Thread by @Bint_Farooq2

پانی سے گھرے ٹیلوں پر بیٹھی حاملہ عورتیں !

خبر ہے سات لاکھ عورتیں تقریباً ، ممکن ہے آٹھ لاکھ ہوں یا نو، اور ان کے پیٹ میں موجود سات لاکھ بچے! تقریباً ستر ہزار کی زچگی جلد متوقع! سیلاب، بے گھری، کھلا آسمان ، ننگی زمین اور پھولے ہوئے پیٹ والی سات لاکھ عورتیں! نہ جانے کیا کھاتی 👇

ہوں گی؟ ایک ٹکڑا روٹی کا اور دو گھونٹ پانی ؟ شاید پیاس نہ بجھنے کی صورت میں ارد گرد ٹھاٹھیں مارتا پانی۔ پیاس کہاں دیکھنے دیتی ہے پانی کہ گندا ہے یا صاف ممکن ہے روٹی کا ٹکڑا بھی میسر نہ ہو، پیاس سے زبان کانٹا بن چکی ہو معدہ دہائی دیتا ہو ، آنتیں بل کھاتی ہوں اور دور دور تک کچھ👇

نظر نہ آتا ہو۔ لیکن پیٹ میں جو بیٹھا ہے، اسے کیا خبر کہ باہر سب کچھ بہہ چکا اور ماں اونچے ٹیلے پہ بیٹھی ہے۔ وہ تو بھوکا، شدید بھوکا، اور پیاسا بھی۔ ماں کو لاتیں مارتا ہے، دونوں ہاتھوں سے نوچتا ہے، چیختا ہے، ماں بھوکا ہوں میں، ماں کچھ دو مجھے کھانے کے لئے۔ قحط زدہ ماں ادھر ادھر👇

دیکھتی ہے، کچھ نظر نہیں آتا، آہ بھرکر پیٹ تھتھپاتے ہوئے کہتی ہے، میرے بچے، صبر کچھ دیر اور صبر۔
یہ اکیسویں صدی کی کربلا ہے۔
ایک اور سوچ سرسراتی ہے، خبر کے مطابق سات لاکھ میں سے ستر ہزار کی زچگی سر پہ کھڑی ہے تو کچھ تو ایسی بھی ہوں گی جو درد زہ میں مبتلا ہوں۔ سوال دستک دیتا 👇

ہے، زچگی میں ان کی مدد کون کرے گا؟ کون بچے کی نال کاٹے گا اور کس چیز سے کاٹے گا؟
بہت برسوں پہلے دیکھی گئی فلم یاد آگئی جب زچہ اپنے نومولود کی نال دانتوں سے چباکر کاٹتی ہے۔ کیا وہ بھی ایسی ہی بے سہارا تھی،یہ یاد نہیں۔ اوہ خدایا ان ستر ہزار میں سے کتنی عورتیں ایسا کرنے پہ مجبور👇

ہوں گی؟ فرض کریں اگر کسی نے قینچی ڈھونڈ بھی لی تو کیا وہ جراثیم سے پاک ہو گی؟ کیا زچہ و بچہ ٹیٹنس کے ہتھے چڑھنے سے بچ جائیں گے؟ اگلے سوال ہمیں مزید ڈراتے ہیں ۔ اگر زچگی کے بعد خون بند نہ ہوا تو؟ آنول جسم سے باہر نہ آئی تو؟ جان لیجیے کہ اگر آنول جسم سے جڑی رہے اور خون پر نالے 👇

کی طرح بہتا رہے تو عورت کی زندگی کے آخری لمحات ہوتے ہیں وہ۔ چار پانچ لٹر خون ہی تو ہوتا ہے جسم میں وہ بھی جس کی خوراک اچھی ہو۔ بھوک سے مارے نقاہت زدہ جسم میں اس سے کہیں کم۔ اور جو آٹھ دس بچے اپنے جسم سے بنا چکی ہو اس کے خون کی جگہ تو رگوں میں پانی ہی رہ جاتا ہے۔ فرض کر لیجیے کہ👇

چار لیٹر ہے زچہ کے پاس، اب اگر اس میں سے آدھا بہہ جائے تو موت ہاتھ پکڑ لیتی ہے۔ دو لٹر پیپسی کی بوتل دیکھ لیجیے انڈیل کر ، بس دو لیٹر، اور پھر شمع گل۔ابھی تو یہ نارمل زچگی کی کہانی ہے۔ اور اگر بچہ ٹیڑھا ہوا تو کیسے پیدا ہو گا؟ چلیے کسی نہ کسی طرح بچہ پیدا ہو گیا، اب کیا پیےگا۔👇

یہ بچہ؟ فاقوں کی ماری ماں کی چھاتی میں دودھ کیسے اترےگا؟ ننگی نہائے گی کیا اور نچوڑے گی کیا! بچے کی پیدائش کے بعد جو چیتھڑوں میں لپٹی بیٹھی ہے۔وہ ویجائناسے نکلنے والا خون کو کیسے سنبھالے گی؟کپڑا؟ کپڑے تو بہہ گئے سارے ۔۔۔ ہمیں یاد آ جاتا ہے ۔کچھ برسوں پہلے کی طوفانی بارش اور سیلاب

جب عمان کے دور دراز کے گاؤں شہروں سے کٹ گئے۔زچہ عورتوں کے لئے سوچ بچار کی گئی کہ کیا کیا جائے؟ پھر ہیلی کاپٹروں نے پہاڑوں، صحراؤں اور وادیوں سے زچہ عورتوں کو نکالا اور شہروں کے ہسپتالوں تک پہنچایا۔ کیا وطن عزیز کی ایوی ایشن یہ فیصلہ نہیں کر سکتی کہ ان عورتوں کو وہاں سے نکال کر👇

محفوظ مقامات تک پہنچایا جائے۔ ان لوگوں کا بھی پاکستان پہ اتنا ہی حق ہے جتنا اسلام آباد میں رہنے والوں کا۔ بلکہ شاید کچھ زیادہ ہی کہ ان کے ووٹ سے ہی لوگ اسلام آباد جا پہنچتے ہیں۔ بچائیے اکیسویں صدی میں رہنے والی ان مظلوم ستم رسیدہ عورتوں کو دوائیں، خوراک، کپڑےاور محفوظ زچگی! 👇

سوچئیے کون کیا کر سکتا ہے؟
( آپ یہ پوسٹ تو شئیر کرسکتے ہیں تاکہ حکومت کی آنکھ کھلے )
ڈاکٹر طاہرہ کاظمی
@threadreaderapp unroll
@threadreaderapp compile
#PakistanUnderFascism