Thread by @teamasterdiary

#நட்டகல்லை_தெய்வமென்று

ஷாந்தி ஹோமம், திசை ஹோமம், மூர்த்தி ஹோமம், வாஸ்து ஷாந்தி, ஷப்த ஷாந்தி, சகஸ்ர கலச ஸ்தாபனம் எல்லாம் பண்ணி மஹா ஸம்ப்ரோக்ஷணம் பண்ணனும். அப்போதான் இது கழியும்.

அப்டித்தான் நம்ம ஸாஸ்த்ரங்கள் சொல்றது.

ஜாதின்றது சமூகம் சம்பந்தப்பட்டது இல்லை.
அது மதக் கோட்பாடு

பகவான் மனுசாளை சரிசமமா பார்க்கவும் இல்லை;

அப்படி படைக்கவும் இல்லை. மிருகங்களில் பலவகைன்ற மாதிரி மனுசாளையும் நாலு வர்ணமா, அதுல நாலாயிரம் ஜாதியா பிரிச்சு உருவாக்கியிருக்கார் அவர்.

நாம அத மீறது மஹா பாவம்

இப்படி எல்லாம் சொல்லிக் கொண்டே போன அந்த மிக பிரபலமான 50வது சாட்சி,

நம் அனைவரின் பெருமைமிக்க கலாசார பண்பாட்டுப் புனிதமான, சனாதன தர்ம ஹிந்து மத நூல்களில் இருந்து மேற்கோள்களைக் காட்டி பேசப் பேச, அது வரையில் தயக்கத்தில் இருந்த மதுரை நீதிமன்ற நீதிபதி வரத ராவிற்கு தெளிவும், துணிவும் பிறந்தது.

அவர்கள் நுழைந்ததற்குத் தீட்டு கழிப்பதற்கு ஆகும் செலவு என

சிவாச்சாரியார்கள் சொன்ன ஐந்து கோடிக்குப் பதிலாக இரக்கத்தின் பேரில் ஒரே ஒரு கோடியை மட்டும் அபராதமாக விதிக்கிறேன் என்றும்

இனிமேலும் கோயிலின் எந்த பகுதிக்குள்ளும் அவர்கள் நுழைய உரிமை கிடையாது என்றும் நம் அனைவரின் பெருமைமிக்க கலாசார பண்பாட்டுப் புனிதமான, சனாதன தர்ம,

ஹிந்து மத தர்மத்தை நிலை நாட்டித் தீர்ப்பளித்து முடித்து வைத்தார் அவர்.

அந்த தீர்ப்பை அடுத்து, சென்னையில் மேல்முறையீடு நிலுவையில் இருக்கும் போது, அவுட் ஆஃப் கோர்ட்டு செட்டில்மென்டாக அவர்கள் கோயிலுக்குள் நுழைந்து கொடிமரம் வரையாவது செல்ல அனுமதிப்பதற்குக் கோயிலுக்கு

60 கோடி ரூபாய் தர ஒப்பந்தம் ஆகி, அதில் 10 கோடி ரூபாய் ரூபாய் முன் பணமாக கோயில் அறங்காவலர் பாஸ்கர சேதுபதியிடம் கொடுக்கப்பட்டது.

இதைக் கேள்விப்பட்ட மேலே சொன்ன 50வது சாட்சியைச் சார்ந்தவர்கள் மாவட்ட ஆட்சியரிடம் இதனால் சமூக அமைதி கெடும், கலவரம் நடக்கும் என்று பயம் கிளப்பி விட,

அவர் பாஸ்கர சேதுபதியிடம் அந்த ஒப்பந்தத்தை ரத்து செய்யுமாறும் தேவைப் பட்டால் அவர்கள் கிறிஸ்துவ மதத்திற்கு மாறிக் கொள்ளட்டும் என்றும் சொன்னார்.

ஒப்பந்தம் ரத்தாகி, மேல் முறையீடும் தோற்றுப் போக, மேற்கொண்டு என்பது கோடி ரூபாய் வரை செலவு செய்து இலண்டன் பிரிவி கவுன்சில் வரை வழக்கை

எடுத்துச் சென்றும், இறுதியில் தோல்வியே மிஞ்சியது!

இது தான் இன்றைக்கு கிட்டத்தட்ட 125 ஆண்டுகளுக்கு முன், தமிழ் நாட்டில் முதல் முறையாக நாடார்கள், கமுதியில் மீனாட்சி சுந்தரேசுவரர் கோயிலுக்குள் நுழைந்த போது, அவர்கள் தடுத்துக் கைது செய்யப்பட்டு, பலர் தங்கள் வாழ்நாள் உழைப்பின்

மொத்த சேமிப்பை, நம் அனைவரின் பெருமைமிக்க கலாசார பண்பாட்டுப் புனிதமான, சனாதன தர்ம, ஹிந்து மதத்திற்குப் பரிதாபமாக பலி கொடுத்து இழந்த வரலாறு!

சரி, வழக்கின் போக்கை மாற்றிய, அந்த பிரபலமான 50வது சாட்சி யார்?
அவர் தான்.. தமிழ்த் தாத்தா என்றழைத்துக் கொள்ளப்படும் உ.வே. சாமிநாதர்!

அந்த தமிழ் த்தா தான் தமிழ் மக்களின் மத வழிபாட்டு உரிமைகள் மறுக்கப் பட்டது குறைந்தது அடுத்த ஐம்பது ஆண்டுகளுக்கு நீட்டிக்கப்படவும், உழைக்கும் மக்களின் நூறு கோடி ரூபாய் அநியாயமாகச் சுரண்டப்படவும் காரணமானவர்!

சரி, 125 ஆண்டு பழைய வரலாறு இப்போது எதற்கு என்ற கேள்வியைத் தூக்கிக் கொண்டு

இங்கே வரப்போகிற ந.ந.நி.ந மொன்னைகளுக்கு,

சீமான் என்கிற ஊர் உழைப்பில் உண்டு உயிர்வாழும் ஊதாரி அஃறினை கோடரிக் காம்பு, நாக்பூர் பிஸ்கட்டுகளுக்காகத், தமிழர்கள் அறிவில், மானத்தில், பொருளாதாரத்தில் முன்னேற உண்மையாக பாடுபட்ட தலைவர்களைத் தாக்கி, இந்த கேடுகெட்ட தமிழ் த்தாவை,

அதுவும் புதிதாக ஐயர் விகுதி போட்டுக், கொண்டாடும் போது (பார்க்க படம்), அறிவும் மானமுள்ள தமிழ் மக்கள் இந்த வரலாறுகளைத் தெரிந்து கொண்டு முறையாக யோசித்து முடிவெடுக்கட்டும் என்கிற நோக்கத்தில் நாம் கொஞ்சம் வரலாற்றைப் பேசுவதில் என்ன தவறு?

இது சிலருக்கு நெருடும். தைக்கும். சுடும்.

நெருடட்டும்!
தைக்கட்டும்!
சுடட்டும்!

எம்மக்களை ஆயிரமாண்டுகளாக அடிமை படுத்திய மனித குல விரோதத்தையே, இன்று, எம்மக்களின் பெருமைமிக்க கலாசார பண்பாட்டுப் புனிதமாகப் பொய்யாகக் கட்டமைத்து, அடுத்தகட்ட அடிமைப் படுத்துதலுக்கு ஆயத்தம் தொடர்நது கொண்டு இருக்கும் வரையில்,

நாங்கள் எங்கள் வரலாற்றை நினைவு படுத்திக் கொண்டே இருப்போம்!!

பி.கு:
1) ஆதாரம்: நாடார் வரலாறு கறுப்பா.. காவியா? - வழக்கறிஞர் திரு. தி. லஜபதிராய் (periyarbooks, amazon போன்ற தளங்களில் கிடைக்கிறது. விலை ரூ.100)

2) நூலில் லஜபதிராய் அவர்கள் காட்டியுள்ள பல நீதிமன்ற ஆவணங்கள் மற்றும்

ஆதார நூல்களில் ஒன்று: ப்ரவாஹன் "கோயிலுக்குள் நுழையாதே" கமுதி கோயில் நுழைவு வழக்குத் தீர்ப்பு 1899, முதல் பதிப்பு 2013, தென்னிந்திய சமூக வரலாற்று ஆய்வு நிறுவனம், பக்கம் 269

3) மேலே கொடுக்கப்பட்டுள்ள ரூபாய் மதிப்புகள் அனைத்தும் 125 ஆண்டு பணவீக்கத்தைக் கணக்கிட்டுக் காட்டப்பட்டுள்ளன

4) 'இந்து' கோயிலுக்கள் நுழைந்த, நுழைய முயன்ற 'இந்துக்களிடம்' அநியாயமாக காசு பிடுங்கிய அதே பாஸ்கர சேதுபதி தான், அதே கால கட்டத்தில், அமெரிக்காவில் சிகாகோ மாநகரில் நடந்த உலக மதங்களின் மாநாட்டில், அதே 'இந்து' மதத்தைப் பற்றிப் பேச, சுவாமி விவேகானந்தருக்கு, அதே காசைக் கொடுத்து,

ஸ்பான்சர் செய்தவர் என்பது குறிப்பிடத்தக்கது. இது தான் யுவர்ஸ் ஒன்லி இந்து மதம், யுவர் ஆனர்!

5) நாங்கள் பட்டியலின மக்களைத் தவிர வேறு எந்த சாதியையும் கோயிலுக்குள் நுழைய அனுமதி மறுத்ததே கிடையாது என்று சமீபத்தில் எழுதி, பட்டியலின மக்களைத் தடுத்தால் அது தவறில்லை என்பது போலவும்,

வழக்கமான சாதியால் பிரித்தாளும் சூழ்ச்சியுடனும் விஷம் கக்கிய, வெறுக்கத்தக்க சாதி வெறியன் பத்ரி ஷேஷாத்ரி சொன்னது பொய் என்று, ஈழத்துத் தமிழ் த்தா ஆறுமுக நாவலர் எந்த சாதிகள் எல்லாம் கோயிலுக்குள் போகக் கூடாது என எழுதியது கொண்டும்,
இன்னும் பல ஆதாரங்களுடனும் எளிதாக அம்பலப் படுத்தலாம்.

6) ஏற்கனவே அயோத்தி தாச பண்டிதர் முதல் பலரும் பல பழந்தமிழ் இலக்கிய நூல்களை ஓலைச் சுவடிகளாகச் சேகரித்துக் காப்பாற்ற, கடைசியில் தன் பங்குக்குச் சிலவற்றைச் சேகரித்த தமிழ் த்தா ஒருவரே எல்லா பெயரையும் தட்டிச் சென்றது எப்படி என்று யோசித்தால் தமிழ் 'நூல்'களின் வலிமையை தெரிந்து கொள்ளலாம்

கட்டுரையாளர் :

அருண் பாலா