Thread by @SadateMunyakazi

#SadatelifeSTORY P8-1
#Life During the genocide against #Tutsi94, #hardSTORY
Tariki ya 7 Mata 94, umunsi muremure urimo urujijo rwinshi, Kagabo Charles Burugimesitiri wa Komine Ntongwe aratambutse mu modoka ya Toyota Staout 2002 y'icyatsikibisi, Aba Police Communale 2 inyuma mu

P8-2
modoka bahagaze, imyenda y'Icyatsikibisi, ingofero z'umuhondo imbunda za Rubaho! Bageze kuri Centre barahagaze, Kagabo Charles waruziranye cyane n'ababyeyi banjye avamo, icya mbere yavuze, niko kana, wishimiye ko mwishe Umubyeyi? ( Umubyeyi ni Habyarimana), Habyarimana yari

P8-3
yapfiriye i Kigali kubwira umuntu wo ku Mayaga ko yamwishe byari bifite ikindi bivuze! Burugimesitiri Kagabo yakomeje urugendo rwe, destination final kwa NYAGAPFIZI wari Conseil wa secteur Gitovu, amaze kugenda nibwo uyu Conseil yabwiye abantu be bahafi ko Abatutsi bagomba

P8-4
kwicwa, ko Burugumesiti ariyo mabwiriza agenda atanga, amakuru natwe yatugezeho, urwicyekwe ruruzuye abantu batangiye kwicamo udutsiko tw'abantu bacye bacye. Umugoroba urageze aho kujya kuryama ahasanzwe tumanutse hepfo y'iwacu ku musaza Diyonizi wari utuye i Nyamiyonga akab

P8-5
Inshuti y'iwacu, tuhageze nawe ati ndabajyana kurara mu rutoki, kdi ntimuvuge dore abicanyi bitwaza imbwa zo kubahiga mu ijoro, twaraye aho ijoro ryose, imibu, imbeho, imvura yo yaritaraza. Mu rukerera turazamuka dusubira mu rugo, urugo rwari rwarayeho Papa na Oncle wabaga

P8-6
mu rugo, tariki ya 8 Mata 1994, twiriwe aho ariko noneho urwicyekwe rwari rwiyongereye cyane, wabonaga abantu babuze imbarutso ngo batangire Gutsemba abatutsi, inka ntizahurwaga kure kdi twiriwe dukura ibintu mu nzu tubihisha hirya no hino nkabitegura guhunga, amayaga yabaye

P8-7
Ishyano, abambari ba maraso bashikoye. Abaturanyi twari duhuje ibibazo batangira kwishyira hamwe byo kwitegura kwirwanaho kuko byaragaragaraga ko nta kabuza umugambi wo gutsemba abatutsi uhari, uwari Conseil wa Nyarurama witwaga Abiya, yaje kwerura aratubwira ati byarangiye

P8-8 ufite aho ajya agende naho ubundi umugambi wanogejwe mugomba kwicwa. za nsorensore zirirwaga zizunguruka ibiti biriho amadarapo y'amashyaka noneho wabonaga ziteguye guhabwa amabwiriza yo gutangira gutsemba abatutsi, ariko habuze ubitangiza, umunsi wiriwe

P8-9 gutyo, kugera ku mugoroba ubwo twasubiraga kwa wa musaza Diyonizi tujya kurara na none iwe, nawe atujyana mu rutoki, nk'ibisanzwe imibu, imbeho bivanze n'ubwoba ntibyahatanzwe. Ijoro ntiricya, umunsi ntiwira, agahiri n'agahinda, kwiheba no kutizera ejo hazaza bitwuzuramo,

P8-10 gusa nta joro ridacya iryo Naryo ryarakeye turataha. Ariko se amaherezo azaba ayahe? Nta muntu n'umwe wari kugusubiza icyo kibazo. Umunsi w'itariki ya 8 wari wasize victime wa mbere, Umusaza KAREMERA warutunze imodoka arishwe, yishwe Na NAHAYO, ese mwibutse NAHAYO uyu?

P8-11 mwibuke mu bice byabanje, aho yari mubari bikoreye imitumba bajya guhamba RWIGEMA! Karemera amaze kwicwa mu kujijisha abamwishe batawe muri yombi byitwa ubugizi bwa nabi, mu byukuri kwari ugukoma imbarutso, Imodoka ya Komine yaje gufata NAHAYO ajyanwa gufungwa na BENE Se.

P8-12 abantu bamwe twumva ko ubuyobozi butabishyigikiye maze tugwa mu mutego wo kuguma aho, itariki 09 Mata 1994 Mzehe Karemera arashyingurwa, abinkwakuzi bagana iy'i Burundi abandi dukomeza kugwa mu mutego wo kwizera ubutegetsi, ohhh mbega amahitamo weee

@SadateMunyakazi
To be continued...