More from @Shahnawazpeaks

𝐒𝐡𝐚𝐡𝐧𝐚𝐰𝐚𝐳 𝐒𝐡𝐚𝐢𝐤𝐡

@Shahnawazpeaks

Feb 16

सामाजिक भावना हा विकासशील मानवी जीवनाचा आत्मा आहे. ही भावना नेहमी तीन प्रकारांनी प्रकट होते- शब्दांनी, अधूंनी, आणि कृतींनी. काव्य हे या भावनेचे पहिले सुंदर स्वरूप. पण काव्यातील शब्द कितीही सुंदर असले तरी शेवटी ते वाऱ्यावरच विरून जातात. अश्रू हे या भावनेचे दुसरे रमणीय रूप

पण माणसाच्या क्षुब्ध हृदयसागरातून बाहेर येणारे हे मोती शेवटी मातीमोलच ठरतात! डोळ्यांतल्या पाण्याने मनुष्य स्वतःच्या हृदयातली आगसुद्धा शांत करू शकत नाही. मग जगातला वणवा तो काय विझविणार? सभोवतालचे दुःख पाहून व्याकुळ झालेले माणसाचे मन हलके करण्यापलीकडे शब्द

आणि अश्रू यांच्यात सामर्थ्य असत नाही.

या भावनेचे तिसरे स्वरूप स्वरूपच मानवी प्रगतीला उपकारक होऊ शकते. या स्वरूपात ती तोंडाने किंवा डोळ्यांनी बोलत नाही. ती नेहमी हातानेच बोलते. स्वतःचे रक्त शिंपून ती इतरांचे जीवन फुलविते.

Read 4 tweets

𝐒𝐡𝐚𝐡𝐧𝐚𝐰𝐚𝐳 𝐒𝐡𝐚𝐢𝐤𝐡

@Shahnawazpeaks

Feb 16

किराणा दुकानात काड्याची पेटी घ्यायला गेलो होतो. गोड्या तेलासाठी भलीमोठी रांग होती.

माणसे मुंगीच्या पावलांनी पुढे सरकत होती.

दुकानदार डोळयांत तेल घालून थेंबाथेंबाचा दाम दसपटीने वसूल करत होता. तेवढ्यांत त्या रांगेतल्या एका फाटक्या परकरपोलक्यांतल्या पोरीचा नंबर लागला.

तिने दुकानदाराकडे मातीची पणती ठेवली.

दुकानदार "तेलाचं भांडं कुठाय?" म्हणून खेकसला.

ती म्हणाली, "येवढं पणतीभर द्या. "

"अग, दिवाळीला अवकाश आहे! पणत्या कसल्या लावतेस?" पोरगी गांगरली.

पण दारिद्रय धिटाई शिकवते. लगेच सावरुन म्हणाली, "दिवाळी कसली? खायला त्याल द्या..."

"ह्या पणतीत?" दुकानदार म्हणाला. मुलीने हातातले दहा पैशाचे नाणे टेबलावर ठेवले. "यवड्या पैशात किती बसतं ते द्या"

"अग, दहा पैशाचं तेल द्यायला माप कुठलं आणू?" "पण आमच्याकडे धाच पैशे हाइत." तीने आणखी पाच पैशांची सोय केली. पोरीची पणती तरीही पुरती भरली नव्हती.

Read 4 tweets

Share this page!

𝐒𝐡𝐚𝐡𝐧𝐚𝐰𝐚𝐳 𝐒𝐡𝐚𝐢𝐤𝐡

People who liked this thread also liked...

Try unrolling a thread yourself!

More from @Shahnawazpeaks

𝐒𝐡𝐚𝐡𝐧𝐚𝐰𝐚𝐳 𝐒𝐡𝐚𝐢𝐤𝐡

𝐒𝐡𝐚𝐡𝐧𝐚𝐰𝐚𝐳 𝐒𝐡𝐚𝐢𝐤𝐡

Did Thread Reader help you today?

Don't want to be a Premium member but still want to support us?

Send Email!