Thread by @ida_shaa

پاکستان کون چلائے گا۔۔۔۔۔

پچھتر سال سے قائم وطن عزیز میں پنتالیس سال فوجی قیادت اور تیس سال سیاستدانوں نے حکومت کی لیکن آج انفارمیشن کے دور میں کم و بیش ہر پڑھا لکھا شخص جانتا ہے کہ ان تیس سالوں میں بھی بالواسطہ طور پر حکومت فوج کی ہی تھی۔ مملکت کی پالیسی
@aamirk690
#شاہ_عدن

فوج چلا رہی تھی۔ آج جب میں یہ الفاظ لکھ رہی ہوں اس وقت بھی پس پردہ بوٹ کی حکمرانی ہے۔ یہاں سوال یہ پیدا ہوتا ہے کہ فوج کو حکومت بنانے پالیسی بنانے کا اختیار کس نے دیا۔۔؟
ایسا اختیار قانونی یا اخلاقی دو وجوہات پر ہوتا ہے۔ تو کیا پاکستان کے دستور میں ایسا کوئ قانون ہے جس میں فوج

کو اختیار دیا جائے کہ وہ ملک کی باگ دوڑ سنبھالے۔۔؟ غالبا ایسا کوئ قانون نہیں ہے۔ فوج انیس سو سینتالیس سے آج تک جب بھی اقتدار میں آئ دستور کو توڑ کر حکومت پر قبضہ کیا۔ دستور توڑنے کی سزا موت ہے کسی کو ملی یا نہیں یہ الگ قصہ ہے۔ لیکن ایک چیز کی وضاحت ہو گئی کہ فوج کو قانونی اختیار

حاصل نہیں ہے۔ دوسرا پہلو اخلاقی ہے۔ کسی قوم پر اخلاقی جواز کے ساتھ حکومت قائم کرنے کے دو راستے ہیں۔
1_ اس قوم کو موجودہ فوج یا اسکے گزشتہ جرنیلوں نے کسی غاصب قوت سے آزادی دلائ ہو۔
2_ کسی قوم کی آزادی کی تحریک میں سول جدوجہد کے ساتھ مسلح جدوجہد نے غاصب کو آزادی دینے پر مجبور کیا

ہو۔
ان صورتوں میں فوج کو اخلاقی جواز ملتا ہے کہ ہم بطور قوت قوم کو آزادی دلوانے میں شامل تھے لہذا مملکت کی پالیسی طے کرنے اسکو چلانے میں ہم بطور سٹیک ہولڈرز شامل رہیں گے۔
جب ہم مملکت پاکستان کی آزادی میں فوج کے کردار کو دیکھتے ہیں تو تاریخ بتاتی ہے کہ انیس سو سے لے کر

انیس سو سینتالیس تک برصغیر کی برٹش ملٹری میں نوے فیصد سے زیادہ مسلمان ہندو سکھوں دیگر غیر مسلموں پر مشتمل ہونے کے باوجود کوئ ایک فوجی بغاوت مسلح جدوجہد نظر نہیں آتی جبکہ دو بڑی اقوام مسلمان و ہندوؤں کے سیاسی راہنما قائد اعظم علامہ اقبال گاندھی نہرو سمیت بے شمار سیاستدان برطانوی

راج سے آزادی چاہتے تھے۔ فوج میں پہلی اور دوسری جنگ عظیم میں برطانیہ کے کمزور ہونے کے باوجود بھی اس ڈگر پر سوچنے کے آثار نہیں ملتے بلکہ جلیانوالہ باغ جیسے غلامی کے شاہکار سانحے ملتے ہیں۔ حد یہ ہے کہ انیس سو سینتالیس میں تقسیم کے اعلان کے بعد برطانوی فوج ملکہ برطانیہ کے احکامات

پر کام کر رہی تھی اور مہاجرین کی منتقلی کے دوران حفاظت کے فرائض سرانجام دے رہی تھی۔ پاکستان بننے کے بعد کے ابتدائی سالوں پر نظر دوڑائیں تو ہمیں پاکستانی فوج غلبے برتری اور قبضے کے اسی احساس سے لبریز ملتی ہے جیسی تاج برطانیہ کے دور میں رہی۔ رائل ملٹری جو عوام الناس کو

بلڈی سویلینز سمجھتی تھی آج بھی سمجھتی ہے۔ اسی خناس کو دیکھتے ہوئے قائد اعظم رحمۃ اللہ نے فرمایا تھا کہ فوج حفاظت کے فرائض سرانجام دے گی پاکستان کی پالیسی حکومت و دستور سازی کا کام سیاستدان سرانجام دیں گے۔
یعنی ہم کہہ سکتے ہیں کہ فوج کے پاس مملکت کی پالیسی اور امور مملکت چلانے

اس میں مداخلت کرنے کا کوئ اخلاقی یا قانونی جواز نہیں ہے۔
بلکہ قبضے حاکمیت برتری کی خواہش رکھنے والے دماغوں نے اول روز سے سازشوں کے ذریعے ایوب جیسے ڈکٹیٹر کو ملک پر مسلط کرنے کی راہیں ہموار کی یوں آج تک ہم انڈائریکٹلی ملکہ برطانیہ کے غلاموں کے شکنجے میں جکڑے ہوئے ہیں۔

سینتالیس سے اج تک فوجی ٹریننگ ضابطوں اور طریقہ کار میں اتنی جدت یا اسلام شامل نہیں ہوا کہ فوجی افسران بلڈی سویلینز یا سیاستدانوں کو ڈفرز سمجھنے والے مائنڈ سیٹ کو تبدیل کر سکیں جبکہ ان بزعم خود جینئس افراد کے پورے سسٹم پر غلبے کے باوجود ہم آدھا ملک کھو چکے ہیں بقیہ ملک

غربت جہالت بدترین معاشی حالات کے باعث ٹوٹنے کو ہے۔ اس غلبے کی خواہش نجات دہندہ بنے رہنے کے تسلسل نے عدلیہ کو کرپٹ کیا ہے بیوروکریسی بزدل غلام اور سیاست میں لٹیروں ڈاکوؤں کی پوری فصل تیار ہوئ ہے۔ اپنے اپنے مفادات کے حصول کی جنگ میں عوام پس کر رہ گئ ہے۔ ہمارے ملک کو آج سب سے پہلے

فوج کے ضابطہ کار میں اصلاحات، پروموشن و اکاونٹبلٹی کے قوانین میں سختی و نفاذ کے طریقہ کار کو مؤثر بنانے کی ضرورت ہے۔
یاد رکھیں جب عدلیہ کے فیصلوں کو مروڑنے میں سیاسی بلیک میلنگ کے ساتھ عسکری آشیرباد کا تڑکا لگتا ہے تو نو اپریل جیسے واقعات ہوتے ہیں۔ ملک کو گھٹنوں پر آنے میں

صرف آٹھ ماہ لگتے ہیں۔ ضرورت اس امر کی ہے کہ عدالتیں بلیک میل نا ہوں کوئ عسکری اپنی حدود سے تجاوز کر کے انہیں آشیرباد نا دے سکے۔ تمام ادارے بالخصوص عدالتوں کو آزادی سے فیصلے کرنے کی اجازت ہو۔
کیونکہ معاشرے انصاف کی بنیاد پر قائم رہتے ہیں ورنہ ختم ہو جاتے ہیں۔

@threadreaderapp unroll