Thread by @mythila1977

#ஆனந்த்குமார்சித்தன் பதிவு
எளியதாய் சில விஷயங்கள் கிடைக்கப்பெறும் பொழுது
அரியதாய் அவை கிடைத்துக்கொண்டிருந்த எட்ட முடியாத நிலையில் இருந்த காலத்தை மக்கள் மறந்து விடுகிறார்கள்
அல்லது உண்மைத்தன்மையை தீவிரத்தன்மையை நீர்த்துப் போகச் செய்ய சில முடவாதிகள் இருந்து கொண்டுதான் இருப்பார்கள்

சிறுவனாய் இருந்த காலத்தில் டிவி என்பது அரியதாய் வீதியில் ஒரே ஒருவர் வீட்டில் இருந்து அதை எட்டி எட்டிப் பார்த்துக் கொண்டு எப்போதாவது உள்ளே விடுவார்களா என்று பார்த்துக்கொண்டு ஏங்கி இருந்த காலங்களை கடந்து வந்திருக்கிறேன் என்னைப்போல இங்கே பலர் 35 கடந்தவர்கள் உணர்ந்து இருப்பார்கள்..

பல நேரங்களில் எங்களை போன்ற பொடியர்கள் கூட்டம் சேர்ந்து விட்டால் டிவியை ஆப் செய்து விடுவார்கள்
ஆண்டனா மூலம் வரும் தூர்தர்சன் சானல் அதில் முதலில் தமிழ் கிடையாது..இந்தி மட்டுமே..
அதையும் அர்த்தம் புரியாமல் பார்ப்போம்..
சித்தரஹார், சித்ரமாலாவில் தமிழ் வருமா என்று எட்டிப்பார்ப்போம்

எனக்கு அது நீண்ட காலம் நீடிக்கவில்லை.. நாங்கள் டிவி பார்க்க அலைவது தெரிந்து அப்போதே கருப்பு வெள்ளை டிவியை புக்கிங் செய்துவிட்டார் என் அப்பா..
( அப்போதெல்லாம் டிவிக்கு புக்கிங் செய்து காத்திருக்க வேண்டும்)

கலர் டிவி பார்க்க மீண்டும் சுற்றுகிறோம் என்கிறது தெரிந்த பின்னர் அதையும்

செய்து விட்டார் என் அப்பா..

நாங்கள் பக்கத்து வீட்டுக்கு சென்றது
அப்போது எங்கள் வீட்டில் டிவி பார்க்க வேண்டியே பெரிய கூட்டம் காத்திருக்கும்..
ஞாயிறு மாநில மொழி திரைப்படத்தில் மாதம் ஒரு முறை தமிழ் வந்துவிட்டால் (சுழற்றி முறையில் மலையாளம், தெலுங்கு , தமிழ் , கன்னடம் என மாதம்

ஒரு வாரம் தென்னிந்திய மொழிகள் வரும்)

அதைப் பார்க்க குறைந்தது 30 பேர் எங்கள் வீட்டில் காத்திருப்பார்கள்..
டிவி இருப்பதே ஒரு கவுரமாக இருந்த காலம்..

அது காலம் மாறினாலும் பெரும்பான்மை வீடுகளுக்கு எட்டாத கனியாக இருந்ததை காலம் மறந்து விட்டாலும் கலைஞர் மறக்கவில்லை..

அதை ஒரு பரிசுப் பொருளாக மட்டுமே பார்த்த, பார்த்துக்கொண்டிருந்த கூட்டம் டிவியை பெரியதாக எண்ணவில்லை..

காரணம்.. அவர்களுக்கு சமுகத்தில் தாங்கள் மட்டுமே இருக்கிறோம் என்கிற எண்ணம் தான்..
கலைஞர் டிவி கொடுத்த போது..
எல்லாருக்கும் ஒரு பொருள் கிட்டிவிட்டால் தன்னிடம் இருக்கும் பொருளுக்கு

மதிப்பு போய் விடும் என்கிற ஆதிக்க குணமும் தான் காரணம்..

டிவி பரிசுப் பொருள் என்பது வெளிப்பார்வை என்றாலும் அதன் உள்ளார்ந்த காரணம் என்பது தான் மேலே சொன்னது..
அதனை ஏற்றுக்கொள்ள முடியாதவர்கள் தான் கேலி செய்வார்கள்..

ஏன் இன்று இதனை சொல்கிறேன் என்றால் ஜீ தொலைக்காட்சியில் பங்கேற்கும்

தினேஷ் என்கிற போட்டியாளனின் தந்தை ஒரு சாலையோர செருப்பு தைக்கும் தொழிலாளி.. அவர் மகனை படிக்க அனுப்பிய காரணத்தால் அவரை சிலர் தூற்றி இருப்பதும், அவர்கள் ஊரில் டிவி கூட இல்லை ,என்பது தான் அதிர்ச்சி கொடுத்த விஷயம்..

இவர்கள் வீட்டில் கலைஞர் டிவி கிடைக்காத காரணம்
கூட அதிகாரிகள்

மட்டத்தில், ஊர் வட்டத்தில் மறைமுகமாக காணப்படும் ஏற்றத் தாழ்வுகளின் எச்சம் தான்..

இதனை அரசியல்வாதிகள் என்னும் சீமான் போன்ற அஞ்சரைகள் தான் புரியாமல் பேசுகின்றன என்றால்

2கே கிட்ஸ் எனப்படும் எலைட் ரக வாழ்க்கை வாழும் ஒரு கூட்டம் இத்தகைய காலங்களை உணராமல் ஏளனப் போக்கிலேயே இருக்கும்

அவலநிலை தான் காலம் தந்த அவமானம்..

ஆனால் கலைஞர் என்கிற மாமனிதர் தமிழ்நாடு தந்த கொடை! அவர் வாழ்ந்த காலத்தில் செய்த எல்லாவற்றிலும் ஏதோ ஒரு கடைக்கோடி மனிதனின் வாழ்வில் மகிழ்ச்சி விதைகள் தூவிச் சென்று இருக்கிறார்..

அவர் பேனாவுக்கு அல்ல.. அவருக்கே சிலை வைத்தாலும் அது போதாது