Thread by @SadateMunyakazi

#SadatelifeSTORY P11-1
#Life During the genocide against #Tutsi94, #hardSTORY
Tariki ya 22 Mata 94 mu ijoro, ama modoka yuzuye Interahamwe indirimbo n'imwe, Iye #tubuhumbahumbe, Iye #tubutsembatsembe, Ruhango igwiriwe n'amahano, ku ruhande rwacu ibyo kwiruka no guhunga birarangiy

P11-2, tugomba guhama hamwe tugategereza gupfa cga gukira. Urugo twihishemo rufite Interahamwe nkuru muri Ruhango yose, Micheline mwene Masudi Mudage n'abavandimwe be nka Rimbu, Kabiriti, ... aba navuga ko baribahagije ngo twumve ko turinzwe. Ijoro ryose n'induru mu Ruhango,

P11-3, inzu yo kwa Rukoro ugana ku Kiriziya i Kibingo iratwitswe, umusaza Rukoro ngo araye yishwe, induru impande zose, Abicanyi baravuza inkota, abasahura barikorera ibintu hirya no hino, hari n'ijoro nta byinshi wari kubona ariko induru zo ni zose, imiborogo, imodoka zuzuye

P11-4, interahamwe ziranyuraguranamo, intero nimwe indirimbo nimwe, iye #Tubutsembatse iye #tubugandagure 😭 natwe turaho twiyemeje gutegereza igeno ry' Imana. Kuwa Gatandatu tariki 23 Mata 94, mu gitondo bariyeri zakwiriye hose, nta mu Tutsi wemerewe gutambuka, ubonetse aricwa

P11-5, mpagaze mu idirishya ndimo kureba ku muhanda wa Kaburimbo, ivatiri ya Gahini yarangwaga n'urusaku rwihariye irahinze, aragiye ageze kuri Station yo mu Gataka arakase n'iki kimugaruye? Abonye umucyecuru amuhagaze imbere amukubise amasasu mu mutwe, umucyecuru aguye aho😭😭😭

P11-6, Gahini Interahamwe ya Kabiri muri Ruhango isubiye mu modoka aragiye. Uwo munsi Turi mu rugo, Interahamwe ziratashye, ibiganiro n'umubare wabo bishe, uko babishe, ubuhiri bwuzuyeho amaraso, imihoro nuko😭, uwo munsi abana b'urungano baho mu Ruhango barimo gucicikana barajya

P11-7 hehe? Barimo kujya kuzana ibiceri kwa Rukoro, nubwo byari byahiye ariko buri wese yazanye ibyo ashoboye abandi nabo barimo kujya gusahura buri wese amanukana icyo abashije mbega nka kuriya mubona ibibera muri #Congo. Abana benshi twanganaga bashinze ubucuruzi mubyo basahuye

P11-8, aho twihishe za Nterahamwe zabo zirazana impiri zuzuyeho amaraso, imihoro nuko, ibiganiro nuko bishe abatutsi, umubare wabo bishe cga basambanyije, ... ibi nabyo byari iyica rubozo ariko nta yandi mahitamo, #Rimbu umwe muribo umunsi umwe ati ngwino unyogereze ubuhiri ndang

P11-9, azamura urushyi ngo ankubite bene Se baramwiyama, Micheline yarafite imbunda bitaga A4 atashye afite imodoka ya tout terrain y'umuhondo yasahuye iteye amase ngo ni madowadowa, inyuma muri caisse arrière yabaga yuzuye amaraso y'abatutsi bishwe, ibi byose byarahahamuraga

P11-10 ariko ntacyo twabikoraho nta nicyo twabihinduraho, buri munsi izi Nterahamwe zatahanaga inyama z'inka, akenshi ukabona nk'ukuguru ariko kukiriho uruhuru, wahitaga usobanukirwa ko batabonye umwanya wo kuyibaga ko ahubwo bakataga igipande buri wese ashaka kujyana, bazirishag

P11-11 ubugari bashyize kw'isiniya, bambaye amashara, za Grenades harimo iza kabindi n'iz'ibiti, izo zanyuma bavugaga ko ariyo mbi, uko barimo kurya niko babaga babara za nkuru zibyo barimo gukora, berekana ibyo basahuye n'ibindi, Mama ati muramenye ntimuzarye ziriya nyama,

P11-12 ibisobanuro nuko tutarya inyama, badutekeraga ubugari n'ibishyimbo, ibi kwari ukwanga kurya Inka zishwe nabi ndetse aho twiherereye twanaganiraga ko zishobora kuba umupanga wazitemye wabaga umaze no gutema umuntu bityo turahakana rwose tuti ntago tuzarya izo nyama. Twari

P11-13, aho bita mu Gataka urugo twarimo rwari ruturanye n'umuhanda kugira ngo mu byumve neza ni hariya ubu hubatse Gare ya Ruhango, bivuze ko washoboraga guhagarara mwidirishya ukabona Ibibera ku muhanda, urebye haruguru gato ugana mu mujyi ugisihoka ku marembo ya rugu ya Gare

P11-14 hafi y'ipironi ry'umuriro hari Bariyeri, ugarutse gato ugana i Kigali haruguru yahahoze Station yo mu Gataka urenze gato cyane Umuhanda ugana i Kibingo kwa Yezu Nyirimpuhwe hari indi Bariyeri muri macye imihanda yose yari yaragoswe nta mu Tutsi wemerewe gucaracara arahigwa

P11-15 aricwa, abagore n'abakobwa barabohozwa Niko byitwaga ( violence sexuelle), interahamwe 20 cga zirenga nti zitinya kubohoza Umukobwa umwe zimwakurana, ese uyu azabaho? Nabaho Azabana iki mu mutima we? Ese nasama azamenya se w'Umwana? Ese uwo mwana azamukunda? Natamukunda n'

P11-16 amakosa ye? Buri wese asome anisubize, rubyiruko u Rwanda rwavuye habi, mubyongereho rwavuye habi kdi nimwe mugomba gutuma rutazasubira aho rwavuye kuko ni mubyemera benshi muri mwe cga abazabakomokaho bazabara nkaya ndimo kubara, aya si meza ntawe nifuriza kuzayabara.

P11-17, ni mubona nanga urunuka abanzi b'u Rwanda ntimukamfate nk'umusazi kuko burya ntawutinya ishyamba atinya icyo bahuriyemo, reka twikomereze kari agaciyemo, uko nabasobanuriraga ibyarimo kuba mu Ruhango ibi ni nako byabaga mu gihugu cyose, Imihirimbiri y'interahamwe yasizoye

P11-18 iramena amaraso y'impinja, abagore, abagabo, abana, amatungo, iyi kdi irimo gutwika irimo gusahura, iyi kandi iravuza induru Igihugu cyose, irabohoza abagore zarangiza zikabica, Interahamwe zabaye amadayimoni atembera kw'Isi arahitana ikinyabuzima cyose cyitwa Umututsi,

P11-19, tariki 23 Mata 94 hari kuwa Gatandatu umunsi wiriwe utyo Interahamwe ntiziratuza aho twihishe ziravuga cyane Umugabo #Rurinda na #Mutaganda, aba ngo ntibaraboneka bagomba gushakishwa hasi hejuru, aba ni bantu ki? Kuki bashakishwa uruhindu?! Ibi naje kubimenya nyuma ya

P11-20 Génocide, #Rurinda entrepreneur w'umuherwe, amazu yo muri Ruhango 10% naye ni kimenyimenyi niwe wubatse Hôtel ya mbere mu Ruhango, Hôtel Umuco, #Mutaganda umuherwe wubatse Étage ya mbere muri Ruhango, ku muhanda ukata ugana ku Karere ka Ruhango, aba rero baravugwaga cyane

P11-21 Imitima y'interahamwe Yanze gutuza bataraboneka ngo bicwe, mu nyumvire namwe, abantu Bari guteza imbere Igihugu nibo bashakishwa uruhindu, uwo munsi rero warije maze buryacya ku cyumweru tariki 24, Interahamwe zibadukanye n'ubundi Umurava wo kujya kurimbura Abatutsi,

P11-22 indirimbo ni zazindi, iye Tubutsembatsembe iye Tubugandagure, induru nizo zumvikana amarira n'imiborogo nibyo bidukikije, ubwoba bw'urupfu rushobora kutugeraho isaha iyo ariyo yose nibyo twibanira, nk'ibisanzwe mu miryango ya Gikirisitu twarabyukaga tugasenga twajya no

P11-23 kuryama tukongera tugasenga, bwaracyeye na none kuwa mbere tariki 25 hari kuwa mbere ubundi wakagombye kuba ari umunsi w'umurimo ariko umurimo wabaye kujya guhiga no kwica abatutsi, ese amaherezo y'ibi azaba ayahe? Ninde uzarokora umututsi ninde uzamusubiza ubuzima? Ikibaz

P11-24 ariko sinkibonera igisubizo, burira bugacya ariko amaherezo azaba ayahe? Ikizere cyo kubaho ni gicye cyane, Imitima yacu irashavuye, imibiri yacu irananiwe, ishavu n'agahinda nibyo bituye mu mitima yacu, amaso ntabona uzadukura muri uyu mwijima, gusa turiho. Kuwa 26 Mata

P11-15
@SadateMunyakazi
To be continued...