Thread by @ida_shaa

یہودی ایجنٹ۔۔۔۔

کلاسوٹز کی تھیوری ، سنٹر اف گریویٹی کی روشنی میں جب بھی پاکستان کا تجزیہ کیا جاتا ہے تو ہمیشہ آرمی کو ہی سنٹر اف گریویٹی مانا جاتا ہے۔
ہم نے بھی ایسا ہی سیکھا، سمجھا اور سمجھایا۔ مگر جب تاریخ پاکستان کا جائزہ اپنی اداراجاتی عصبیت سے ہٹ کر لیا
#ArshadSharif

تو کچھ سوالات ایسے بھی اٹھے جو کہ اس طرز فکر کی مخالفت میں ہیں۔ جیسے
1. پاکستان کے وجود میں آنے میں فوج کا کردار کیا بنیادی تھا؟
2. پاکستان نے جو علاقے بزور قوت حاصل کیے ان میں فوج کا حصہ کتنا ہے ؟

3.جب مشرقی پاکستان میں عوام کی اکثریت نے ایک مختلف نظریہ اپنایا تو آیا فوج اس کو روک پائی؟
4.متعدد مرتبہ اقتدار میں آنے کے باوجود کیا فوج اس ملک کو قانون دے سکی یا سویلین حکومت کے بنائے گئے قانون کو تبدیل کر سکی؟
5.کیا کسی بھی مارشل لاء کا اختتام فوج کی عزت میں اضافے کے ساتھ ہوا؟

6. پاکستان کی تاریخ کے زیادہ تر سیاہ بابوں کے بارے میں کچھ لوگ ہمیشہ فوج کو مورد الزام نہیں ٹھہراتے؟
7. کیا ہمارے سیاستدانوں کی اکثریت مارشل لاء کی پیداوار ہونے کے ساتھ ساتھ کرپشن و اقربا پروری کی پروردہ نہیں؟

ان تمام سوالات کے جوابات ہر اس شخص کے لئے انتہائی آسان ہیں جو تاریخ کی تھوڑی سی بھی شدبد رکھتا ہو۔ اگر چہ ان میں سے شاید ہی کوئی سوال زیر غور تھیوری سے براہِ راست تعلق رکھتا ہو مگر یہ سب مل کر ایک اور سوال کو جنم دیتے ہیں۔ کہ

اس سب کے باوجود بھی آخر ایسا کیا ہے جس کی وجہ سے ہم فوج کو ملک کا سنٹر اف گریویٹی مانتے ہیں ؟
تو میرے خیال میں اس کی بنیادی وجہ صرف ایک ہی ہے۔ اصل میں ہمارے حقیقی سنٹر اف گریویٹی کو تقویت دینے کے بجائے اس کو اتنا کمزور کر دیا

گیا کہ ہم سیکنڈری کو پرائمری ماننے پر مجبور ہو گئے۔ ہماری وہ طاقت جس کی بنا پر ہمارے اجداد نے بے شمار انفرادی واجتماعی قربانیاں دیکر بغیر کسی فوجی طاقت کے یہ ملک حاصل کیا اور پھر کشمیر کے ایک بڑے حصے پر قبضہ بھی کر لیا۔ اس کو ہمارے علماء کی کمزوریوں اور سیکولر طاقتوں کے عروج نے

بہت پیچھے دھکیل دیا اور نتیجتاً ملک کی اجتماعی سوچ اپنے نظریے سے ہٹ کر سیکولر ہوتی گئی اور ہماری طاقت کمزوری میں بدل گئی ۔ ایسی صورتحال میں خام نظریات ہی ہمارا اثاثہ اور طاقت ہی ہمارا قبلہ بن گئی۔
پاکستان کی مذہبی ، سیاسی ، معاشی،

اخلاقی ،سماجی، انتظامی اور عدالتی تنزل کی بڑی وجہ یہی خام فکر ہے جو حقیقت میں ہندو سماج، میٹیریل ازم اور سیکولر ازم کے نظریاتی ملغوبہ پر اسلام کا تڑکا لگا کر پروان چڑھائی گئی ہے۔
ہمیں اس بات کا احساس ہو یا نہ ہو مگر سیکولر

طبقہ اور بیرونی دانشور اس بات کو بخوبی جانتے ہیں کہ کونسے اقدامات اس ملک کے عوام کی سوچ کے ملغوبے کی صفائی کی صلاحیت رکھتے ہیں یہی وجہ ہے کہ آپ کا آئین ہو یا تعلیم و تربیت ، آپ کا معاشی نظام ہو یا قانونی، آپ کی اقدار ہوں یا خیالات ہر میدان میں آپکی نہ صرف

خاص انداز میں راہنمائی کی جاتی ہے بلکہ پیسے، ہمارے اندر انکے پٹھئوں اور بین الاقوامی دباؤ کا بھی بے دریغ استعمال کیا جاتا ہے۔
شکر ہے تڑکے کے طور ہی سہی اسلام کا اثر اب بھی موجود ہے اگرچیکہ ہمارے علماء کی اکثریت اب بھی اپنے فرقوں اور مسلکوں کی قیدی ہے پھر بھی امید کی کرن قائم ہے۔

اللہ تعالیٰ کا بھی اپنا نظام ہے جب مذہبی علماء بھی اسلام کے بجائے اپنے اپنے مسلک کی ترویج میں مصروف ہیں تو اسلام کا بنیادی یعنی توحید کاسبق نہ صرف زبانی بلکہ عملی طور پر ایک ایسا شخص قوم میں عام کر دیتا ہے جو انکے بقول ایک یہودی ایجنٹ ہے۔ بلا شک اللہ تعالیٰ جسے
#شاہ_عدن

چاہے اپنے پیغام کے لیے چن لے۔ وہ ابابیل سے ہاتھی مروانے پر قادر ہے۔

As received
@threadreaderapp unroll