Thread by @27dots_

'అదుపూ పొదుపూ లేని ఆనందం కావాలి' నాకిష్టమైన ఒక తెలుగు పాటలో పల్లవి లైన్స్ అవి. ఈ భూమ్మీద ఊపిరి తీసుకుంటున్న ప్రతీ మనిషి లక్ష్యం అదే. అయితే సుఖం వేరు ఆనందం వేరు. సౌకర్యం సుఖాన్నిస్తే సుఖం ఆనందాన్నిస్తుంది.

'ఆనందంగా జీవించటం ఎలా'

హిట్ సినిమా సూత్రం (formula) ఏంటో ఇంత వరకు ఎవరూ

కనుగొనలేదు అలాగే ఇది కూడా. కొందరికి ఆనందం అంటే అప్పులు లేకపోవడం, ఇంకొందరికి అప్పులు పుట్టటం.. మరికొందరికి తమ హీరో సినిమా మొదటి రోజు మొదటి ఆట చూడటం. మొక్కలకు నీరు పోస్తూ ఆనందించే వాళ్ళు, సంగీతం వింటూ ఇదే ఆనందం అనే వాళ్ళు కూడా ఉంటారు. సాయంత్రం అఫిస్ నుంచి తిన్నగా తమ 'అడ్డా'కు చేరి

చిన్ననాటి స్నేహితులతో కలిసి రెండు పెగ్గులు వేసి, నాలుగు దమ్ములు కొట్టడం కూడా ఒక వర్గం ఆనందం అనే అంటారు! నిజానికి మనం జీవించే ఉన్నాం అన్నది 'రియలైస్' అయితే ప్రతీ క్షణం ఆనందంగా ఉండటానికి ఒక చక్కని కారణం దొరికినట్టే. రియలైస్ అవ్వాలి అంతే!

బ్రతకటం వేరు జీవించటం వేరు అని చాలా మందికి

తెలియకపోవచ్చు.. ఎందుకంటే తెలిసుంటే చాలా మంది 'బతుకులు' వేరేలా ఉండేవి. ఊపిరి తీసుకుంటున్న వాళ్లలో చాలా మంది జీవించి ఉన్నట్టు కాదు, బ్రతికే ఉన్నట్టు, బ్రతుకును ఈడుస్తున్నట్టు. ఎందుకంటే వీళ్ళలో చాలా మందికి అన్ని సౌకర్యాలు ఉంటాయి, సుఖాలు కూడా ఉంటాయి కానీ ఆనందం దొరకదు. ఎందుకంటే వీళ్ళ

జీవితాన్ని 'పైసా' చాలా వరకు ఆక్రమించుకుంది కాబట్టి. పైగా వీళ్ళు సమాజం ఏర్పరచిన నార్మ్స్ ప్రకారం బ్రతుకుతున్న వాళ్లే తప్ప తమ కోసం కాదు. ఈ విషయం వాళ్లకు అర్ధమయ్యేసరికి చాలా ఆలస్యం అయిపోతుంది. అలా 'జీవం' లేని జీవితాలు ఎన్నో మన చుట్టూ.

ఫలానా టాబ్లెట్ వేసుకుంటే తలనొప్పి పోతుంది

అని డాక్టర్ చెప్పినట్టు ఆనందంగా జీవించడానికి ఏం చెయ్యాలో నేను చెప్పను. కానీ, నెగటివ్ ఆలోచనలకు ఆస్కారం ఇవ్వకపోవడం, దురాశకు దూరంగా ఉండటం వల్ల నిరాశ నిస్పృహలు దరిచేరవు అని చెప్పగలను.
ప్రతీ వ్యక్తి ప్రత్యేకం అని నేను నమ్ముతాను. చాలా మంది తమకు నచ్చిన అభిరుచిని అలవాటుగా మార్చుకోవటం..

సాధన చేయటం ద్వారా కూడా ఆనందాన్ని పొందుతారు, అలాగే మరి కొందరికి వృత్తిపరమైన విజయాలు ఆనందాన్ని అందిస్తాయి. ఇక్కడొక విషయం చెప్పాలి. కొందరు క్లబ్ హౌస్, స్పేస్'లో మనం అడగకపోయినా పాటలు పాడటానికి ఉత్సాహం చూపిస్తారు (నేను కూడా ఈ కేటగిరీలో ఉంటాను) దానికి కారణం తెలుసా? పాడటం ద్వారా తమను

నలుగురూ గుర్తించాలని కాదు అలా పాడటం ద్వారా కలిగే అలౌకిక ఆనందాన్ని పొందాలని. సో, తమకు ఆనందాన్ని, ఆహ్లాదాన్ని కలిగించే విషయం, అభిరుచి ఏంటో ఎవరికి వారు తెలుసుకోవాల్సిందే తప్ప వేరే దారి లేదు.

'డబ్బు పోతే మళ్ళీ సంపాదించుకోవచ్చు, ఆరోగ్యం అలా కాదు'

ఈ మాట మనం చిన్నతనం నుంచీ వింటున్నాం

గానీ ఆచరిస్తున్నామా?

ఒక అనుభజ్ఞుడు చెప్పిన విషయం ప్రస్తావిస్తాను. 'ఒకప్పుడు మనిషి బ్రతకటానికి తినేవాడు కాబట్టి రోగాలు వచ్చేవి కావు, కానీ ఇప్పుడు! 'రుచులు' కోసం తింటున్నాడు కాబట్టి రకరకాల జబ్బుల బారిన పడుతున్నాడు'. ఆరోగ్యంగా లేనప్పుడు ఎంత డబ్బున్నా, సౌకర్యాలున్నా మనిషి ఆనందంగా

జీవించలేడు. మెషిన్ ఫిట్'గా ఉండాలంటే 'మెయింటెనన్స్' ఎంత అవసరమో 'మెయింటెనన్స్'కి రాకుండా ఉండాలంటే మనిషి శరీరానికి వ్యాయామం అంతే అవసరం. వ్యాయామం మనల్ని శారీరకంగా ఫిట్గా ఉంచటమే కాక మానసికంగా గ్రౌండడ్'గా (మెంటల్ బ్యాలన్స్) ఉంచుతుంది. ఇవన్నీ కాకుండా సెల్ఫ్ కాన్ఫిడెన్స్ అదనపు బోనస్.

*'జిమ్మీస్'తో మాట్లాడేటప్పుడు వాళ్ళ బాడీ లాంగ్వేజ్ గమనించారా చాలా ఆత్మవిశ్వాసంతో ఉంటారు! అదే ఫిట్నెస్ ఇచ్చే కిక్కు!

'సెక్స్'

సెక్స్ అంటే బయోలజికల్ నీడ్, శారీరక అవసరం.. ఇలా ఎవరు ఎన్ని విధాలుగా నిర్వచించినా ఒక్కొక్క వ్యక్తి థింకింగ్ కెపాసిటీ బట్టి

దానికున్న అర్ధం (Intrinsic value అని చదువుకోండి) మారిపోతుంది. ఏదేమైనా శృంగారం అంటే బూతు అనుకునే స్థాయి నుంచి సోషల్ మీడియాలో పీరియడ్స్ గురించి, ఆర్గసం గురించి, ఓరల్ సెక్స్ (ముఖరతి) గురించి బాహాటంగా చర్చించే స్థాయికి చేరుకున్నాం. ఐ వెల్కమ్ దిస్
ఛేంజ్. అయితే ఇది మంచి పరిణామమేనా?

అని ప్రశ్నిస్తున్న వర్గం కూడా ఒకటుంది. ఈ విషయం మనం వేరుగా ప్రస్తావిద్దాం.

'మేకింగ్ లవ్ వేరు మరియు సెక్స్ వేరు' అని నేను అన్నప్పుడు ఎలా అని అడిగాడు మా ప్రసాద్. సెక్స్ శారీరక అవసరానికి, సుఖానికీ మాత్రమే పరిమితమైతే మేకింగ్ లవ్ టు యువర్ పార్ట్నర్ మానసిక బంధాన్ని 'కూడా' దృఢంగా

ఉంచుతుంది అన్నాను. నా వైపు చూసి ఏదైతే ఏంటిలే అన్నాడు మా ఫ్రెండ్. మా సంభాషణ అక్కడితో ఆగిపోయింది, కానీ నా ఆలోచనలు ఆగలేదు.

మగాళ్లకు ప్రేమించడం చేతకాదు అని అమ్మాయిల్లో MALEజాతికి ఒక రెప్యూటేషన్ ఉంది, అలాగే బెడ్ మీద ఎలా ఉండాలో అమ్మాయిలకు తెలియదని అబ్బాయిలు కూడా అంటుంటారు.

కారణం సెక్స్ అంటే "మగాళ్ళు చేసే పని" అని నమ్మే స్త్రీలు మన చుట్టూ ఇంకా ఉన్నారు (not generalizing here & urban ladies are not exception). బయట ఎంత స్వతంత్రంగా ఉన్నా 'అక్కడకి' వచ్చేసరికి శరీరం అప్పజెప్పేసి యూట్యూబ్'లో కోడిపాప కొత్త రెసిపీ వీడియో చూస్తుంటారు. అతను తన

పనవ్వగానే 'దిగిపోతాడు'. అక్కడ ప్రేమ ఉండదు, కేవలం శారీరక అవసరం మాత్రమే ఉంటుంది. త్వరలోనే వాళ్ళు విడివిడిగా పడుకుంటారు లేదా వేరే భాగస్వామిని చూస్కుంటారు.

స్త్రీలకు భావప్రాప్తి కలుగుతుందనే విషయం తెలియని ఎడ్యుకేటెడ్ అర్బన్ మేల్స్ మన మధ్య ఉన్నారు. హస్తప్రయోగం చేసుకుంటే అబ్బాయిలు

సన్నగా అయిపోతారని, అమ్మాయిలైతే యోని వదులవుతుందని నమ్మే వాళ్ళు కూడా ఉన్నారు. ఇంత టెక్నాలజీ, ఇన్ని రిసోర్సస్ అందుబాటులో ఉండీ కూడా విషయ పరిజ్ఞానంలో వెనకబడి ఉండటం దారుణం అనే అంటాను.

స్త్రీల పై అత్యాచారాలకు / నేరాలకు సెక్స్ ఎడ్యుకేషన్ లేకపోవటం కూడా ఒక కారణం అని ఇండియా టుడే గతంలో

ప్రచురించిన ఒక ఆర్టికల్'లో ప్రస్తావించిన విషయం చాలా మందికి తెలిసుండొచ్చు. హ.ప్ర చేసుకుంటే నరాల వీక్నెస్ వస్తుందని అత్యాచారానికి ఒడిగట్టిన క్రిమినల్ మీకు తెలుసా?

సెక్స్ ఎడ్యుకేషన్ అంటే ఫోర్-ప్లే, ఇంటర్'కోర్స్ వగైరా అనుకుని చాలా మంది నరాలు జివ్వుమనే అవకాశాలున్నాయి, కానీ అది కాదు.

మన శరీరం గురించి, శరీరంలో ఉన్న భాగాలు మరియు వాటి 'ఫంక్షనింగ్' గురించి తెలుసుకోవడమే సెక్స్ ఎడ్యుకేషన్. దీని వల్ల చాలా అపోహలు తొలగటమే కాక తమను తాము కొత్తగా స్వీయపరిచయం చేసుకుంటారు.

సెక్స్ అనేది ఖచ్చితంగా సుఖాన్ని, ఆనందాన్ని కలగలిపి అందించే ఒక అద్భుతమైన అనుభవం.. దాన్ని ఒక

అందమైన అనుభూతిగా మిగుల్చుకోవాలంటే మాత్రం మీ గురించి మీరు తెలుసుకోవటం ఎంత ముఖ్యమో మీ భాగస్వామి గురించి తెలుసుకోవటం కూడా అంతే ముఖ్యం.

- డెలివరీ ఆఫ్ థాట్స్

....