Thread by @damiandbm

'TERRA' PA DUMMIES DE LA CULTURA GALLEGA

Hai xente que diz que l'actuación de @tanxugueiras nel #benidormfest nun s'entendió porque tenía “munchos elementos nel escenariu”. Equí va la mio interpretación de dellos puntos de la so 'performance' (Va filu)⬇️

El grupu principia l'actuación sobre una estructura que representa los montes gallegos, ún de los paisaxes referenciales del país y de gran importancia na tradición oral del norte de la Península Ibérica. Tanxugueiras vien d'esa tradición.

El cantar ye un allegatu feminista que fai un homenaxe a les nuestres güeles, muyeres anónimes que tresmitieron el so patrimoniu cultural a les xeneraciones nueves. Una idea que, amás de cola lletra, tresmítese coles audiovisuales qu'acompañen l'actuación.

Prueba d'ello ye tamién la imaxe icónica de la pandereta, instrumentu referencial del folclor femenín. Un datu; Tanxugueiras nun principia a tocar tarde, elles -nun toque característicu de les panderetes- responden a la base electrónica.

En Galicia y n'Asturies ta habiendo nos últimos años una revolución folk que ta acompañada del empoderamientu de la pandereta y del papel de la muyer. Una 'pandereta revolution' que tamién tien los sos chisgos na actuación.

Hai que falar de los traxes. Tanxugueiras inspírase nel traxe tradicional de gala, pero son elles les que lleven los pantalones, mentes que los bailladores lleven falda y muestren el so cuerpu. Dende la tradición, frañen colos roles de xéneru tradicionales.

Una de les característiques del cantar ye'l 'nun hai fronteres' nes llingües oficiales y n'asturianu. Quier dicise, el grupu pretende mostrar la posibilidá d'una España onde la pluralidá llingüística y el respetu a les cultures sía un puntu de xunidá y non de resquiebra.

Otra de les crítiques que se ta faciendo a l'actuación ye que los bailladores tienen muncho protagonismu. Sicasí, lo que se quier representar ye que na tradición la música ye pa baillar: los músicos tán nun segundu planu, porque los protagonistes son los que baillen.

Tampoco nun s'entendió la figura que faen Tanxugueiras y los bailladores. Ye otra representación del baille tradicional y les ringleres que se formen pa executalo.

'Veñen para quedar': Significa que la diversidá cultural y l'arguyu identirariu qu'algamaron les cultures minorizaes del Estáu -gracies al trabayu de les últimes décades- nun va volver a agachar la cabeza. Nun vamos volver a sentir vergoña de lo que somos, tamos arguyosos.

L'aturuxu ye un glayíu gutural agudu, fuerte y duraderu que s'emite en señal d'allegría, nes fiestes o cuando se realicen determinaos trabayos agrícoles. Ye la voz de la xente del campu espardiéndose.

El cantar acaba con una imaxe con muyeres de delles races. Quier dicise, la diversidá cultural ye global y ye integradora. Nun hai fronteres pa les llingües y pa les cultures, pero tampoco pa les persones. La xente que vien d'otres tierres, tamién vien pa quedar.

Y como veo que vos ta prestando'l filu déxovos dos videos de la mio canal rellacionaos con Tanxugueiras:

Les llingües minorizaes y Eurovisión:

Folclore y cultura LGTB: