Thread by @IbrahimQiam

A thread: IELTS test
في بداية تحضيري للامتحان دخلت على اليوتيوب وكنت سامع عن قناة اسمها E2 IELTS من خلالها تعرفت على الامتحان ونمطه وأنواع الأسئلة وكل بارت من الامتحان شو بيحتوي.. بعد هيك نزلت مجموعة كتب من كامبردج وهم شريك رسمي في الامتحان مع British council & IDP لهيك
(1/20)

يعتبروا أكثر مصدر موثوق للدراسة. مجموعة الكتب اسمها Cambridge IELTS Academic (1-15) كل كتاب فيهم بيحتوي على 4 امتحانات كاملة، لكن أنا كنت أحل الريدينغ والليسينينغ فقط لأنه الحلول بتكون موجودة في نهاية الكتاب وبإمكاني أعرف علامتي! بلشت من إصدار رقم 15 ورجعت فيهم رجوع لحد
(2/20)

إصدار رقم 12 وكانوا كافيات جدًا..
Cambridge IELTS Academic: drive.google.com/drive/mobile/f…

البداية من الlistening: أهم شيء في قسم الاستماع أنك تكون قادر على قراءة الأسئلة وفهمها قبل لا يبلش الريكورد.. في نهاية كل سكشن رح يعطوك وقت لتتفقد إجاباتك نصيحتي الك أنك تطوي ملف
(3/20)

السكشن بمجرد انتهاء الريكورد وتستغل وقت المراجعة في قراءة السكشن التالي خصوصا أسئلة الmultiple choice لأنه فيها كمية معلومات كبيرة والوقت اللي بيعطوك إياه لتقرأها غير كافي أبدا، وحاب أضيف شغلة أنه أثناء قرائتك للأسئلة حاول أنك تتوقع نوعية الجواب سواء كان رقم، لون، صفة،
(4/20)

نوع ملابس، وهكذا هذا الشي بساعدك كثير تلتقط المعلومة من الريكورد. ثاني شي بحب أحكيه أنه أثناء الريكورد خلي عينك على السؤال اللي بدك تحله + السؤال اللي بعده، قد يصدف أحيانا أنه أثناء السماع يجي حل السؤال الأول ويخلص وانت مش منتبه عليه ويبلش الكلام عن السؤال الثاني وانت
(5/20)

لساتك بتنتظر جواب السؤال الأول، إذا كانت عينك على السؤال الثاني بتكون قادر على معرفة أنك ضيعت السؤال الأول ولازم تركز على السؤال الثاني. أهم شي ممكن أحكيه عن هذا الجزء من الامتحان هو أنه قسم الاستماع عبارة عن one-way exam، إذا ضاع عليك سؤال لازم تحافظ على هدوءك وتنساه
(6/20)

بالكامل وتتركه فراغ وتركز بالسؤال اللي بعده وفي نهاية الامتحان بتعبي الفراغات الناقصة بأي شي that makes sense. بالنسبة لإيقاع المحادثة جدا مفهوم وبطيء نوعا ما وما في أي مشكلة فيه.. نصيحتي أنك تحاول تسرّع المقاطع اللي بتحضرها على اليوتيوب أو أي مكان آخر لحتى تعود نفسك
(7/20)

على إيقاع أسرع من الموجود في الامتحان.
وبالنسبة للتدريب كتب كامبردج أكثر من كافية في هذا القسم.

بالنسبة للWRITING: للأمانة ما عندي شي ممكن أفيدكم فيه لأنه ما سمحت لي الظروف أني أتدرب على الكتابة نهائيا.. لكن وصلني link لدورة مجانية Top Spot Academy وكانت جدًا جدًا جدًا
(8/20)

مفيدة بنصح الكل أنه يشوفها وأتوقع أن الفضل لله ثم لها في تحصيل علامة جيدة في الكتابة. اللينك التالي هو للكورس المجاني عندهم:
courses.topspotacademy.com/users/sign_in
بنصح بمشاهدة هذا الفيديو كمان كان جدًا مفيد بالنسبة لي:
آخر شي بنصحكم تمارسوا الكتابة ولا تعيدوا
(9/20)

نفس غلطتي لأنه عانيت حتى قدرت أحصل الwords count وكان عندي صعوبة بتوليد الأفكار وأكيد كل ما تدربت كل ما كانت أسهل.

بالنسبة للspeaking بنصح بكتاب Makkar والسؤال اللي اجاني بtask 2 كان منه حرفيًا.. خذ الأسئلة وحاول تجاوبها مع نفسك بطريقتك الخاصة.. كلنا عنا كمية vocabulary
(10/20)

جيدة وسهل نفهم الكلمة لو صادفناها أمامنا سواء في نص أو ريكورد، لكن بيصعب علينا نستخدمها خلال الحديث.. هذا النوع اسمه passive vocabulary والطريقة الوحيدة لحتى تخلي هذه المفردات Active أنك تستخدمها في حديثك لهيك قبل بأسبوع من الامتحان بنصح أنك تتخلى عن لغتك الأم
(11/15)

وتتعامل بالإنجليزية قدر الإمكان. أنا عن نفسي كنت أطلع أتمشى وأحكي مع نفسي وأجاوب أسئلة كتاب Makkar وكنت في البداية أسجّل الكلام وأرجع أسمعه وما بتتخيلوا كمية المشاكل اللي اكتشفتها أهمها الhesitation وحاولت أتخلص منها عن طريق عدم التفكير بأفضل structure ممكن للكلام، بالعكس
(12/20)

صرت أتكلم بحرية أكثر وهذا المطلوب.. آخر شي بنصح الكل أنه يحضر mock tests موجودة باليوتيوب بكثرة وبتعطيك فكرة عن الامتحان وفعليا كانت بتحاكي الامتحان وبتساعدك على أنك تكوّن فكرة عن طبيعة ال15 دقيقة اللي رح تقضيهم هناك..
هذي القناة جدا ممتعة ومفيدة وبنصحكم
(13/20)

فيها كمان:
youtube.com/channel/UCiVm8…

آخر شي بتكلم عنه هو الreading:
هذا الامتحان عبارة عن سباق مع الزمن أكثر من كونه امتحان لغة.. قرأت كثير تيكنيكس للحل بس للأسف كمية معلومات كبيرة جدًاا وأحيانًا متعارضة فقررت أنه أنا أحل الامتحان بالطريقة اللي بتناسبني أنا.. بعد الممارسة
(14/20)

اكتشفت أنه الامتحان عبارة عن عملية تنقيب عن المعلومات ولازم تتقن مهارة الوصول للمعلومة في نص كبير بأسرع وقت ممكن.. الشي الثاني المهم هو أنه يكون عندك مخزون لا بأس به من الSynonyms لأنه بحياتك ما رح تلاقي نفس الكلمة بالسؤال والنص.. الشغلة الثالثة في بعض الكلمات KEYWORDS
(15/20)

صعب أنها تتغير بالأسئلة مثل التواريخ والمصطلحات العلمية والأسماء هذي بتكون محظوظ إذا لقيتها بالسؤال لأنها بتساعدك على تحديد موقع المعلومة بالنص بشكل أسرع..
أنا عن نفسي بعد التجربة اكتشفت أنه ما في داعي أقرأ النص قبل الأسئلة إلا في حالة واحدة اللي هي وجود أسئلة Headings -
(16/20)

أعطي كل فقرة العنوان المناسب.. لهيك في بداية كل امتحان كنت آخذ 20 ثانية أتطلع فيهم على الأسئلة بشكل خاطف وأشوف إذا كان سؤال الheadings موجود أو لا، إذا ما كان موجود فانت محظوظ لأنه بيستهلك وقت رهيب منك. شغلة ثانية كانت عامليتلي عقدة أسئلة T/F/NG اكتشفت أنه السؤال هذا
(17/20)

جوابه بكون موجود بشكل صريح وواضح في النص وما فيه أي tricks فإذا ما تمكنت من الجواب عليه خلال مدة أقصاها دقيقتين نصيحتي أنك تتجاوز السؤال لأنك مستحيل تجاوبه بعد هيك والسبب أنه مخزونك اللغوي غير كافي أنك تحل السؤال فلا تضيع وقتك عليه.
حليت آخر ثلاث إصدارات من كتب كامبردج
(18/20)

على الreading وكانوا كافيات جدًا لأحصل سكور 9

بالنسبة للناس اللي رح تقدم امتحان على الكمبيوتر، ضروري جدًا جدًا جدًا جدًا جدًا جدًا أنكم تحلوا الامتحان المرفق من British council لأنه عبارة عن محاكاة فعلية للامتحان.. أنا عن نفسي أول مرة حليت الامتحان حصلت score أقل من اللي
(19/20)

اعتدت أحصله بكتب كامبردج والسبب أنه شكل الامتحان كان جديد علي ومش متعود عليه فضروري أنكم تمروا بالتجربة قبل يوم الامتحان..
All the best!
(20/20)