Thread by @gideonlasco

Narito ang pito sa mga dahilan kung bakit sa palagay ko’y dapat nating suportahan at iboto si Leni Robredo bilang presidente sa darating na halalan:

Una, walang siyang bahid ng korupsyon o anumang anomalya. Sa kanyang panunungkulan bilang kongresista at bise presidente, walang maibibintang sa kanya, maliban sa kung ano-anong fake news.

Sa katunayan, maski ang mabusising COA, pinakamataas na marka ang ibinibigay są kanya.

Pangalwa, matagal na siyang nagsisilbi sa taong bayan bilang abogado para sa mga nasa laylayan, kahit noong hindi pa siya sumasabak sa pulitika.

Malinaw na hindi siya pakitang tao. At ang mga natulungan niya dati pa - gaya ng mga magsasaka ng Sumilao - ay tumitestigo dito,

Pangatlo, siya’y maasahan sa panahon ng sakuna at krisis, mapa-COVID man o bagyo, lindol, baha, o erupsyon ng bulkan. Hindi natin itatanong kung #NasaanAngPangulo kung siya ang nakaupo dahil napatunayan na niyang handa siyang tumugon at makiramay sa panahon ng pangangailangan.

Pang-apat, matapang at maparaan si Leni Robredo. Handa siyang humarap sa batikos at pag-uusig. Imbes na pumatol sa mga pangungutya, tinanggap nya ang hamon na mamuno sa ICAD, at nakaparaming nagawa ng Office of the Vice President sa kabila ng kawalan ng suporta.

Panglima, 'di gaya ng ibang mga pulitikong laki sa layaw at manhid sa mga karanasan ng ordinaryong Pilipino, sanay si Leni na mabuhay at makipamuhay sa iba’t ibang antas ng ating lipunan. Babad sya sa mga komunidad; napakinggan at naranasan niya ang marami są ating mga suliranin.

Pang-anim, kaya ni Leni Robredo na pangatawanan ang ating bansa ng may dignidad na karapat-dapat sa isang presidente. Mahusay siyang makipag-usap, makipag-debate, magpaliwanag, at makinig.

Higit sa lahat, maasahan natin na ipagtatanggol niya ang soberanya ng ating bansa.

Panghuli, gaya ng nakikita natin sa kampanya, nailalabas nya ang kabutihan at kagalingan ng bawat Pilipino; nahihikayat nya ang pagiging bukas ng iba’t ibang panig sa pagtutulungan, pagkakaisa, at pag-asa.

Para sa kanya, ang pagkakaisa ay hindi isinasalita, kundi isinasagawa.

Dahil dito, iboboto ko si Leni Robredo nang may buong kumpyansa at pananalig. Hindi ako sang-ayon sa lahat ng kanyang plataporma. Pero may tiwala ako na kung siya ang ating presidente, may kalayaan tayong magsalita at magreklamo; makakaasa tayong mapakinggan at matugonan.