Thread by @AntoineMaakaro1

سر الأرقام المتداولة عند اللبنانيين 😅
بعض الأرقام باللهجة اللبنانية إلها استخدامات مختلفة وهي 60 و 100 و 10 و 1000 و 7 و 2.. على سبيل المثال:

-الرقم (60):
بيستخدم فقط وحصرياً في الشتائم والتوبيخ دوناً عن باقي الأرقام.
مثلاً: (ابن ال60 صر..ماية).. (ابن 60 كلب) #لبنان #لبنانيات

ما بيقولوا مثلاً ابن 50 كلب.. ولا ابن 70 كلب.. حصراً 60 كلب فقط لا غير.
كمان بيقولوا: 60 عمرك ما ترجع. انو 40 أو 70 ما بيمشي الحال.

-أما الرقم (100) فيستخدم للتسليمات.
مثلاً: (يا 100 أهلا وسهلا).. مامنقول يا 50 أهلا وسهلا.. لأ..
(100 السلامة) #لبنان
#لبنانيات

أحياناً بيستخدم رقم (100) للمبالغة:
(100 مرة قلنالك لا تعمل هيك).. هو بكون قايلك مرة ونص أو مرتين..
(100 مرة ناديتلك).. هي بتكون انجأ 3 مرات ..

-وأما الرقم (10) فيستخدم لوصف جودة الأشياء أو الأفعال.
(الشغل 10 على 10) أو (فتح عيونك 10 على 10) يعني انتبه. #لبنان
#لبنانيات

الرقم (1000) يستخدم تحديداً في التهنئة.
(1000 مبروك) 100 مبروك ما بيمشي الحال حصراً 1000
(1000) الحمدلله عالسلامة.

أما الرقم (7) ب فهو ظاهرة غريبة جداً ويفيد الحيرة الشديدة أو البحث المتواصل عن شيء أو شخص ما. مثلاً:
(دخت ال7 دوخات لحد ما لقيت فلان أو هالغرض) #لبنان #لبنانيات

كمان بيستخدم الرقم (7) للتعبير عن النوم العميق..(ما رح يرد عليك شكلو ب"سابع" نومة)
انتبه لو ب "سادس" نومة كان قام عادي ورد بس سابع نومة، مستحيل! #لبنان #لبنانيات

أخيراً الرقم (٢):
وهو بيعبر عن أطول مدة زمنية بالكون حسب التوقيت اللبناني، وهي (الساعتين):
(صرلو ساعتين بنفس القصة) هي بتكون ٥ دقايق.
(صرلي ساعتين ناطرك)، (صرلي ساعتين عم فهمك هالشغلة).
(هلكت، صرلي ساعتين واقف ع رجليي).
تأليف و انتاج الشعب اللبناني 😎
وشكراً😂🚶‍♂️#لبنان #لبنانيات