2/ Orain arteko gizarte osoaren historia klase arteko borrokaren historia besterik ez da izan.
3/ Librea eta esklaboa, patrizioa eta plebeioa, baroia eta jopua, kofradia-maisua eta ofizialea, hitz batez, zapaltzaileak eta zapalduak, beti aritu dira elkarren aurka, etengabeko gerran, batzuetan agerian, eta beste batzuetan ezkutuan.
4/ Burgesia bera ere bilakabide luze horren produktua da, ekoizteko eta trukatzeko moduen iraultza batzuen ondorioa da.
5/ Gobernu modernoa klase burgesaren arazo orokorren administrazio-batzordea besterik ez da.
6/ Burgesiak historian zeregin iraultzaile nagusi bat izan du. (…) Medikua, legelaria, apaiza, poeta eta jakintsua bere soldatapeko bihurtu ditu burgesiak.
7/ Giza duintasuna truke-balio bihurtu du eta askotariko askatasunak, hain prezioa handitan eta izkribuz lortuak, merkatalgorako askatasun bakar eta urrikalgabe bilakarazi ditu.
8/ Hitz batean, erlijiozko eta politikazko ilusioekin esplotazioaren ordez, esplotazio ageri, lotsagabe, zuzen eta basatia jarri du.
9/ Burgesiak, bera izan ahal izateko, ekoizteko tresnak etengabe irauli behar ditu, eta honekin batera ekoizteko harremanak eta, beraz, gizarte-harreman guztiak ere bai.
10/ Mundu-merkatuaren esplotazioaren bitartez, burgesiak herrialde guztietako ekoizpenari eta kontsumoari izaera kosmopolita ematen die. (…) Hitz batez, mundua bere antz eta irudira sortzen ari da.
11/ Adinaren eta sexuaren ezberdintasunek ez dute jadanik batere garrantzirik langile-klasearentzat. Honezkero lanerako tresnak besterik ez dago, horien kostua adinaren eta sexuaren araberakoa izanik.
12/ Proletalgoa, oraingo gizartearen mailarik beherena, ezin jaiki daiteke, ezin zut daiteke, gizarte ofiziala osatzen duten goiko maila guztiak, bata bestearen gainean jarriak, airetara jaurtiarazi gabe.
13/ Proletalgoaren garapenaren faseak, gainetik bederen, aztertzean, oraingo gizartean hazten ari den gerra zibila areago edo estariagoaren historia erakutsi dugu, gerra hau iraultza ageri gisa lehertu arte.
14/ Komunistak beste alderdietatik bereizten dira proletarioen borroka nazional ezberdinetan ororen buruan proletalgo osoaren interes komunak azpimarratzen eta bultzatzen dituztenean, naziotasunetik at.
15/ Komunismoaren ezaugarri berezia ez da, oro har, jabegoa abolitzea, jabego burgesa abolitzea baizik.
16/ Kapitalista izateak ez du soilik esan nahi ekoizpenean jarrera pertsonala hartzea, baizik eta jarrera soziala izatea ere. (…) Kapitala, beraz, ez da indar pertsonala, indar soziala baizik.
17/ Komunismoak inori ez dio produktu sozialez jabetzeko ahalmenik kentzen; kentzen duena hauxe besterik ez da: jabetze horren bidez inoren lana menperatzeko ahalmena.
18/ Komunistei aberria, naziotasuna abolitu nahi izatea leporatu zaie. Langileek ez dute aberririk. Ezin ken dakieke ez dutena.
19/ Ikara bitez klase zanpatzaileak iraultza komunistaren aurrean! Proletarioek ez dute hor galtzeko ezer, beren kateak izan ezik. Irabazteko, mundu osoa dute. Herrialde guztietako proletariook, elkar zaitezte! 
• • •
Missing some Tweet in this thread? You can try to
force a refresh
