Thread by @SadateMunyakazi

#SadatelifeSTORY P13-1
#Life During the genocide against #Tutsi94, #hardSTORY
Tariki 30 Mata 1994, #umunsiwumukara, iminsi ibaye myinshi buri wose usimbura undi uko bisanzwe, gusa isegonda, umunota, isaha, umunsi byo mu bihe bya Génocide byabaga birebire cyane, iminsi yakomeje

P13-2 gusimburana, kugera aho buri mu Tutsi yarari yatekerezaga ko ariwe usigaye wenyine, tariki 30 Mata 94 ndabyibuka neza hari kuwa Gatandatu, njyewe na mubyara wanjye Fils batwohereje muri ka Gashyamba navuze, twiriweyo nk'ibisanzwe, mu masaha ya 17h30 baraduhamagaye ngo

P13-3 tuzamuke, ibi ntibisanzwe, kuki tuzamuwe hakiri kare? Nubwo nari umwana numvise Umutima unkutse, turazamutse tugeze aho twabaga dusanze ababyeyi nta bahari, tuhasanze voiture yabohojwe n'interahamwe yitwaga #Kabayiza iradutegereje, ababyeyi nta bahari, ku irembo huzuye

P13-4 abantu benshi baje gushungera, Interahamwe nkuru muri Ruhango Micheline nawe arahari, mwene Se RIMBU uwo munsi ntiyagiye kwica nk'ibisanzwe, twese uko twakabaye ( abana b'imyaka hagati y'ibiri na cumi n'itandatu) baturunze muri iyo voiture, habaye iki? Kagabo aradushaka.

P13-5 #KAGABO ni muntu ki? Kagabo Karoli mwene Monsi yavukaga i Mutima ya Ntongwe, aha niho Mama wanjye yavukaga, uwo Mugabo nako Kagabo yari urungano rw'ababyeyi banjye, igihe i Mutima habonekaga abana ba mbere bagiye muri secondaire yari Mama wanjye Mukamutara Asselle, marume

P13-6 Bizimungu Pierre Célestin na KAGABO KAROLI, uyu muhanya yavukaga mu muryango ukennye cyane, amateka atubwira ko iyo bafataga urugendo rurerure rw'amaguru bavuye muri vacance basubiye muri Secondaire, Sogokuru yabapfunyikiraga ibyo bagenda barya ndetse na KAGABO akabihabwa

P13-7 uyu Kagabo yari aziranye neza n'ababyeyi bari barabyirukanye, arangije kwiga ayisumbuye yabaye Muganga i Kinazi n'i Nyanza ku bitaro aho yavuye aza kuba Burugumesitiri wa Komine Ntongwe, yaratuzi neza gusa kutumenya kwe byatubereye ikigeragezo gikomeye cyane kuko byatumye

P13-8 aduhiga bukware, uyu Kagabo akaba yarateguye Génocide ayishishikariza abandi, arayikora ndetse yica n'abandi ba Burugumesitiri batayishyiragamo ingufu, uzwi cyane nuwari Burugumesitiri wa Komine Mugina twari duturanye, kubera umuhate yarafite ni nawe wirukanishije Coloni

P13-9 wari Sous préfet wa Ruhango nigeze kubabwira, gatindi Kagabo nahamya ko yakoze akazi nkuko babyitaga ( gukora Génocide) ku kigero kitageraranywa yifashije Abahutu b'Intagondwa z'Interahamwe hamwe n'Abarundi Bari impunzi babaga i Ntongwe, ababo bicaga abant bakarya n'imitima

P13-10 yabo, uwo muhanya kuko bwamwokamye yaje guhungira muri Repubulika iharanira Demokarasi ya Congo, bamwe bakavuga ko yaba ari mu mutwe wa #FDLR abandi bakavuga ko yaguyeyo.
Ubwo baturunze muri iyo Voiture batwicaza ku ntebe y'inyuma abandi muri butu, abantu baradushungereye

P13-11, baraca hirya baraca hino, Interahamwe, abana bazo, abagore bazo barashungereye baduhagaze hejuru nkaho turi abanyabyaha, abaduseka, abadukoba, ababaye, abumiwe bose barahari, twamaze nk'iminota 30 tutarahaguruka ariko intero nimwe KAGABO aradushaka, bamwe bati bagiye

P13-12 kubasubiza mubyabo abandi bati bagiye kubica.
Tariki 30 Mata 1994 #SamediNoir, kera kabaye ya voiture iratse #Michenile yicaye imbere itwawe na #KABAYIZA, turazamutse tugeze kuri Station urenze Hôtel Umuco, ikinyoteri kiratse menye ko batujyanye kuri Komine Tambwe, ubu

P13-13 hakorera Police, RIB na RRA, akabwibwi kari gatangiye kwinjira, aho twahasanze Interahamwe nka 300, izikomeye zaturutse iwacu i Ntongwe ziyobowe na Kagabo Karoli harimo Matabaro Habibu, Hodali, ...harimo Interahamwe zose zikomeye zo mu Ruhango ziyobowe nuwari Burugumesitir

P13-14 wa Tambwe sinibuka neza menya yaritwaga Mugaga, bishimye cyane umwanzi Mukuru yabonetse, indirimbo ni zazindi, iye Tubutsembatsembe iye Tubugandagure, Kagabo na Mugaga Bari bahagaze ku ibaraza rya Komine baganira, Interahamwe zari zuzuye hose, ababyeyi Bari bicaye muri

P13-15 Toyota Staout inyuma hasi, bafunguye voiture ngo tuvemo tugane muri ya Staout,
hakurikiyeho iki?
#SamediNoir

P13-16
@SadateMunyakazi
To be continued...