Thread by @SadateMunyakazi

#SadatelifeSTORY P12-1
#Life During the genocide against #Tutsi94, #hardSTORY
Tariki 26 Mata 94 hari kuwa kabiri, igitero gikomeye cy'Imihirimbiri y'interahamwe cyerekeje kwa Padiri i Kibingo, ubu hazwi cyane nko kwa Yezu Nyirimpuhwe, Padiri w'umuzungu abanje kwanga ko zinjira

P12-2 arabatsembeye Ariko baramuhutaje barinjiye bamanuye abantu bose barabashoreye bagiye kubicira muri Pinus ku ka Mujyejuru, mubashorewe harimo Marume Bizimungu ( aka De Mayaga) ndetse na murumuna we Thomas, bageze kuri Komine Tambwe ati mundeke ndabaha amafaranga, abahaye

P12-3 menshi baramuretse ndetse bamuzanye aho twihishe, hagati aho kuri iyo tariki habaye isaka rikomeye, barahiga umututsi aho yihishe hose, cyari igitero kigizwe n'Interahamwe nka 200 bambaye amashara, imicaca bitwaje imihoro, impiri, amacu, imiheto ... ibyiryo Saka turimenye

P12-4 mbere badusohoye mu nzu batujyanye mu gashyamba kari munsi y'inzu, igitero kiragiye kiradusize, aho turi mugashyamba turumva imiborogo yabicwa, turabona hakurya akagerageza kwiruka bakavugirizwa induru n'abana, abagore n'abagabo, turabona imirambo yabamaze kwicwa, twabonye

P12-5 ibyo amaso atabasha kureba, twabonye kandi inzira zuzuye amaraso, imirambo ihekeranye, mbega ibyo amaso yabonye, Imana izabibarinde nshuti zanjye. Kuva uwo munsi kandi hemejwe ko njyewe na Fils mubyara wanjye wari urungano rwanjye tutazongera kwirirwa mu rugo kuko abana b'

P12-6 bashakishwaga kurushaho, twirirwaga muri ako gashyamba turagiranye inka n'umwana waho twari turi twanganaga. Ibi byatumye tubona byinshi twumva byinshi ariko Imitima yari yaramaze gukomera twarabyihanganiraga, ariko kandi wambutse Umuhanda uvuye muri urwo rugo twarimo

P12-7 hafi ya Station ya Essance yo mu Gataka hari ikizu kituzuye, baje kurasiramo umusore w'umututsi ntamenye Izina ngo yaracyihishemo, uwo musore bamurashe munda amara arasohoka, baramureka ngo azapfe ababaye cyane, abana baho bajyaga kumureba nabo bakamutera za Avoka,

P12-8, yafashe amara ye ngo arayaterura ayashyira aho za Avoka bamuteraga ngo nizo zakomeje ku mutunga, abazimuteraga Bari abana b'imyaka 10; 12 cga 14 cyari icyo kigero ndetse bakaza bakabituganiriza, ubona ko rwose nabo bakoze igikorwa gikomeye, izo Avoka bamuterega zaramutunze

P12-9 kugera ubwo INKOTANYI zije ziramurokora, ziramuvura naje kumenya amakuru ko yaje kwinjira Igisirikare cy'Inkotanyi nyuma yaho nta yandi makuru ye mperuka, nizere ko Adadiye. Burya rero Inda ibyara mweru na Muhima, urugo twarimo rwari rwuzuye Interahamwe peee ariko kdi harim

P12-10, Ismaël umusore warufite mu myaka 30, yanze kwifatanya na be Se ahubwo Afasha benshi, ndibuka ko Génocide igitangira mu Ruhango ikintu cya mbere yakoze nukujya kuzana Inka zo kwa Ciliyake, Umututsi wari utuye neza neza kuri kariya gahanda gatangira ujya kwa Yezu Nyirimpuhw

P12-11, izo nka zari Inka nziza cyane za Kijyambere, amaze kuzizana yarazirinze ariko icyankoze ku mutima nuko yari azi aho Umugore wa Ciliyake n'abana be bihishe, yarakamaga agaha umuhungu witwaga Mbindigiri akabashyira amata mwibanga rikomeye cyane kugera Génocide irangiye

P12-12 abasubiza Inka zabo, uyu mugabo nkurikije aho yarari kutaba Interahamwe ahubwo agafasha Abatutsi nibyo gushimirwa, ntiyigize ahunga kugera INKOTANYI zigeze mu Ruhango abavuga ko INKOTANYI zishe abo zisanze uyu muryango n'urugero rwiza rwabo zari guheraho ariko bariho

P12-13, iyo twatahaga ni mugoroba tuvuye muri ako gashyamba twabaga twahahamuwe nibyo twabonye byaba ibya hafi cyangwa ibya kure, gusa icyari ngombwa nuko twariho. Iminsi yakomeje kwicuma utu Radio turatwumva, amakuru yo ku rugamba aratanga ikizere kuko INKOTANYI na @PaulKagame

P12-14 bararwana hasi hejuru, bariruka rwose amasiga Mana barajwe inshinga no guhagarika Génocide barajwe inshinga no kuturokora, Interahamwe ibiganiro byatangiye guhinduka nazo zatangiye kugira ubwoba, impunzi zatangiye kuza ndibuka muri urwo rugo haciye Col. Simba Manasse

P12-15 umwe mubari bakomeye cyane arahunze yerekeje Gikongoro, uyu kandi niwe Se wa John Simba Buranga mu menyereye mubarwanya Leta yacu kuri iyi mihanda, barahunga iki? INKOTANYI zifite ubutwari bwinshi zirarwana ngo zirokore abatutsi erega shenge n'abahutu cyane ko nabo Bari

P12-16 batangiye kumarana ( nzabigarukaho), ubwo muri uko guhunga nabonye n'umurundi TABU ABDALLAH wari impunzi warutuye Kimisagara akaba yari yararongoye mushiki wabo waho twabaga, Tabu Abdallah yaje kuba Minisitiri i Burundi ku Ngoma ya NKURUNZIZA yari Umugabo utuje utavuga

P12-17 menshi ariko Mama Nyamfu Umugore we, yakubwiraga ijambo ukirirwa wahahamutse, anyway kari agaciyemo. Ubuzima rero bwarakomeje tubona amabi yose twumva amabi yose, gusa twari tukiriho, aho twari twihishe mu Ruhango twari benshi peee, harimo aba bakurikira :

P12-18,
Data
Mama
Murumuna wanjye
Mushiki wanjye
Marume Bizimungu
Abana be 4
Marume Thomas
Mama wacu Ntakimuruta bitaga Mameya kubera ubwiza bwe n'ubwitonzi bwe
Nanjye ubwanjye muri macye twari 12, uyu Mameya uwitwa RIBU ( umwe muri za Nterahamwe) yahoraga yifuza kumubohoza arik

P12-19, Bene se ntibamukundire kubera ubucuti twari dufitanye n'Imiryango yabo, ibi byiyongera igihe yampaga impiri yuzuye amaraso ngo nyoze nkahakana, uyu RIMBU yubatse urwango rukomeye kuri twebwe, Ese bizagenda gute???? Ubutaha

P12-20
@SadateMunyakazi
To be continued...