Thread by @shapit_1111

आठवी किंवा नवविला असेल मी नेमकं वर्ष आठवत नाही. रोज सकाळी उठून पाणी भरायला लागायचं आम्हा भावाना. एक दिवशी वडील बाहेर जाणार होते लवकर म्हणून वडिलांनी बजावून सांगितलं होतं की पूर्ण पाणी भरून ठेवा मगच काय तो धुडगूस घाला.नायतर जाऊन पडला तिकड खोपाड्या(जुनी विहीर आहे ) हिरित म्हंजे

तुम्हाला काय समजत नाय ..आधी पाणी भरायच आणि मगच पोहायला जायचं . आता वडील लवकर जणार हे आम्हाला माहीत होतं ..म्हणून आम्ही ते निघतात का नाही तोवर आपलं नाटक केलं ...उगाच जाऊन बोर वर एक दोन घागरी पाणी घेऊन आलो . सगळं पाणी खांध्याने भराव लगायच...आम्ही तिघेही वाटच बघत होतो

कधी एकदा वडील घराबाहेर पडतात...त्यात मी मोठा आणि बाकी दोघे लहान भाऊ . मी आणि लहान भाऊ अश्या बाबतीत अती हुशार ...मधला भाऊ भिऊन असायचा ...आम्ही मार खाऊन कठीण झालो होतो ..जसे पप्पा बाहेर पडले तसं लगेच आम्ही टॉवेल चड्या घेऊन विहिरीवर पोहचलो ... त्यात मधल्या भावाला पण उगाच

ओढून घेणं गेलो ...मस्त आता सगळं आभाळ आपलंच आहे आणि कितीही उंच भरारी मारावी तसं आम्ही पाण्यात जाऊन पडलो ...पण इकडे पापा भाड्याने गाडी सांगितली होती त्याच्याकडे जाऊन आले ...त्याच आवरायला थोडा वेळ होता ..शेवटी बाप बाप असतो ...वडील घरी येऊन बघतात तर आम्ही गायब ...बोर वर पण नाय

आमच्या वडिलांचा राग म्हंजे आख्या गावाला माहित होता....तिथल्या अमच्या शेजारी पाजारी यांना समजलं आता पोरांची काय धडगत नाय ...संगीता काकिनी ( एक शेजारी आमच्या ) हे ओळखलं ..त्या पण पाणी भरायला आल्या होत्या ..त्यांनी त्यांचा पोरगा सोमा ..जो आमच्याच वयाचा होता त्याला पटकन

विहिरीवर पाठवलं ...तो येऊन चोचऱ्या शब्दात सांगू लागला ...आले भाव यायला लागलेत..भैया निघा लवकल ... एकतर ते चोचर ...त्यात काय बोलतय धापा टाकत समजेना ...मी आणि लहान भावाला येवढं समजलं की कायतरी गडबड झाली आहे ...आम्ही पटकन विहिरीतून बाहेर आलो ...तोवर मागून आमचे वडील पोहचले होते

हातात ओली करंजाची फोक घेऊनच ...दोन्ही हातात दोन फोका...उघड्या अंगावर मला दोन आणि बारक्या भावाला दोन बसल्या ...आम्ही कसतरी निस्टलो. .सापडला तो आमचा मधला भाव...ज्याचा काहीच दोष नव्हता ....आम्ही घोड्यावर बसवून आणला होता त्याला ....तो समोर आला आणि वडिलांनी ...एका हाताने धरला आणि

ताशा वाजवतात तसं त्या फोकेने पाटीवर त्याच्या इतकं मारलं की बास...आहे असं सगळे कपडे घेतले आणि नुसत्या चडीवर घरात....मागे मागे वडील पळतच अलते...त्यांच्या लाडक्या पोराला आम्हा दोघांमुळे मार बसला होता ...मधल्या भावावर जरा जास्त जीव होता वडिलांचा कारण तो थोडा वीक होता आजारी ...

पडायचा जास्त ...मग काय आमची कातडी उन्हाळा लावायच्या तयारीने पापा आमचा मागे ....आम्ही तर घावतोय वि...पळत आलो कलशी ,घागर जे घावेल ते घेऊन आहे असं उघडेच जिथं पाण्याची बोर आहे तिथं ....तिथल्या सगळ्या उभा असलेल्या लोकांना समजलं काय घडलं असेल ..तिथं गेलो म्हणून वाचलो ...

कोणीतरी सोडवणार आम्हाला हे माहीतच होतं आम्हाला. .तितकं डोकं होतच आम्हला....जाऊन नंबर लावला आणि उभा राहिलो .. वडील आले ..एक एक फोकेणे लगावली लवणीत.... तोवर बायका होत्या त्यांनी सोडवलं ....एक एक घागर उघड्या अंगावरच पाणी भरलं...! ही असली तरहा आमची....वाईट एवढ्याच गोष्टीचं वाटलं

की आमच्यामुळे मधल्या भावाला मार बसला ...आता ते किस्से आठवले की खूप हसायला येतं ..!
#गोड_आठवणी
#लहानपण ❤️