Thread by @nagwrites

#శివుడేడి ఆశువుగా రాయబడినది
మొదట నువ్వెవరివి?
చిన్న కణమువి.సృష్టించబడిన జీవివి.తల్లి గర్భంలో పుట్టి పెరిగిన జీవివి.స్త్రీవో పురుషునివో నపుంసకునివో.అప్పుడు కులమెరుగవు మత మెరుగవు.కేవలం నవ్వు ఆనందం ఆటలు.నెమ్మదిగా కల్మషం అంటుతుంది.అరిషడ్వర్గాలు మొదలవుతాయి.నా కులం,నా మతం,నా నాయకుడు

నా హీరో,హీరోయిన్,నా దేవుడు,నాది, నావి,నాపార్టీ,నాగజ్జి,నా దురద.ఇలా 'నా'దులు పెరుగుతాయి.స్వచ్ఛమైన నిర్మలమైన మనస్సు చెదిరిపోతుంది. నిర్మలమైన నదిలో అలజడుల సుడులు చెలరేగుతాయి.ప్రశాంతత పోతుంది,శాంతము లేక సౌఖ్యము లేదు.
పుట్టినది పెరుగుతుంది,తిరుగుతుంది, తింటుంది.కొన్నాళ్ళకు శక్తి తగ్గి

బలము తగ్గి,నశించడం ప్రారంభమవుతుంది.వ్యాధులు పుట్టుకొస్తాయి.ముడతలు పడతాయి,జుట్టు తెల్లబడుతుండు.నొప్పులు.కొన్నాళ్లకు పడిపోతుంది.ఆత్మ నాశనము లేనిది అని కదా పరమాత్మ భగవద్గీతలో చెప్పారు.సూక్ష్మ శరీరం ప్రయాణిస్తుంది.నరకమో స్వర్గమో ఏలోకమో,శిక్షలు అమలవుతాయి.అది రహస్యం.చేసిన కర్మలు

ఫలితాన్నిస్తాయి.మళ్ళీ ఏ పుట్టుకో.పురుగో,పామో,తేలో,ఆవో,పందో, ఈగో దోమో,కుక్కో నక్కో,కాళ్ళు భూమిలో పాతి వేయబడిన చెట్టొ పిట్టో.పాకే జీవో,ఎగిరే జీవో.అది రహస్యం.మన కర్మలు,పూర్వజన్మ వాసనలు(కర్మలు) బట్టే. అంటే మనమే నిర్ణయించుకోవాలి మన దారి.ఎందరైరో తండ్రులు ఎందరో సుతులు ఈ ప్రయాణంలో

నీకు తోడుగా నీ నాయకుడు రాడు,నీ అభిమాన పార్టీ రాదు,నీ కులం రాదు,నీ మతం రాదు,నీ అభిమాన హీరో హీరోయిన్ రారు,నీ వాళ్ళు అనుకునే అనుకున్న వారు రారు,నీ బ్యాంక్ బ్యాలెన్స్ రాదు,నీ లాకర్ సంపద,నీ అల్మారా సంపద నీ డబ్బు రావు,నీ కొడుకులు,కూతుళ్లు బంధువులు ఎవరూ రారు. కేవలం నువ్వు చేసిన కర్మలు

మాత్రమే వస్తాయి.నువు చేసిన మంచి పనులు మాత్రమే వస్తాయి.నువు న్యాయంగా ధర్మంగా చేసిన పనులే తోడుగా వస్తాయి.

నమ్మితే ఇవన్నీను. నమ్మకపోతే నేనేమైనా చెయ్యొచ్చు,నేనెలాగైనా ఉండొచ్చు,ధర్మమో అధర్మమో, నన్నడిగే వాడెవ్వడు అని విర్రవీగొచ్చు.విశృంఖలత్వం పెరుగుతుంది. పాపభీతి ఉండదు.పాపపుణ్యం లేదు.

కానీ సత్యమిదే.నువు పోయాక జరిగేవి రహస్యాలు.అప్పుడే అనుభవంలోకి వస్తాయి.అదే మాయంటే.
పోయాక జరిగేవి రహస్యాలు.అప్పుడే అనుభవంలోకి వస్తాయి.మాయ తెలిస్తే నువ్వు జ్ఞానివి.సత్యం తెలిస్తే నీ కర్మలు చేసే పనులు వాటికవే నిన్ను మోక్షానికి అర్హున్ని చేసేస్తాయి.ఎందుకంటే మాయలో నువు పడవు కనుక నా లాగా

@threadreaderapp unroll