைத்து சென்று முதலுதவி அளித்த பின்னர் என்னவாயிற்று என்று வினவினோம். இதற்கிடையில் நிர்வாகத்திற்க்கு விஷயம் தெரிய வர அவர்களும் வந்து சேரந்தார்கள். ஆசிரியர்களில் நான் மட்டுமே இந்தியர். மற்றவர்கள் கானா, நேபாள் மற்றும் பாக் (7/n)

காயம்பட்ட மாணவரின் காதலிக்கும் காயபடுத்தியவருடைய காதலிக்கும் தகராறு. இந்த சம்பவத்தில் தொடர்புடைய நால்வரும் குஜராத்திகள். காயப்படுத்திய அந்த மாணவரும் அவருடைய காதலியும் உயர்சாதி வகுப்பை சார்ந்தவர்களாம். காயம்பட்டவர் யார் என்பதை நான் சொல்லி தெரிய வேண்டிய அவசியமில்லை(8/n)

அந்த இரெண்டு பெண்களுக்கும் வாய் வாரத்தையாய் ஆரம்பித்த தகராறு கடைசியில் கொலைவெறி தாக்குதலோடு முடிய காரணம் காயம்பட்ட மாணவர் காந்தியை தவறாக பேசிவிட்டார் என்பதாலேயே என்று காயப்படுத்திய மாணவர் சொல்ல, இல்லை நான் பேசியது காந்தியை அல்ல அவர்கள் தான்(9/n)

அன்னல் அம்பேத்கரை மிக தவறாகவும், எங்களை தீண்டதகாதவர்கள் என்றும் பேசினார்கள் அதனால் நாங்கள் அவர்கள் கும்பிடும் கோட்சவை பற்றி பேசினோம் என்று காயம்பட்டவர் சொல்ல நான் அதிரந்து போய்விட்டேன். நாங்கள் தேசபிதாவை ஒன்றுமே பேசவில்லை(10/n)

அந்த சூழலில் என்ன பேசுவது என்றே தெரியவில்லை. நிர்வாகத்திடம் நாளை காலை பேசிக்கொள்ளலாம் என்று சொல்லி அவர்களை அனுப்பிவிட்டு அந்த உயர்சாதி மாணவர்களை அழைத்து அவர்களுக்கு புரிகின்ற மொழியில் அரச்சித்து அனுப்பி வைத்தோம். நீங்களெல்லாம் மருத்துவராகி யாரை காப்பாற்ற போகிறீர்கள்(11/n)

என்ற கேள்வியோடு அவர்களை அனுப்பிவிட்டு, உடலாலும் உள்ளத்தாலும் காயப்பட்ட மாணவர்களுக்கு ஆறுதலை சொல்லி அனுப்பினோம். ஒரு இந்தியனாக/ ஆசிரியராக நான் மிகவும் வேதனைப்பட்ட நாள் அன்று. கடல் கடந்து வந்தும் இவர்கள் திருந்தவில்லையே என வருந்தினேன்(11/n)

அடுத்தநாள் இன்னும் மிக மோசமான தினமாக மாறிப்போனது. நிர்வாகத்திடம் இந்த காரணத்தை சொல்ல நான் அவர்களுக்கு சாதிய கட்டமைப்புகளை விளக்க வேண்டிய கட்டாயம். எல்லா தேசங்களிலும் இந்த கட்டமைப்பு முறை வெவ்வேறு வடிவங்களில் இருந்தாலும் அவையெல்லாம் இந்த 21ஆம் நூற்றாண்டில் அவர்கள்(12/n)

ஓரு பொருட்டாக எடுத்து கொள்ளவில்லை என்று தெளிவாக நமக்கு தெரிகிறது. ஆனால் நாம் இன்னமும் இதை பிடித்து தொங்கி கொண்டிருக்கிறோமே என்று நினைத்து மிக வருந்தினேன். எல்லா கெட்ட விஷயங்களிலும் ஒர் நல்லது நிகழும் என்கிற கோட்பாட்டின் படியே (13/n)

தென் இந்தியாவிற்க்கும், வட இந்தியாவிறக்குமான வேற்றுமைகளையும், பெரியார் மற்றும் அம்பேத்கரின் அளப்பறிய செயல்கள், பேச்சுக்கள் பற்றியும் என் சீன நண்பர்களுக்கு எடுத்துரைத்தேன். சாதிய மற்றும் மத வண்மம் வட இந்தியர்களின் இரத்தத்தோடு ஊறிபோயிருக்கிறது.(14/n)

அதே வண்மத்தை தமிழக மக்களின் மனதில் விளைக்க எத்தனிடுகிற எந்த சக்தியானாலும் அதை முளையிலே கிள்ளி எறிய வேண்டியது காலத்தின் கட்டாயம்(15/15)

@pkcomrade @Learnedpolitics