Thread by @be_mouride

Thread: Xassida RADIITU

Radiitu, sabab bi tax Sëriñ Tuubaa bind ko, mooy jamono yi mu nekkee ci Gabon, ci dëkk bii di Mayomba, fa mu daan jullee da faa sampoon ñeenti bant, ngir bañ ñuy romb ci kanamam buy julli.
Am benn commandant bu nekkoon foofu, ⬇️

ba mu gisee Sëriñ bi def loolu mu ñëw sempi bant ya sànni ko, boole ci wax yu teggine wul, daal di ne Sëriñ bi « fii julli amu fi, Lislaam amu fi ! dangaa bëgga yàq soldaar yi fi nekk, waaye doo ko fi defee! ». Sëriñ Tuubaa nee na « ma muñ rekk, daal di noppi, tontu wuma ko »

Waaye amoon na fa ku ñuy wax Yelli Sëy, ba mu gisee li ma Commandant boobu def, dafa daaldi ñëw dal ci kawam, ne ko « bant yi dinaa ko delloo na mu meloon, ndax Sëriñ bi xatalu ci kenn, te tooñul kenn… » commandant bi ne ko « doo ko fa delloo » ñu nekk ci ñoom ñaar di xolóo,

bay waaja xeex, waaye nit ñee dox seen diggënte. Li ko tambalee tàkkusaan ba timis ñu nekk di xuloo.

Sëriñ Tuubaa nee na « ci noonu laa jëlee samag xalima, daaldi tàmbalee bind Qasida goo xamne, dama koo tënkee « rabbanaa axrijnaa min haazinii-l xaryati… » » Alxuraan : 2/74

Qasida gi moo tambalee ci bëyit wii « radiitu anil mawlaa tahaalaa lazii rabbaa »
رضيت عن المولى تعلى الذي ربّى
فؤادي وأعناني وأكرم به ربا

Sëriñ bi nee na « bi may bind Qasida gi, ba àgg ci bëyit wii 👇
له اكتب صلاة مع سلام بآله
وأصحابه واجعل به مسجدي رحبا

(Yaw sunu Boroom, yàlna nga dolli xéewël ak mucc ci Yonent bi, ak ay sahaabaam, ak njabootam. Te nga defal ma jumaa ju yaatu) ».

Nee na « bi ma bindee bëyit wii ci lama sunu Boroom xamal ne, nangu naa sa ñaan, te jumaa yii ngay ñaan, jenn ji di nga ci teg sa bët,

muy jumaay Njaareem. Jeneen Jumaa ji di na noppi sa ginaaw Inch’Allah, muy Jumaay Tuubaa ».

Moo tax keroog ba Yelli sëy ñëwee Njaareem, Sëriñ Tuubaa dakoo boole ak Sëñ Muhamadul Amiin Joob Dagana, ne ko « yobb ko mu siyaara Jumaa ji ». Ba mu siayaaree ba noppi,

Sëriñ Tuubaa ne ko « noo gisee jumaa jii ak bant yooyee ma sampoon, te nga ca doon xuloo? »…

#AKB