Thread by @m_osint

1/13 "ثريد١ تطور المراقبة في مصر..تكلفة عودة المشجعين للملاعب"
في ٢٠٢١ عمرو اديب زار غرفة التحكم بمدينتي. ظهر في الفيديو الشاشات ده. خلونا نتعرف علي السيستم ونفتح باندورا بوكس عن حجم استخدام الAI والfacial recognition في مصر بدون وجود قوانين تحمي المواطن.
السيستم هو G2K Parsifal

2/13 شركةG2K عندها سيستم Parsifal بيستخدم AIلتحليل الداتا اللي بتجيله بهدف التنبؤ بوقوع خطر قبل ما يحصل. مدخلات الداتا عباره عن حاجات كتير الشركة بتسميها Touch points. مش واضح بالضبط قائمة بمكوناتها. هل التعرف علي الوجوه FR من ضمن المدخلات؟ اه بيتعرف...

3/13 في ٢٠٢٠ G2Kعملت شراكة مع SAFR الامريكية المتخصصة في FR واللي ليها عقود مع القوات الجوية الامريكية.
السيستم حصله Integration مع Parsifal وبالتالي تقدر G2K استخدام الFR كواحد من المدخلات لتحليل الداتا.
لكن ازاي وامتي G2K دخلت السوق المصري؟ الاجابة دور الـ8 بكأس مصر ٢٠١٨

4/13 الجماهير رجعت للمدرجات تاني في ٢٠١٨ بفضل نظام Fan ID. لكن اللي مش معلن ان الرقم القومي كان بيستخدم كTouch Points عشانG2K تتنبؤ بتصرفات المشجعين عن طريق معرفة خلفياتهم الاجرامية وده قاله عمر الجوهري CTO الشركة في تصريح صحفي في ٢٠١٨ لكن مذكرش الدولة ولا النادي ......

5/13 هل الدولة والنادي دول في مصر؟ في احد عروض G2Kفي ٢٠١٩ ظهر النادي الاهلي كعميل وحسب نطاق عمل الشركة وقتها هنلاقي ان مصر بس هي اللي بتتطابق تفاصيل التقرير.
الكشف علي البطايق مش هيتم الا بتعاون مع وزارة الداخلية بالتأكيد.
#النادي_الاهلي

6/13طبيعه التعاون مع النادي مجهولة. هل بيستخدم السيستم داخل النادي؟ هل الشركة معاها صورالمشجعين ؟
التعرف علي الوجوه تم اضافته للسيستم في ٢٠٢٠. لكن مش معروف هل الشركة تقدر تفعل الخاصية ده علي البيانات المخزنة من قبل كده؟ وهل الشركة شاركت قواعد البيانات مع وزارة الداخلية المصرية؟

7/13برضه عمر الجوهري CTO الشركة شخصية مثيرة جدا للاهتمام. معاه جواز سفر دبلوماسي بسبب انه قنصل شرفي لعمان في المكسيك.ليه علاقات قوية بالحكومات بخلاف منصبه السابق في شركة SAFE ID اللي كانت مسؤولة عن استخراج جوازات السفر والعراق كانت احد عملائها.
ومن هنا نسأل عن حجم G2K في مصر..

8/13 موظفين G2K علي لينكدان حاطين المشاريع اللي اشتغلوا عليها ومنها نقدر نعرف اماكن تواجدهم. هنلاقيهم في الرحاب ومدينتي وتذكرتي المسؤولة عن تيكت الماتشات والمتحف المصري الكبير  وصفحة الشركة نشرت تعاون مع زيد بارك.
بالاضافة لتعاونهم مع النادي الاهلي.
#الاهلي #مدينتي

9/13الشركة ليها شراكة مع هواوي من خلال OpenLab في مصر وفي اعلان الشراكة في صورة واضحة للسيستم وهو بيستخدم خاصية التعرف علي الوجوه وبيحدد موقع الشخص داخل المبني ايضا.
زائد ان احد الموظفين نزل علي Behance تصاميم الUI لسيستم التعرف علي الوجوه. ظاهر فيه الاسم وتصنيفه "🟢او🔴 list"..

10/13التصميم ظاهر فيه الكاميرات بتتعرف علي الاشخاص في بثها المباشر ووقت ظهورهم وتحركاتهم. ممكن يكون ده مجرد تصميم لكن الاكيد ان الشركة عندها سيستم Facial recognition
في #ICT2018 حضرتG2K في booth فالكون جروب التابعة للدولة.
في عميل مش معلن عنه وهوالجيش المصري وده هناجله ل🧵الجاي

11/13قانون ١٥١ لحماية البيانات الشخصية بينص علي ان من حق الشخص المعني العلم بالبيانات الشخصية الخاصة به الموجودة لدى اي حائز.
هل سكان مدينتي والرحاب وزوار المتحف المصري الكبير ومشجعين الكورة وزوار النادي الاهلي عارفين ان بيتم التعرف علي وجوههم وقدرة G2Kعلي الكشف علي بطايقهم؟

12/13الثريد لا يهاجم الAI وتقنيات Facial recog واللي بتعمله G2Kهو بيزنس فالاخر. لكن هل المواطن عارف اللي بيحصل ده؟ هل في قانون بيحميه من التلاعب ببياناته؟ ايه حجم البيانات اللي بيتم مشاركتها مع الدولة والعكس؟
مصر دولة قمعية بامتياز فالتكنولوجيا ده اكيد هتستخدم بصورة قمعية ايضا.

13/13 كل صورة فيها ALTاضغط عليها هتلاقي المصادر.
المعلومات كلها من مصادر مفتوحة. مفيش معلومة من مصادر خاصة ولا سرية.يعني اي حد يقدر يراجع المعلومات ده ويستوثق.
ده ملف تحقيق مفتوح ولسه دهاليزه كتير.عندك معلومة او اضافة؟ ممكن تتواصل معايا بصورة آمنة بالطرق الموجوده في البايو.