Thread by @meraj_ekradi

@KargerSuheyla @adsizin_biri ساغ اولون سوهئیلا خانیم. بو بئله بیر قونودور کی اوزون سوزون قیساسی یئنه بیراز اوزون اولاجاق

سیرا توئییت

میللتچیلرین گوستردیگی چابالاریندان دولایی #تورکجه یازانلارین ساییسی آرتیب بئله کی تورکچو اولامایانلاردا تورکجه یازمایا و شوعار وئرمه یه چابا گوسترمکده دیر.
/1

@KargerSuheyla @adsizin_biri باشقا سوزله تورکجه یازیب بوزمانین تملینی میللتچی لر قورموش بوندان بضی مغالطه لر و یانلیش داورانیشلار اورتایا قویولور. اورنه یین بیر اسلامچی تورکجه یازاندا سولچو بو آخیمی تورکچو- امت چی آدلاندیریر یا سول دوشونجه دن آسیلی اولان تورکجه شوعارلارا دایاناراق
/2

@KargerSuheyla @adsizin_biri مدرن میللتچیلیکدن سوز آپاریلیر. ایکسیده منجه بیلیشسل(شناختی) یانلیشلیق دیر. دقیق آنلامدا آرتیق تورکجه یازماق میللتچی اولما سیمبولو دئییل و بو سئویندیریجی اولایدیر. دیرناق آراسی(ایندکی اولایلاردا ائله بیل آذربایجان سولچولاری میللتچیلردن تئز اعتراضلارا قاریشدیلار و او
/3

@KargerSuheyla @adsizin_biri آذربایجان اویاق دیر کوردیستانا دایاق دیر شوعارینی سویلتدیلر. مهسا امینی کورد اولماغینا گوره اولدورولمه دی بس بو شوعار هاردان گلدی. کوردیستانا زلزله می گلدی بومبا می سالدیلار نه اولدو کی ؟ بیر میللتچی کورد تئرور اورگوتلرینه قارشی اولاراق یئری گلدیینده کورد خلقینه دایاق
/4

@KargerSuheyla @adsizin_biri اولابیلر اما کوردیستان دئدییمیزده باشقا قاوارم داشاییر چونکو اونلاردان(بوتون سیاسی اکتویستلری داخیل) آذربایجان تورپاقلاریندا کوردیستان قورماق ایسته یه نی وار.) بادامچی و بیریلری او شوعارا دایاناراق یانلیشلیقلا سولچولارین او تورکجه شوعارینی میللتچیلیین عطف نقطه سی کیمی
/5

@KargerSuheyla @adsizin_biri گوسترمه یه چالیشدیلار. حتی بیریلری بونا قالماییب بو آخیمین مدنی قولونو نئو سولچولار اولاراق آدلاندیردی. بونلارین بو آخیمی تصاحب ائتمه شهوتی البته یئرسیزدیر. اونلارین بیله رک یا بیلمه یه رک یانلیشلیق نوقطاسی هر تورکجه یازیب شوعار وئرنی میللتچی گورمک دیر.
/6

@KargerSuheyla @adsizin_biri آما گئچه لیم مدرن میللتچیلیک قونوسونا. میللتچیلیی مدرن/کلاسیک دونمه لرینه بولمک یانلیش دیر و یئنه بیر اویون کیمی دیر. ایران سیاسی جغرافیاسیندا باشا گلن میللتچیلیک/ تورکچولوک ایلک باشدان مدرن ایدی. میللتچی لر چاغداش اولمایا قارشی می دیلار؟ فارس کورد لری تورکلشدیرمه یه
/7

@KargerSuheyla @adsizin_biri یا سورگون ائتمه لرینی ایسته میش میدیلر؟ اونلار بیر باشلانغیج اولاراق تورکلرین ازیلمیش اولان میللی شوعوروندان سوز آچدیلار. باشقا سوزله مدرنلشمه سوره جینین دیب آنلامیندان یانا یانی میللتینین یانیندا اولمایی سئچنلردیلر. هر بیر سوزجوک زامانلا اویغونلاشان دئیشیک آنلام داشیر.
/8

@KargerSuheyla @adsizin_biri یا هر بیر آخیمین ایچریکلری زامان آخدیقجا تکمیل/تعدیل اولونار و بو دوغال بیر اولایدیر. او دئییشیکلیکلر اینقلابی دئییشکلیک اولمازسا اونا یئنی بیر آد سئچمک (اک اکلمک بیله) زورونلوغو یوخ دور . میللتین ایستکلری زامان آخدیقچا دئییشیلیر و میللتچیلیک ده اوزونو اویغونلاشدیریر.
/9

@KargerSuheyla @adsizin_biri هر بیر دئییشیکلییه یئنی بیر اک اکلمک دوشونجه سینده اولورساق اوندا میللتچی لییه اوپ اوزون قویروق قوشمالییق. اورنه یین هیوم، میل، مایکل اوکشات، هایک، پوپر ، برلین کیمی لر هامیسی لیبرالیسم دن دانیشدیلار فرقلی فرقلی سوزجوک یا اک یاراتمادیلار. نییه آز چوخ ساغچیسی دئمک اولور اما
/10

@KargerSuheyla @adsizin_biri هامیسی لیبرالیسم آلتیندادیر.
قادینلار میللتیمیزین یاریسی دیر(یاریسی اولماسین یوزده بیری اولسون فرق ائتمز) اونلارین بدیهی حقیلرینی/ایستکلرینی ساوونماق میللتچیلیین ایچریگی اولابیلر و اولمالیدیر فقط بو یئنی بیر میللتچیلیکله قارشیلاشماق آنلامدا دئییل.
/11

@KargerSuheyla @adsizin_biri میللتچیلیک میللی شوعوردان آسیلی اولان بیر اورتام قوروجوسودو و اونون ایچینده لیبرالچی، فئمنیست، سولچو و... میللتیننده یارانان هر دوشونجه اوزگورجه چالیشمالی یئتر کی اوز تورک میللتینین بیر #میللت اولاراق ضررینه اولماسین.
قالانی قالسین یورولدوم.