Thread by @Lavvelenata

Ve conto na storia.
Arzignan. Valle del Ciampo. Distretto dea concia. El profondo nord-est sporco e chea spussa tea senti xa dall’A4 tra i casei de Montecio e Montebeo. 25mia anime mal contae.

Provincia de Vicensa. Veneto. Chea parte del Veneto che lavora e che evade. Che no vol pagar tasse (come biasimarli dir el vero …) e che scampa. El Veneto dee società fantasma, dee scatoe cinesi, dei capitai all’estero.

Dee imprese che xe deventae grandi e che co xe sta ora passarghee ai fioi gà sarà baracca e burattini, assando par strada fonitori e dipendenti, casini, besteme, rabia, senare de incendi sol in qualche uficio, processi, pattegiamenti, faimenti, concordati

indagini dea Finansa e compagnia cantante spesso contornai da beissime macchine potenti, figa e coca che quei de Sinaloa i podaria domandar e ottener gemellaggio con la Valle.

In chel toco de veneto che ci evade xe figo, furbo, un grando, un idoeo. In na parte de Veneto che e dichiarasion IVA xe na roba facoltativa, gnente fatture, gnente tasse. Na parte de Veneto dove che i reati pi frequenti xe corruzione, evasion fiscae totae e lavoro nero.

A parte qualche sgrandeson che se fa veder in giro col machinon, a bea figa e el vestito beo, vita discreta. Poca ostentasion. Villette in collina co mogli che fa volontariato. Messa dee 11 aea domenega mattina, in prima fia. E banco coea targhetta co scritto el nome dea fameja.

I se conosse tutti. I gà el stesso odor.
I se ciava tra de iori. I fà afari tra de iori. I se denuncia, condanna, assolve tra de iori.

Pelli, macchinoni, figa, coca e maton. E si perché quasi tutti a malattia del maton i a gà o i a gà avua. Costruio ovunque. Cemento dio bello, cemento ovunque.

E aziende che cambia nome nel tempo e nea frequensa che e persone normai se cambia e mudande.
Ieri se clamava co un nome e iera na SAS e in 24 ore cambia nome e deventa na SRL.

E fioi che dai genitori ciapa sol el cognome, eredita el patrimonio, i skei, ma né a testa né a voja de far ben. De far fadiga. Fioi che e capacità imprenditoriai dei padri i see scorda in pien. E gnanca a stessa passion.

Vedea Signorina mi par me fioi go dato l’anema, ghe gò assà na azienda sana, che ndava ben, che el mercato riconosseva come una dee mejo se non a migliore ma iori in 3 anni i a gà fatta sarar, i me gà magnà fora tutto …

Quando gò incontrà sto vecieto sui 80 anni, vivevo da poco Vicensa e par quanto i me gavesse dito in tanti che quei dea vae dea concia iera un popoeo par conto suo, co caratteristiche e modi de pensar par conto suo no pensavo fin a certi punti.

Vedea li gò provà far studiar ma gnente.
Ghe gò scelto e scuole migliori ma gnente.
Li gò mandà studiar in giro pal mondo ma gnente.
Li gò mandà lavorare da altre aziende ...

... e i mei gà rimandà indrio come se fa un reso merce non conforme. ME FIOI NON CONFORMI. Difettosi. FALLATI.
Boeai co NO GA VOJA DE FAR GNENTE.

E alora li gò tirai dentro in azienda da mi.
El pi grande errore dea me vita. EL PI GRANDE ERRORE DEA ME VITA.
No lo gavesse mai fato.

I gà sbarufà co tuti i dipendenti. Nissun escluso.
Daea produsion aea signora dee puissie.
I se sentiva in diritto de comandar sol perché i iera me fioi.
No i savea gnente e i pensava de saver tutto. Me vergognavo mi par iori.

Vedea signorina mi pai me tre fioi gò pianto tanto.
Gò provà darghe indicasion su come portar vanti a baraca ma sembrava che i PROVASSE GUSTO A FAR EL CONTRARIO.

In produsion gaveimo uno bravo, uno che a pee del vedeeto nero la caressava come fosse seta. Uno che otimizava i scarti pa no buttar via gnente. Uno che gavea a me massima stima e fiducia.

Xe sta el primo che i gà fatto fora.
Daea matina aea sera assai casa.
CAPIR UN CASSO.
No te assi casa quel che gà i segreti del laoro dio santo del ciel.
Eppure ieri 3, i me 3 fioi gà inissià a assar casa i dipendenti migliori.

E a sostituirli co i so amissi.
Signorina a savesse .... i gà assunto come segretarie e femenete co cui i passava e serate ... a me azienda dopo 1 anno gavea pì segretarie che operai.

E se mi disevo qualcossa i me disea de taser che el corso de tal guru milaneese disea che bisognava potensiar el lavoro de testa che no de man .... ma dio santo in na conceria cossa ghe sarà da ragionar ? bisogna laorar, far fadiga, bestemar.

E xe rivà el giorno che i me ga' dito che mi podevo star casa e che no iera pi necessario che mi ndasse la.

ME FIOI ME GA' LICENSIA' DAEA ME AZIENDA DOVE CHE NO IERO GNANCA ASSUNTO.
ME FIOI ME GA' ASSA' FORA DA CASA MIA.

Gò dovesto darghe e ciavi del capanon.
A me azienda desso iera sua.
Mi iero vecio, largo ai giovani. Assemoghe far a iori. Xe giusto cossita.

I me gà organizà a cena de addio ai me dipendenti, quei che ancor ghe iera.
Na cena in stile holiwud. Co a Vicenda ben. Co quei dea spileta de l'Aquila. Co tutti i fornitori. Co tutti i nostri clienti. Co tutti i nostri concorrenti. Co mezza vae dea concia.

Gnanca al me matrimonio tanta xente cossita.
Pareimo tutti AMICI PER LA PELLE.

I me gà fatto lesar el discorso che i se iera fato preparar da uno de Mian. Me mojer me vardava coe lacrime ai coi finché lo leseo. Lacrime de vergogna no perchè iera commossa.

Leseo de territorio, de passion pal lavoro, de l'amore poi me dipendenti, dea fedeltà dei me fornitori, del fatto che desso L'AZIENDA CO I FIOI SARIA DEVENTA' ANCOR MEJO DE QUEL CHE A XE STATA.
E mi sol saveo che no iera vero.

Ghe assavo in man un zogateo funsionante, che fasea skei, che ce gà porto a un certo liveo de benessere, che dava lavoro .. e iori no cavea gnanca usar un foglio excel.

PA NO MORIR mi e me mojer se semo trasferii in na casetta so na isoea spagnoea.
Distanti da Arzignan.
Distanti deae Vergogna.

I gà inissià far sponsorizazion.
In ogni manifestasion che iera el logo dea me ex conceria.
Eventi che no centrava un casso coe pelli.
Marketing i disea.

Squadrette de calcio a 5.
Sfilate de moda.
Uno dei 3 iera sempre Milano. Non fruiva mia l'A4. Dormia in na suit de un hotel

El parcheggio dea me ex conceria iera d'evento el parcheggio de na concessionaria.
Macchinoni.
Sempre pi grandi. Sempre pi potenti.

Macchinoni, femenete fighe e famose, e na strana collaborazion co chealtre concerie ....

De produsion quasi pi gnente.
Gaveo un amigo de quei veri che me ciamava pa contarme.
No vea pi cami rivar scaricar rodei de pee o portar via rodei de pee lavorada.
E luci del capanon sempre stuae.
Ma quei dei ufici accese fin sera tardi.

E taco lesar sol Giornal de Vicensa che taca un domino de concerie storiche che sarà, che finisse in concordato, che porta libri in tribunal ... che a Guardia de Finanza xe in pianta stabie tra Arzignan, Zermeghedo e Montebeo

Na sera siamo me fioi. Iera daea sera dea cena de addio che no li sentivo.
- Tutto ben ?
- Si si tutto ben, semo drio lavorar tanto, semo drio cressar, ghemo fato un gran affare co tissio, cajo, sempronio, semo deventà famosi, ecc. ecc.

- I conti xe in ordine ?
- Ma si papà sta tranquio. Ghemo cambia el to commercialista che ce fasea pagar na marea de tasse e desso va mejo ...

- Cossa gavì fatto ? Cambià el commerciaista ?
- Si adesso ce segue el stesso de TISSIO, CAJO, SEMPRONIO.
- Se vedaremo in tribunal allora ...
- Ma cossa disito papà ...

Ed effettivamente el vecio rivede i so 3 fioi in tribunal dopo qualche anno.
In stie holiwud anca sto giro. In compagnia de quei dea vae dea pee. insieme ai AMICI DEA PEE.
Pien de vergogna.

Perchè i 3 fenomeni de fioi xe riussii in poco tempo a trasformar na CONCERIA in na CARTIERA.
Diettante queo Alto che gà trasformà acqua in vin.
Votu metter cambio attività aziendae ....

I 3 fenomeni invesse de lavorar a pee che spussà se gà convertio aea produsion de FATTURE FALSE.
El bisness dea Vae dea Concia.

Na matina i vien sveja presto - roba che prima dee 11 no sucedea mai - da quei dea GDF co ordine de custodia cautelare co accuse de concorso in bancarotta fraudolenta documentale ed evasione fiscale.
Mancava gnente.

i 3 fenomeni xe riussii far sparir contabilità dei ultimi 5 anni credendo che no se riussisse risalir a operasion inesistenti .. a dirottamenti de camion e container da na conceria a chealtra ... a busi incolmabii, a skei mandai fora del Veneto ..

i 3 fenomeni xe riussiì a far fatture pa centinai de migliori de euro.
Iori ? No iori no cavea far un casso.
Come che sostegnea el vecio.
Iori gà assà far. In cambio de MACCHINONI, FIGA e COCA.

Iori gà sol messo el COGNOME, a storia de l'azienda. Iori no iera in grado de far un casso. Gnanca de capir el rischio che i iera drio correr.

Iori iera a generazione che dovea far cressar l'azienda, che dovea farla deventar a mejo.
Desso i xe tutti e 3 al Pio X.
E el vecio che se gà venduo anca e mudande pa colmar i debiti dei fioi.

Debiti co tutti.
El vecio xe torna pa pagar debiti.
Perchè ESSAR IMPRENDITORI SIGNIFICA ANCA AVER NA DIGNITA'. FAR IMPRENDITORE NO.
End.