Thread by @umodijkstra

Vou intentar darlle unha volta a un montón de datos que saíron ao respecto do #FuenlabradaGate.

As cousas van tan rápido estes días que creo que hai asuntos nos que non nos puidemos parar o suficiente.

Ide por un café que vai fío.

#ÉDéXustiza #EsDeJusticia

Ante todo, por se acaso le isto alguén con moitas ganas de ofenderse: obviamente desexo unha pronta recuperación aos xogadores do Fuenlabrada, porque sería un maldito desgraciado se non o fixese. A eles e a calquera outra persoa infectada de COVID, cousa importante.

Vou dividir isto en seccións. Primeiro falaremos de PROTOCOLOS. Logo de CONTACTOS DIRECTOS, e por último de HORARIOS, SUSPENSIÓNS E DESCENSOS.

Alá imos.

SECCIÓN 1. SOBRE PROTOCOLOS COVID-19.

Hai varios protocolos.

Iso xa o sabíamos porque en todas partes fálase do protocolo de @deportegob por unha parte, e o de @LaLiga por outra.

Pero é que a Liga ten como pouco DOUS protocolos: un para o retorno aos ENTRENAMENTOS, e outro para o retorno á COMPETICIÓN.

Tema a ter en conta:

O protocolo do @deportegob é público, e está publicado na web do CSD.

Os protocolos de @LaLiga non son públicos, e só os coñecemos por filtracións de, principalmente, Cadena @COPE.

Así que ollo porque no caso da Liga non temos información completa.

O 1 de abril fíltrase un borrador do protocolo da Liga para a VOLTA AOS ENTRENAMENTOS, que contén barbaridades como prohibir ás familias dos xogadores saír da casa durante a competición.

cope.es/deportes/futbo…

Unha nova versión filtrada o 17 de abril elimina a prohibición de saír ás familias dos xogadores, e deixa de considerarse "borrador".

Interesante o que se di sobre como actuar ante un positivo.

cope.es/deportes/futbo…

Este procotolo establece unha pauta de probas de COVID aos xogadores, tanto PCRs como serolóxicas.

Fálase de "tests diarios" durante as fases de entrenamento, aínda que non se especifica se serían PCR ou rápidas.

O 2 de maio a @afefutbol publica un comunicado criticando aspectos do protocolo da Liga, incluíndo:

1. Que non aclara o que pasaría se se INCUMPLE o protocolo.

2. Que non aclara o que pasaría se hai un POSITIVO.

afe-futbol.com/web/noticia-de…

O 3 de maio, o @deportegob publica o seu protocolo para a volta aos ENTRENAMENTOS e tamén á COMPETICIÓN.

Usa como base o de volta aos entrenamentos da Liga pero xeneralizando para todo deporte, e falando tamén de competición (que o da Liga aínda non).

csd.gob.es/sites/default/…

Desde este punto de vista, esa comunicación de @LaLiga na que acusa ao @deportegob de non coñecer o seu propio protocolo porque "se lo hemos hecho nosotros"… pois en realidade pode ter, parcialmente, algo de razón.

eldiario.es/galicia/politi…

Interesante ver como no procolo do CSD cálcase a actuación a levar a cabo en caso de positivo de COVID que xa aparecía no protocolo de @LaLiga.

Positivo illado, resto apartados.

Enténdese que apartado de entrenamentos e competición, xa que é do que fala o protocolo.

O 7 de maio fíltrase un primeiro borrador do protocolo de @LaLiga para a COMPETICIÓN.

Ollo: non para a volta aos entrenamentos, este complementa ao dos entrenamentos unha vez que se sabe que se reanudará a competición.

cope.es/deportes/futbo…

E finalmente o 19 de maio aparece, de novo filtrada, a versión FINAL do protocolo de @LaLiga para COMPETICIÓN, que amplia e mellora a redacción do primeiro borrador.

cope.es/deportes/futbo…

Neste procolo defínense zonas nos estadios (verde, azul, vermella) con listados de seguridade de persoas que deben acceder, empeza a falar das normas a aplicar en hoteis, medios de transporte (incluída distancia entre persoas en bus e avión), etc.

Curiosamente, non establece nada sobre os famosos test PCR "48h antes dos partidos".

Pero sí que 48h antes dun partido o xefe de seguridade debe mandar listado de persoas "aptas" (sen especificar), e que o día anterior deben pasarse as "correspondentes probas médicas".

Se supoñemos que as "correspondentes probas médicas" son tests de COVID, parece que deben pasarse 24h antes.

Pero é que ademais segundo o protocolo de entrenamentos como xa vimos deberían pasarse tests COVID diarios.

Así que supoñamos que van ser rápidos diarios e PCR 24h antes

E o último tema interesante é que nesta versión definitiva do protocolo de competición de @LaLiga reescríbese o que hai que facer en caso dun positivo.

E resulta interesante porque aqui fálase de "contacto directo" de 5 minutos, pero non de APARTAR.

Comparemos CSD vs Liga:

Ollo: que no protocolo de competición da liga non fale de apartar non significa que non haxa que facelo, porque non pode contradecir ao do CSD. E moito menos ás leis/decretos sanitarios.

Así que o de apartar (de entrenamentos e competición) aos contactos segue vixente.

Ben, pois até aquí os protocolos. Ou mellor dito o que sabemos deles porque os de @LaLiga como digo non son públicos.

De feito, parece que houbo tamén algún tipo de guía/díptico entregado aos xogadores, que non atopei publicado oficialmente en ningures.

https://twitter.com/partidazocope/status/1257240860137271296

SECCIÓN 2. SOBRE CONTACTOS DIRECTOS

A primeira polémica que xurdiu foi a de se, unha vez dado un positivo, os prococolos establecían que o resto do equipo podía ou non podía seguir competindo. Ou incluso viaxar.

O protocolo do CSD di que se ILLA ao positivo, que se fai test a todo o grupo de entrenamento (todo o equipo), así como corpo técnico e persoal co que tivese contacto.

E os contactos quedan APARTADOS.

A redacción é confusa porque ao dicir "quedando estos apartados" parece referirse só aos que "tiveron contacto dentro do grupo de entrenamento", e parece quedar por valorar se nun grupo de entrenamento son todos contactos.

Pero lembremos que é un protocolo xeral, non de fútbol.

Así que completamos isto co protocolo de competición da Liga, onde se fala de "contacto directo durante máis de 5 minutos".

Para saber que é un contacto "directo" debemos tomar como referencia a definición de "contacto estreito" da "Estrategia de Detección Precoz, Vigilancia y Control de COVID-19" do Min de Sanidade.

mscbs.gob.es/profesionales/…

De modo que xuntando ambos protocolos (Liga e CSD), a lexislación e publicacións do ministerio, ante un positivo debe "apartarse" a todo o que estivese a menos de 2 metros durante máis de 5 minutos do positivo, de entre grupo de entrenamento, técnicos e persoal do clube.

Aquí podemos poñernos a puntualizar, pero sexamos serios:

Xogadores a menos de 2 metros un de outro durante 5 minutos son, potencialmente, TODOS.

Só por poñer un exemplo rápido: pausa de hidratación. Dura oficialmente entre 1 minuto e medio e 3 minutos. 3 MINUTOS. Non son 5, pero máis da metade.

Pois só hai que buscar fotos de pausas de hidratación e contar metros entre xogadores.

Déixoo como exercicio para o lector.

Moi ben, hai que apartalos a todos.

E que significa "apartar"? pois obviamente APARTAR DE ENTRENAMENTOS E COMPETICIÓN, porque estamos falando de protocolos de, precisamente, entrenamentos e competición.

En varios dos seus comunicados @LaLiga interpreta que o que hai que facer é "apartar" aos contactos dos positivos, e non da competición.

O cal non ten sentido porque os positivos están ILLADOS. Dos contactos e DE TODA PERSOA.

É obvio que a quen hai que apartar é aos contactos.

E… pódese viaxar co equipo se estás apartado da competición?

Pois nunha condición xeral diría que si.

Pero nunha circunstancia na que a Liga esixe 48h antes un listado de toda a xente APTA que se desplazará… non o teño tan claro.

Resulta "apto" un apartado?

Agora ben, pódese entrenar? Claro que non.

Pódese xogar? claro que non.

Ollo: até que non se teñan os resultados.

E se neses resultados hai novos positivos? pois de novo, quedan todos os demais APARTADOS até ter os novos resultados das novas probas que habería que facerlles como contactos directos dos novos positivos.

SECCIÓN 3. SOBRE INCUMPRIMENTOS

Bueno, pasemos ao concreto: o @CFuenlabradaSAD incumpriu os protocolos?

Imos analizar distintos eventos.

Pero antes de nada, por se alguén tiña dúbidas sobre o tema dos contactos directos, botemos unha ollada a este interesante vídeo do 13 de xullo:

Tamén podemos contar metros aquí:

https://twitter.com/CFuenlabradaSAD/status/1280803311109767168

Pero a ver, isto non é só o Fuenlabrada: é o NORMAL.

É que é imposible entrenar correctamente en fútbol doutro xeito.

Todos os xogadores dun plantel que entrena xunto son contactos directos uns dos outros.

A partir de aqui centrémonos na 42ª xornada de liga.

En xeral usaremos como referencia o propio relato cronolóxico dos feitos feito por @LaLiga e publicado por @marca.

marca.com/futbol/fuenlab…

Segundo a secuencia que narra @LaLiga, ás 22:30 do sábado 18 tense constancia do primeiro positivo, un xogador.

Aplicando o protocolo, todos deben facerse unha nova proba (por ser contactos).

Esa nova proba faise ás 9:00 do domingo 19 de xullo: PCRs e test rápidos.

Por que PCRs e test rápidos e non só PCRs? para poder entrenar.

Porque se os test rápidos dan resultado negativo (como foi) pode usarse como argumento a favor de poder entrenar.

https://twitter.com/CFuenlabradaSAD/status/1284770964564324353

Pero se tamén hai PCRs involucradas, non deberían apartarse igual (non entrenar) até que se saiba o resultado das PCRs?

Obviamente Fuenlabrada ou Liga ou ambos consideran que iso é opinable, así que usan os tests rápidos como posible xustificación de que se cumpre o protocolo.

Como 3 dan positivo o domingo, fanse novas probas (esta vez PCRs) ás 7:50 do luns día 20.

E sen saber o resultado o @CFuenlabradaSAD métese nun avión camiño da Coruña.

Isto incumpre os protocolos de CSD ou Liga? pois como dixen antes, nin están entrenando nin competindo así que quizais non.

Pero en teoría no avión só deberían ir "aptos", e non sei como alguén "apartado" pode ser "apto".

Así que quizais si.

O que si incumpre son as Directrices Operativas para a Xestión de Pasaxeiros Aéreos en Relación ao COVID-19 (BOE 9 de xullo de 2020), que establece que un contacto estreito cun positivo (ollo, neste caso 15 minutos) non debe nin ir ao aeroporto.

boe.es/buscar/pdf/202…

E si, agora podemos discutir se coa definición do BOE de "contacto estreito" e non a da liga (15min vs 5min) os xogadores son ou non son todos contactos estreitos.

Pero vexamos outra vez o vídeo da foto do @CFuenlabradaSAD para disipar dúbidas:

Outro tema relativo a incumprimentos: o voo de volta do Fuenlabrada.

Segundo informacións de @franhermida1, o Fuenlabrada chegou a ter reservado un voo chárter de volta a Madrid para as 22:30 do mesmo día do partido (que era ás 21:00).

cadenaser.com/ser/2020/07/22…

Segundo esta información, o trámite de cambio de hora realizouse sobre as 18:00 dese día, co que antes desa hora alguén decidira xa sacar ao Fuenlabrada da Coruña tras os positivos.

Quen?

Segundo @jpraena82, a liga, pois é quen xestiona as viaxes.

crtvg.es/informativos/j…

E ten razón, así está recollido na sección 7 do protocolo de competición da Liga.

De modo que alguén en @LaLiga, antes de que se fixese público o positivo de 6 xogadores na Coruña o día do partido, organizou todo o necesario para sacar ao equipo da cidade.

Pretendesen sacar só aos negativos ou a todos, de novo un aparente incumprimento das xa mencionadas Directrices Operativas para a Xestión de Pasaxeiros Aéreos en Relación ao COVID-19 (BOE 9 de xullo de 2020).

boe.es/buscar/pdf/202…

E seguimos co apartado de incumprimentos para falar agora da ausencia dun médico na expedición do Fuenlabrada.

Isto sóubose a través dunha serie de entrevistas a Carlos Lariño, médico do Deportivo.

https://twitter.com/RgZonamixta/status/1286650416919465987

O Regulamento Xeral da @rfef recolle, no artigo 104.1 letra f), que os clubes de Primeira, Segunda e Segunda B deben contar cun médico que estea presente e de servizo durante os partidos.

E debe contar cunha licenza que o acredite como médico do equipo.

cdn1.sefutbol.com/sites/default/…

Os clubes profesionais, polo xeral, contan con máis dun médico con licenza.

Non facelo sería temerario, xa que por culpa dunha mera indisposición ou baixa do médico o equipo quedaría sen poder xogar os partidos.

Ou mesmamente por unha expulsión como lle pasou ao propio Lariño.

Pero o Fuenlabrada viaxou á Coruña sen médico. Sen ningún.

E non podía obter un médico externo "de última hora" porque requeriría da licenza correspondente.

Entón, cal era o seu plan? Os positivos apareceron ás 17:15, así que para entón isto xa debería estar solventado.

A maneira normal de solventalo sería que un dos médicos do Deportivo cubrise a praza do do Fuenlabrada.

Pero a tan poucas horas do partido, non debería estar xa o Deportivo (ou o propio Lariño) notificado disto?

Ou pretendían solicitalo xa no estadio, ou non pretendían xogar.

E por último no apartado de incumprimentos, volvamos ao protocolo de @LaLiga para a competición sobre onde deben estar os xogadores concentrados nun hotel cando non estean entrenando (ou xogando):

Nas habitacións.

Pero aínda que non se publicaron probas disto, tanto @RCDeportivo como @ConcelloCoruna en varios comunicados afirman que andiveron libremente polo hotel, e que incluso usaron as instalacións anexas de La Solana.

Tamén un representante afirmou o mesmo:

cadenaser.com/emisora/2020/0…

SECCIÓN 4. SOBRE HORARIOS, SUSPENSIÓNS E DESCENSOS

Varias cousas a ter en conta sobre os horarios dos partidos e as suspensións dos mesmos.

A primeira que, desde hai moitos anos, tanto nas competicións españolas como as de todo o mundo, as últimas xornadas sempre se fixeron en horario unificado.

Cando Đukić fallou aquel penalti o 14 de maio de 1994, fallouno sabendo que o partido do Barça acababa de rematar, que gañara, e que o Deportivo tiña que gañar tamén.

1994. Non é algo novo.

E nunca antes se rompera unha xornada unificada.

E non, non se rompeu tampouco naquel partido do ascenso do Deportivo contra o Murcia do 9 de xuño de 1991.

Porque cando ardeu a grada de preferencia o partido xa estaba empezado, e o que fixo o árbitro foi suspendelo durante media hora.

O ano pasado, liga de Segunda División 2018/2019, o falecemento de Reyes provocou o adiamento de todos os partidos de horario unificado da xornada 41.

https://twitter.com/LaLiga/status/1134795707142017026

Pero curiosamente, a OBRIGA de ter un horario unificado non aparece como tal nos regulamentos nin de @LaLiga nin da @RFEF.

O que aparece é, no artigo 53.3, letra e) dos Estatutos da @rfef, que a RFEF ARRÓGASE A CAPACIDADE de fixar un horario unificado.

cdn1.sefutbol.com/sites/default/…

Pero arrogarse tal capacidade non ten por que implicar que sexa obrigatorio facelo.

En todo caso, a @RFEF si fixou o horario unificado para este ano mediante a Circular 93 do 6 de xullo de 2020.

cdn1.sefutbol.com/sites/default/…

E que pasa se un partido queda suspendido?

Pois que pode reanudarse ou darse por concluído se xa empezara, e pode reprogramarse se non.

Letras a), b) e c) do mesmo artigo 53.3 dos Estatutos da @rfef.

cdn1.sefutbol.com/sites/default/…

Entón unha vez fixado o horario unificado por quen corresponde (a @RFEF), por que queda suspendido só o Deportivo - Fuenlabrada?

Pois según conta a resolución final da @RFEF, por "evitar riscos maiores para a saúde e a integridade da competición".

https://twitter.com/rmarcacoruna/status/1285366095231229953

Básicamente, o que fai a @RFEF é aplicar o artigo 240.1 do seu Regulamento Xeral, que lle permite suspender calquera partido cando prevea a imposibilidade de celebrarlo POR CAUSAS EXCEPCIONAIS.

cdn1.sefutbol.com/sites/default/…

E que é unha "causa excepcional"?

Pois pode ser calquera cousa, pero pola propia definición de "causa" e polo contexto no que se aplica, ten que estar baseada nunha razón OBXECTIVA.

"Hai 6 positivos de COVID" é claramente unha causa excepcional, fundamentada nun dato obxectivo.

Pero por exemplo, "suspendemos tal partido porque cremos que vai ser un tostón e os espectadores terminarán odiando o fútbol" non é unha causa excepcional porque non é unha razón obxectiva. É unha mera valoración subxectiva.

Pois ben: había causas excepcionais para suspender o Deportivo - Fuenlabrada? SI.

Pero suspendéndose este… había causas excepcionais que xustificasen a NON SUSPENSIÓN DO RESTO DE PARTIDOS?

Ou dito doutro modo, existían RAZÓNS OBXECTIVAS de suficiente envergadura como para romper o principio de integridade da competición, que é o que se intenta garantir mediante o horario unificado?

Pois non parece.

O único que existe é unha suposta intención de "evitar riscos maiores para a saúde e integridade da competición".

Pero iso é unha mera cuestión valorativa, non unha razón obxectiva.

Incluso unha valoración que nin sequera aparece fundamentada en absoluto na resolución da RFEF.

Sería como suspender un partido por evitar o risco de que un determinado xogador se lesionase, porque alguén na RFEF viu vídeos del e considerou que últimamente carga demasiado os cuádriceps ao correr.

Excepto porque na resolución nin sequera mencionarían o dos cuádriceps.

Pero ben, deixemos a suspensión deste partido acontecida o día 20 de xullo.

Falemos agora da intención de @LaLiga de solicitar a SUSPENSIÓN DEFINITIVA POR CAUSA EXCEPCIONAL E/OU DE FORZA MAIOR do partido.

laliga.com/noticias/nota-…

Primeiro, non pode ser causa de forza maior porque unha causa de forza maior por definición é un feito que non se pode evitar e tampouco prever.

Por forza maior pode suspenderse un partido, claro que si. Pero non eliminalo do calendario e facer como se nunca existise.

E ese é o problema: que non existe o concepto de "suspensión definitiva" dun só partido.

Por moito que "forza maior" soe a "podo facer o que me dea a gana", a aplicación da forza maior está regulamentada.

Non se pode eliminar un partido E OS SEUS EFECTOS do calendario.

Pode non disputarse un partido? pois claro.

Se un equipo é excluído da competición, por exemplo. E tamén se un dos equipos participantes é sancionado.

Pero nese caso dánselle os 3 puntos ao equipo contrario.

Tivemos o caso o ano pasado co Reus.

A diferenza é que nesas circunstancias o partido non se "suspende definitivamente". Segue no calendario, segue formando parte da xornada, e segue tendo efectos clasificatorios (3 puntos, marcador 3-0).

Pode DARSE POR CONCLUÍDA unha competición sen darse por computados todos os partidos (e os seus efectos) de todos os equipos que non fosen excluídos dela?

NON, porque a competición necesita de 42 xornadas para ter unha "clasificación final".

cdn1.sefutbol.com/sites/default/…

Pódese ascender ou descender equipos sen que a competición se dea por concluída?

Tampouco, porque non hai "clasificación final".

Aínda que se podería ascender equipos modificando a competición do ano seguinte e "invitando" aos equipos ascendidos. Non habería prexuízo a ninguén.

Polo tanto @RCDeportivo, @cdnumancia, @EXT_UD e @realracingclub están descendidos se a competición non se pode dar por concluída? NON.

Existe algunha maneira de pechar a liga regular sen celebrar o Dépor-Fuenla ou darllo por perdido a alguén? Pois se non se me escapa algo… non.

E en fin, por hoxe chega. Espero que a alguén lle resulte útil o ladrillazo.

Ah, por certo, ceterum censeo Carthaginem esse delenda.

#ÉDéXustiza #EsDeJusticia