Thread by @pills010

電影雙周刊，我的文化奶媽

細時家貧，做功課要去藍田社區中心的小童群益會自修室

另一邊係小型自修室，收藏有電影雙周刊創刊迄今的所有存刊，當年似懂非懂，看了不少大部頭文章

小五開始靜靜雞，走去睇西片。新蒲崗有專做二輪西片的戲院，好鬼平，睇咗好多經典之作，眼界大開

老母從來唔知個仔咁壞

因為我睇咗好多鹹片！😜

話電影雙周刊1978年1月創刊，年份肯定有誤，有乜理由一月創刊就有同年年度回顧？Mission impossible!

最近去藍田，探訪舊地。所有舊式公屋已清拆重建，面目全非，而藍田的領域已大咗N倍

黑白時期的雙周刊，文字有價的年代，超好睇

去到 九十年代，越嚟越商業化，個名都加

都加咗「Entertainment 」呢個字！好等錢使咩？

經手人係陳柏生。當年去見暑期工，佢話你中文科會考成績麻麻哋喎，我俾咗成一大疊校內作文俾佢睇，佢話：嗯，考慮下先

番屋企才想起，已搬入新居，俾咗舊電話佢！

後來打電話去編輯部，想補購由創刊號至我開始私人開始購買的所有存貨，那位講嘢頗潮氣

的男士，一口應承。上到去，係另一位男士當值，聽完一口拒絕，話存量有限，不再開放俾外人

中國學生週報，香港國際電影節，號外月刊，大特寫，電影雙周刊，電影文化中心，第一影室，進念二十面體，近幾年復刻的電影文化中心……香港有個好微妙的文化藝術電影的道統傳承，一代又一代，生生不息

其實早已停刊的電影雙週刊，無論黑白時期或彩色時期都好值錢

近排執書櫃,買首書堆中，好鬼enjoy!

冥冥中好似有注定，一個契機，接着一個契機

當年青春期憤世嫉俗，苦悶不堪，係好多「唔等駛」嘅嘢，陪伴渡過青蒼的歲月

真係冇咩好抱怨。