Thread by @PradeepKrish_m

#Pele - பிரேசிலின் சொத்து

கார்கோவடோ மலையில் நின்றுகொண்டு, தன் இரண்டு கைகளையும் விரித்து அருள் புரிந்துகொண்டிருக்கும் அந்த ஏசுவின் சிலைக்கு (Christ the redeemer) கர்வம் கொஞ்சம் அதிகமாகவே இருந்தது. பிரேசில் எனும் தேசத்துக்கு தான்தான் அடையாளம் என்று தற்பெருமை கொண்டிருந்தது.

நிறுவப்பட்ட 1931-ல் இருந்து, கிட்டத்தட்ட 30 ஆண்டுகாலம் அதுதான் அந்த சாம்பா தேசத்தின் அடையாளமாக விளங்கியது. ஆனால் ஒரு சிறுவனிடம் தன் அடையாளத்தை இழந்தது அந்தச் சிலை - #Pele

பள்ளிக்குப் போய்வந்தாலும், ஏழ்மையைப் போக்க ஷூ பாலீஷ் போட்டுக்கொண்டு, பணக்காரர்கள் வீட்டுத் தரையைத் துடைத்துக்கொண்டு, டீக்கடையில் வேலை செய்துகொண்டிருந்த சிறுவனை ஒருநாளும் தன் போட்டியாளனாய் நினைத்திருக்கமாட்டார் ஏசு

1958 உலகக் கோப்பை: ஒரு ஹாட்ரிக், பைனலில் 2 கோல்கள் என Best Young Player விருது வென்று பிரேசில் WC வெல்லம் காரணமாகிறார் 17 வயது பெலே! உலகின் மிகப்பெரிய கிளப்கள் அவர் கையெழுத்துக்காக காத்திருக்கத் தொடங்கின! ஆனால் அவர் பிரேசிலைத் தாண்ட தயாராக இல்லை!

1961ல் “பெலே பிரேசிலின் அதிகாரபூர்வ சொத்து” என்று அறிவிக்கிறார் அன்றைய அதிபர் ஜேனியோ குவாட்ரோஸ். அன்று முதல் அது பெலேவின் தேசமாக மாறுகிறது! 30 ஆண்டுகள் பிரேசிலின் அடையாளமாக இருந்த சிலை, தன் பெருமையை ஒரு 21 வயது இளைஞனிடம் இழக்கிறது.

உண்மையில் அந்த அடையாளத்தைப் பெலே பறித்ததில் ஆச்சரியமில்லை. காரணம், பெலே என்ற வார்த்தை பைபிளிலேயே இருக்கிறது. ஹீப்ரு மொழியில் அதற்கு அர்த்தம் -  மிராக்கிள்! அதிக மிராக்கிள்களை உலகுக்குக் காட்டியவர் இவர்தானே!

பிரேசில் கவிஞர் கார்லோஸ் ட்ரம்மோண்ட் ஒருமுறை கூறினார், "பெலேவைப் போல் 1000 கோல்கள் அடிப்பது அற்புதம் அல்ல. அவரைப் போலவே ஒரேயொரு கோல் அடித்தாலும் அதுவே அற்புதம். அது அசாத்தியம்" என்று பெலேவின் திறமையைப் புகழ்ந்தார்.

1970-ம் ஆண்டு மெக்சிகோவில் உலகக்கோப்பை நடந்துகொண்டிருந்தபோது, வர்ணனையாளர்கள் மால்கம் ஆலிசன், பேட் க்ரெராண்ட் ஆகியோருக்கு இடையே நடைபெற்ற பிரசித்தி பெற்ற உரையாடல் இது, 
மால்கம் ஆலிசன்  : “How do you spell Pele?”
பேட் க்ரெராண்ட் : “Easy: G-O-D.”

இன்று மட்டுமல்ல எப்போதுமே பிரேசிலின் அடையாளம் பெலே தான். ஏனெனில் அவர்தான் அவர்களின் முதன்மையான கடவுள்!

#RIPPele #Pele