Thread by @ida_shaa

عجائبات الارض۔۔۔
تھریڈ ون۔۔۔

ہم کونسی زمین پر رہتے ہیں۔۔۔؟ سوال اسلیے پیدا ہوتا ہے کہ اللہ تعالیٰ قران مجید میں فرماتے ہیں اللہ الذي خلق سبع سمٰوات ومن الأرض مثلَہُن (الطلاق: ۱۲) (اللہ ایسا ہے جس نے سات آسمان پیدا کئے اور ان ہی کی طرح زمین بھی سات پیدا کی)۔

#شاہ_عدن

اس آیت اور تھریڈ کو لکھنے کا سبب ایک عجیب سی وڈیو بنی۔ آپ میں سے ہزاروں نے سمندر پر بنی فلمز ڈاکیومنٹریز دیکھی ہوں گی کیونکہ نیشنل جیوگرافک پاکستان میں تقریبا ہر گھر میں دیکھا جاتا ہے The Blue Planet ،Life in The Freezer, Pacific Abyss, بنانے والے

ڈائریکٹر Mike degury نے ایک انٹرویو دیا جس کے آن ائیر ہونے کے چند دن بعد چار فروری دوہزار بارہ کو انکا ہیلی کاپٹر ایک دھماکے سے اڑا دیا گیا مائیک ایک آسٹریلوی فلم ڈائریکٹر کے ساتھ مارا گیا۔ انٹریو میں مائیک نے بتایا کہ وہ Blue Planet مووی کی شوٹنگ کے لیے گلف آف

میکسیکو میں موجود تھے جب انہیں سمندر کی تہہ میں ایک سیاہ دھبہ نظر آیا قریب جانے پر معلوم ہوا کہ سمندر کی تہہ میں ایک ندی بہہ رہی ہے۔ مائیک کے بقول ہم پہلے ہی پانی میں تھے پانی کے نیچے پانی حیران کن تھا۔ ہم نے آبدوز کو نیچے اتارنے کی کوشش کی لیکن آبدوز اچھلتے ہوئے واپس پیچھے چلی

گئی ۔ وڈیو دیکھنے کے بعد اندازہ ہوتا ہے کہ ندی کے ساتھ خشکی بھی موجود ہے یعنی سمندر کے نیچے کوئ اور زمین اور اس زمین میں ندیاں موجود ہیں۔
تو سوال پیدا ہوتا ہے قرآن کریم کی آیت کے مطابق ہم سات زمینوں میں سے کونسے نمبر کی زمین پر رہتے ہیں۔

دو سمندروں کا اپس میں ملنا، اس کا قرآن کریم میں ذکر ہونا ہم پڑھ چکے اللہ تعالیٰ کی قوت ان دونوں پانیوں کو ایک نہیں ہونے دیتی۔ قران کریم میں ارشاد فرمایا ہے۔
وَ هُوَ الَّذِیْ مَرَجَ الْبَحْرَیْنِ هٰذَا عَذْبٌ فُرَاتٌ وَّ هٰذَا مِلْحٌ اُجَاجٌ١ۚ وَ جَعَلَ بَیْنَهُمَا بَرْزَخًا وَّ

حِجْرًا مَّحْجُوْرًا۔

اور وہ اللہ تعالیٰ وہی ذات ہے جس نے ملا دیا ہے دو دریائوں کو ، ایک میٹھا ہے اور خوشگوار یعنی پیاس بجھانے والا ، اور دوسرا کھاری اور کروڑا ہے اور بنا دی ہے ان دونوں کے درمیان ایک آڑ روک بنائی ہوئی

بعض علماء اس کو کچھ یوں تفسیر فرماتے ہیں
یہاں پر دو مختلف دریا سمندر یا ندی نالے مراد نہیں جن کے پانی کا ذائقہ مختلف ہو ، بلکہ اس حقیقت کا اظہار مقصود ہے کہ اللہ تعالیٰ
نے بعض مقامات پر ایسے پانیوں کو اکٹھا رواں دواں کیا ہے کہ جن کے ذائقے مختلف ہیں اور عجب بات یہ ہے

کہ یہ دونوں قسم کے پانی اکٹھا بہنے کے باوجود آپس میں خلط ملط نہیں ہوتے بلکہ اپنی اپنی نوعیت کے اعتبار سے الگ الگ رہتے ہیں۔ ایسا ہی ایک واقعہ پڑھا تھا کہ حضرت مولانا شاہ اشرف علی تھانوی نے اپنے ایک بنگالی شاگرد کو لکھا کہ بنگال چونکہ دریائوں اور سمندروں کا علاقہ ہے۔ لہٰذا آپ وہاں

وہاں کسی دریا وغیرہ کے حالات لکھیں جہاں مختلف خواص کے پانی اکٹھے بہتے ہوں ۔ تو انہوں نے دو معتبرعلماء کی شہادتیں لے کر مولانا تھانوی کو آگاہ کیا جس کو آپ نے اپنی تفسیر بیان القرآن میں نوٹ کیا ہے لکھتے 1 ؎ ہیں کہ بنگال میں ارکان

سے لیکر چاٹگام تک دریا کی شان یہ ہے کہ اس کے پیٹ میں دو مختلف نوعیت کے پانی چلتے ہیں ۔ ایک پانی سفید ہے ، جب کہ دوسرا سیاہ ، سفید پانی میٹھا ہے۔ اور سیاہ پانی کڑوا ہے۔ سیاہ پانی میں سمندر ی کی طرح تلاطم ہوتا ہے۔ جب کہ سفید پانی ساکن چلتا ہے کشتی رانی بھی

سفید پانی میں ہی ہوسکتی ہے تو اس طرح کو ایک دریا میں دو مختلف الانواع پانی الگ الگ نظر آتے ہیں ۔ معلوم ہوتا ہے کہ یہ دو الگ الگ دریا ہیں حالانکہ وہ دوکناروں کے درمیان اکٹھے بہہ رہے ہیں ۔
(1 ؎۔ بیان القرآن ص 55 ج 8(فیاض)
شیخ الاسلام مولانا شبیر احمد عثمانی نے

حاشیہ قرآن 1 ؎ میں لکھا ہے کہ بنگال کے ضلع باریسال کے بعض طلباء نے میرے سامنے یہ حقیقت بیان کی کہ ان کے علاقہ میں دو ندیاں ایک ہی منبع سے نکلتی ہیں مگر ایک کا پانی کڑوا اور ناقابل استعمال ہے جب کہ دوسرے کا شریں اور لذیز ہے ۔ آپ سورت میں بھی مقیم رہے ہیں ۔ آپ وہاں کے حالات لکھتے

ہیں کہ صوبہ گجرات میں ضلع سورت کے مقام دھابیل سملک سے سمندر تقریباً بارہ میل کے فاصلے پر ہے ۔ جب سمندر میں مد آتا ہے تو اس کا پانی سمندر میں گرنے والی ندی میں چڑھ آتا ہے۔ بات یہ ہے کہ سمندر کا کڑوا پانی ندی کے میٹھے پانی کے اوپر تہہ کی صورت میں آجاتا ہے

اور دونوں پانی آپس میں خلط ملط بھی نہیں ہوتے۔ کڑوا پانی اوپر بہتا ہے اور میٹھا نیچے ، پھر جب جذر ہوتا ہے تو کھاری پانی سمندر میں واپس چلا جاتا ہے ۔ جب کہ ندی کا میٹھا پانی باقی رہ جاتا ہے ۔ وہاں کے لوگ بتاتے ہیں کہ سمندر کا پانی ندی میں کئی کئی میل تک چلا جاتا ہے

مگر دونوں پانیوں کا آپس میں اختلاط نہیں ہوتا۔
مختلف مظاہر قدرت کے متعلق قرآن کریم کی آیات کے لنک کو @_MuslimByChoice فرقان بھائ بہت عمدگی سے کھوج رہے ہیں۔ یہ اللہ کا ان پر خصوصی کرم ہے جس سے میں محروم ہوں اس لیے فرقان بھائ سے درخواست کرتی ہوں چالیس ہزار سال کے سفر میں سات

زمینوں کو بھی شامل کریں یا پھر اس پر تفصیلی تھریڈ لکھیں کہ آخر ہم کونسے نمبر کی زمین پر رہتے ہیں۔۔۔۔۔؟

یو ٹیوب پر دستیاب وڈیوز ایڈیٹ شدہ ہیں یا کر دی گئ ہیں۔ بہترین وڈیوز پرائیویٹ ٹک ٹاک اکاؤنٹس پر موجود ہیں۔

@UnrollHelper