साधारणतः कोणत्याही गावात एसटी स्थानकासमोर निळ्या कोटात असणारा ज्यांचा पुतळा कायम हातात पुस्तकं घेतल्यामुळे लक्षात येतो ते #डॉ_बाबासाहेब_आंबेडकर नक्की कोण? मग यांना राजकारणी, समाजसेवक, अर्थतज्ज्ञ, कामगार कैवारी, कायदेपंडित की लेखक.. काय म्हणून बघावं आपण ?
गांधी विरुद्द आंबेडकर वाद असेल किंवा आंबेडकर जिन्ना राजकीय मैत्री. या सगळ्यात मुरलेला राजकारणी आहे. फक्त समाजसेवक म्हणून छोट्या साच्यात बसवणं शक्य नाही आणि फक्त दलीत नेता म्हणावा तर इतर क्षेत्रात सर्व भारतीयांसाठी केलेलं प्रचंड काम दुर्लक्षित करता येणार नाही.
हिंदू धर्माची चिकिस्ता ते रुपयाचं मूल्य इतक्या वेगवेगळ्या विषयांवर केलेलं अप्रतिम लिखाण हे डॉ आंबेडकरांची पुढच्या पिढीला दिलेली परिवर्तनाची शिदोरी आहे. जमेल तितकी घ्यावी. आंबेडकरांच्या तसबिरीपेक्षा त्यांची पुस्तकं वाटावी इतकी त्यात वैचारिक धगधग आहे.
कायद्याच्या प्रकांड ज्ञानातून जगभरातल्या लोकशाही अभ्यास करत देशाला "जनतेने जनतेसाठी चालवलेले राज्य" राखण्यासाठी संविधान दिलं. संविधान सभेच्या शेवटच्या भाषणात संविधानाला असलेल्या धोक्याचा गर्भित इशारा हा आंबेडकरांनी भारतीय मानसिकतेचंं केलेलं अचूक आकलन होतं.
बाबासाहेब म्हणजे माणसाला माणूस म्हणून जगण्याची इच्छा निर्माण करणारा एक विचार आहे.
त्यांची शिक्षणाची जिद्द, अफाट बुद्धिमत्ता यातली थोडी तरी क्षमता आपल्यात असावी ही इच्छा निर्माण झाली तरी महापुरुषांचा विजय झाला असं म्हणता येईल.
शेवटी #जयभीम म्हणावंच इतकं बाबासाहेबांचं काम आहे!
त्यांची शिक्षणाची जिद्द, अफाट बुद्धिमत्ता यातली थोडी तरी क्षमता आपल्यात असावी ही इच्छा निर्माण झाली तरी महापुरुषांचा विजय झाला असं म्हणता येईल.
शेवटी #जयभीम म्हणावंच इतकं बाबासाहेबांचं काम आहे!
• • •
Missing some Tweet in this thread? You can try to
force a refresh
