Thread by @loktvillingane

Og ingen lokomotivførarar jublar..
norsketog.no/nyheter/2023/s…

Det er bra at det kjem nytt materiell på regiontoga våre, men grunnen til skepsisen er det som ser ut til å verta innføringa av ein ny æra på norsk jernbane, nemleg utfasinga av lokomotiv og vogner, til fordel for motorvognsett.

For dei som ikkje anar forskjellen så er det lokomotiv og vogner som går i regiontoga i dag, medan det i lokaltogstrafikken går motorvognsett. Motorvognsett er vogner som er fast kopla til kvarandre og med førarrom i kvar ende. Desse setta har motorkrafta fordelt ut i heile toget

Med lok og vogner har ein eit tungt og stort lokomotiv i front der all maskinkraft er heil fremst i toget. For oss som køyrer og tildels brøyter oss fram i snøstorm på Hardangervidda, føretrekk me lokomotiv.

Ein kan heller ikkje bruka motorvognsett til å berga andre havarerte tog, td havarerte godstog, så ein del av heilskapstanken på jernbana forsvinn, men dette må i alle fall bety at ein må skaffa seg fleire bergingslok (ikkje mindre slik me har sett det har vorte dei siste åra)

For oss som har det å køyra tog som leveveg, føretrekk me å kunna variera litt mellom kva me køyrer. Å køyra lok og vogner er meir utfordrande og kjekkare enn motorvognsett. Me er og spente på korleis sjølve utforminga vert. Kva bremsesystem vert det lagt opp til?

Korleis ser førarromet ut? Vert det lufttette sett? Me køyrer Stadler sine motorvognsett i lokaltrafikken (Flirt). Flirt er td ikkje lufttett, dvs at når me køyrer i dei smale og gamle tunellane våre så bråkar det mykje, særleg med innvendige dører.

Vil motorvognsetta vera komfortabelt nok i nattoget? Med lok og vogner prøver ein td å stoppa med lause bremsar, dvs så milde stopp som mogleg. Håpar dette vert teke omsyn til når dei planlegger bremsesystem osb. I dag når me køyrer Flirt er me pålagte å køyra i automatikk,

og kvar gong me stoppar stoppar me med noko som heiter haldebrems, dvs at me stoppar med brems på. Stadler har også ein del å gå på når det gjeld sjølve utforminga av førarrom, og sjølve førarbordet. På Flirt må me td strekkja oss for å slå av/på vindausviskar

Jepp, på jernbana har ein visst ikkje funne på å bruka regnsensor, så her er det brytar som må slåast av og på, noko som er særleg irriterande for oss i regntunge område, som køyrer inn og ut av tunellar.

Men me får håpa at Stadler lyttar på tilbakemeldingar frå oss lokførarane og at dette vert betre enn kva me trur. Sjølve vognene ser fine ut, og det er verkeleg på tide at me får nytt materiell!

Til slutt får me vel berre seia at det er noko som heiter yrkesstoltheit. Å køyra motorvognsett er eit heilt anna konsept enn lok og vogner, det krevst ein annan køyretknikk og ein kjenner toget på ein annan måte.