Thread by @rajrajsi

मित्रांनो काल रात्री वाचनात आलेला एक वेड्या माणसावरचा उत्कट लेख शेअर केल्यावाचून राहवले नाही म्हणून पोस्ट करत आहे
"मनोहर गोपालकृष्ण प्रभुपर्रीकर ठार वेडा माणूस"
मनोहर गोपालकृष्ण प्रभुपर्रीकर,स्वतःला "निष्ठावान संघ स्वयंसेवक" म्हणवून घेण्यातच त्यांना गौरव वाटायचा..!

आजच्या काळातील राजकारणी असून सुद्धा आणि तीन-चार वेळा मुख्यमंत्री होऊन सुद्धा स्वतःच्या दोन्ही मुलांसाठी साधा एक मतदारसंघ बांधू शकला नाही.
ना मुलाला किंवा सुनेला आमदार-खासदार पद तर सोडाच पण साधं नगरसेवक पदही देऊ शकलेला नाहीये हा मनुष्य.

आज भारतातील युवराज,जाणते राजे,निम्म्याअधिक गोवऱ्या मसणात गेलेले नेते,बोलता येत नाहीये की नीट चालता येत नाहीये पण मुलांसाठी,नातवांसाठी,पुतण्यासाठी,पुतण्याच्या मुलांसाठी मतदारसंघात फिर फिर फिरत आहेत..
स्वतःची जागा देऊ करतं असताना
पर्रिकरांचा निस्वार्थीपणा गटात न बसणारा शब्द वाटतो.

आजकालचा शेम्बडा अपक्ष नगरसेवक सुद्धा स्कॉर्पिओ पेक्षा खालच्या दर्जाच्या गाडीवर बुड टेकवण हा आपल्या घराण्याचा अपमान समजतो तिथे पर्रीकरभाऊ मासे घ्यायला फडतूस scooty वर गोवा फिरायचे..शी...कसं दिसतं ते..!!

म्हणे आयआयटीत शिकला...पण काय उपयोग त्याचा..?

केजरीवाल किंवा जयराम रमेश यांच्यासारखं स्वार्थीपणे सत्तेचा उपभोग घेणं जमलं का त्यांना
रात्री officeमध्ये काम पूर्ण करे पर्यंत खुप उशीर झाला म्हणून Secretaryला "उद्या जरा उशिरा आलास तरी चालेल"असं म्हणून सकाळी६:३०वाजता बोलावणं आणि त्याच्या आधी स्वतः सकाळी ५:३० वाजता ऑफिसला पोहोचणं

हे एकविसाव्या शतकातील मुख्यमंत्र्याला शोभत का...?
आता गोव्यासारख्या ठिकाणी Foreign Delegates ना alcohol serve करताना येणारा खर्च , " *दारूचा खर्च सरकारवर नको*" म्हणून protocol असताना सुद्धा सरकारी तिजोरीतून न देता स्वतःच्या खिशातून देणं म्हणजे जरा अतीच झालं.

इथे भ्रष्टाचाराच्या आरोपात कोर्टाने पोलीस कोठडी दिली म्हणून लगेच "कसतरी होतंय" म्हणून लीलावती, जसलोक मध्ये ठिय्या मांडणारे भुजबळ आणि लालू यादव सारखे #चोर आजूबाजूला असताना cancer होऊनही अगदी शेवटच्या क्षणापर्यंत विधानसभेत येणारे, पुलाच्या कामाची पाहणी करणारे तुम्ही

"अखंड भारतातील पहिलेच राजकारणी आहात".

आणि काय पर्रीकर साहेब तुम्ही असं आम्हाला मध्येच सोडून गेलात...प्रॉपर्टी, बंगले, बँक-बॅलन्स, साखर कारखाना, सूत गिरणी, दूध डेअरी, पुतळे, स्मारके असे मागे काहीचं ठेवलं नाही.
तुमच्या मुलाने किंवा नातवंडांनी आता काय करायाचं...??

तुमच्या या अशा निष्ठेने वागण्याबद्दल तुमचा जाहीर निषेध..!!!

सवय नव्हती अहो आम्हाला एवढ्या प्रमाणिकपणाची. कारण राजकारणात राहून सुद्धा "लालबहादूर शास्त्री" होऊ शकतो हे फक्त पुस्तकात वाचलं होतं.तुमच्याबद्दल कळायला लागलं तेंव्हा वाटलं सगळेच बरबटलेले असताना असं एकट्या-दुकट्याच स्वच्छ

आणि स्वयं'सेवक' म्हणून वागणं किती दिवस टिकणार आहे.
पण तुमची निष्ठा एवढी तगडी होती की साधा हाफ शर्ट आणि चप्पल घालून तुम्ही मॉडर्न गोवा ते सर्जिकल स्ट्राईक सारं काही घडवून आणलं. आणि तेंव्हा आमची खरं तर प्रभु मजि गमला अशीच भावना होती.

पण खरं तर तुमच्यासारखी काही माणसं आपल्या देशात आहेत आणि त्यांच्याच जीवावर हा देश चालतो आहे हे अंमळ उशीराच कळलं.

बहुतेक तुमच्या सारखी माणसं देवाला त्याच्या दरबारात "जग चालवण्यासाठी" हवी असावीत म्हणूनच cancer सारखं कारणं देऊन त्याने तुम्हाला बोलावुन घेतलं.

सर,एक आदर्श म्हणून तुमची कमी नेहमीच जाणवेल आणि म्हणूनचं तुमच्या सारखा "मूल्यांवरती जगण्याचा" प्रयत्नही नक्कीचं करू.

साधेपणाने राहून प्रामाणिकपणे आयुष्यात खुप काही करता येतं हे शिकवल्याबद्दल आम्ही आपले आजन्म कृतज्ञ राहू.
जयहिंद
राष्ट्रहितसर्वोपरि
(हर्षद देसाई यांची फेसबुक पोस्ट)