🔹️ثريد طلب اللجوء في بريطانيا عن طريق المطار تحديدا مطار أدنبرة
اول ماوصلنا مطار أدنبرة بالعصر وقفت سرا لتختيم الجواز ولما جا دوري الي بكاونتر الجوازات سألني سبب قدومي بريطانيا وريته بجوالي نوته مكتوب فيها "we are seeking asylum "
اول ماوصلنا مطار أدنبرة بالعصر وقفت سرا لتختيم الجواز ولما جا دوري الي بكاونتر الجوازات سألني سبب قدومي بريطانيا وريته بجوالي نوته مكتوب فيها "we are seeking asylum "
سألني وش اسبابك؟ قلتله الاسباب رؤوس اقلام
قاللي ارتاحي بالكرسي ورحت انتظر بالكرسي قدام الكونتر عبال مايخلصون اجراءات.
طولو نص ساعه او اكثر والمكان صار فاضي وبديت أبرد قلتلهم احتاج كوت من شنطتي بردت وعجلو على نفسهم وخلصو بسرعه واخذوني للتفتيش
قاللي ارتاحي بالكرسي ورحت انتظر بالكرسي قدام الكونتر عبال مايخلصون اجراءات.
طولو نص ساعه او اكثر والمكان صار فاضي وبديت أبرد قلتلهم احتاج كوت من شنطتي بردت وعجلو على نفسهم وخلصو بسرعه واخذوني للتفتيش
عطونا الشنط ورحنا مكان خاص بتفتيش الشنط فيه طاولات حديد مخصصة للشنط الثقيله واشوف العسكرية بطولي ونحيفه قلتلها انتبهي شنطتي ثقيله . قالت ثقيله؟؟؟، وشالتها قدامي وحطتها عالطاولة واحس.........صدمة على هذه القوة
فتحو الشنطة وكأنهم فاتحين شنطة توم اند جيري فيها كل شي ويفتشو الملابس لبس لبس ويفتشو الشنطة نفسها ولحظة إدراك ذاك الوقت اني جبت بعض الاشياء الي مالها داعي
اي شي ثمين زي الاجهزة والساعات تكتبها بورقة وتحتفظ فيها بملفي للجوء ولما سألتها ليش؟ قالت أمان لي مستقبلا لو صار شي، وطلبت اخذ من ملابسي الشتوية البسها واخذت كوت و شوز يدفي بعد مافتشتهم
خلصنا تفتيش واخذونا عسكريين رجال ويالطافته شافني ادف شنطتي بالقوة ومرهقه اخذها مني يدفها وطول ما احنا ماشيين حبوبين يمزحو معنا ويضحكونا يخففو التوتر عننا
طلعنا المطار من باب خلفي وركبنا van يودينا لمبنى عشان الحجز و وصلنا الحجز وموظفة كانت رائعه بالتعامل وقمة بالاحترام كانت تبرر لنا طول الوقت ان التفتيش مجرد اجراء روتيني وتقول بيكون بطريقة لائقة وطول الوقت تمزح معنا حتى وهي تفتشنا
ودونا على غرفة تحقيق عشان المقابلة الاولى قاللي بسألكم وقولولنا اسبابكم رؤوس اقلام واختكم بدأت تفضفض وتتشكى وكل شوي يقوللي بس باختصار وانا خلاص اجاوب سؤالين باختصار وارجع افضفض ثاني 😭🥺 لين خلصنا
اخذو جوالاتنا والفلوس الكاش والسماعات وحطوها باكياس شفافة وقالو بتاخذوها بعد الحجز ودخلنا الحجز غرفة راقية ومرتبه فيها منيو طعام وموجود عصيرات وموية وسناكات ومجلات وتلفزيون ومخدات و بطانية و دورة مياة
الغرفة كلها كاميرات يشوفونا لو احتجنا شي نأشر لهم والغرفة مطلّة على غرفة حجز جنبنا لاجئ ثاني محجوز مثلنا 😂
خلصنا اكل ونمنا طبعا النوم غير مريح لانهم داخلين طالعين مداهمات يسألونا وياخذو معلومات كل ما احتاجو ماصدقت نمت ثلاث ساعات متواصله ومداهمه ثانيه واخيره
وقس وت؟ وقت التصوييير بوجهي المفقع نوم وتعب انا امشي واتسحب واسحب رجولي معاي وبالقوة افتح عيوني مادري كيف تصورت المهم معروفة الصورة كيف طلعت كأني مطلوبة أمنياً 😵💫 احاول اكون متماسكه قدر الامكان
صار وقتها ثلاثه الفجر ماطولنا كثير بالحجز لان كان عندنا مبلغ يعيشنا فترة وعندنا حجز هوتيل بأدنبرة ف تأكدو من مبلغنا وسجلوه وتأكدو من حجزنا للفندق وتواصلو مع الفندق عشان مايكنسل حجزنا
وقالو قبل ماتخلص فلوسكم كلمو الميقرنت هيلب عشان يعطوكم دعم السكن
واخيرا خلصنا
وقالو قبل ماتخلص فلوسكم كلمو الميقرنت هيلب عشان يعطوكم دعم السكن
واخيرا خلصنا
طلعنا نحوس بالمطار وبالظلام وانا نعسانه ومرهقه ندور لنا تاكسي بالمكان الي دلونا عليه ودرجه الحراره ٤ ويدي مجمده ماحس فيها والا داني دخل المطار يسأل عن التكاسي لاننا مضيعين وانا لوحدي برا
راح و تأخر عشرة دقايق وماعندنا ارقام بريطانيه عشان نتواصل بدأت تراودني افكار انه بيغمى علي و انه صار فيه شي من البرد والتعب قلت خلاص بنتظر عشرة دقايق زيادة وان ماجا بأبلغ انه مفقود (دراما كويييين) 😭
واخيرااا جا ورحنا مكان التكاسي و وصلنا الفندق ونمت وصحيت بالصباح واحلى قومة قمتها في حياتي كلهااااا شعور الحرية واني تخلصت من الظلم وبدأت حياتي الجديدة .. انا بوادي والصحويين الي يتابعوني بوادي ثاني وذا تفكيرهم باللجوء😂
• • •
Missing some Tweet in this thread? You can try to
force a refresh
