Thread by @Zarbe_Sunni432

#Wahabi Firke Wale Ek Hadees Pesh Karte Hai Ke Hazrat Ali Radiallahu Anhu Ko Rasoolullah ﷺ Ne Hukm Diya Ke Jahaan Kahi Bhi Unchi Qabr Aur Tasveer Dikhe Usko Tod Do, Aur Wahabi Iss Hadees Ko Musalmaano Par Fit Karte Hai Jabki Yeh Hadees Yahoodi Wa Isaayi Wa👇

https://twitter.com/dawahtwt/status/1659163032436580352

Mushrikeen Ki Qabro'n Ke Muta'alliq Hai, Iski 2 Wajah Hai,

(1) Pehli Wajah Yeh Hai Ke Rasoolullah ﷺ Ki Zaahiri Zindagi Mein Jitne Bhi Musalmaano Ka Inteqaal Huwa Tha Unki Qabr Khud Rasoolullah ﷺ Ne Banayi Thi Ya Aapki Nigraani Mein Banaayi Gayi Thi👇

(2) Doosri Wajah Yeh Hai Ke Rasoolullah ﷺ Ne Farmaya Unchi Qabro Aur Tasveero Ko Tod Do Jabki Koi Musalmaan Qabr Par Tasveer Nahi Banaata, Yahoodi Aur Isaayi Unki Qabro Par Tasveer Banate Hai,

Isse Baat Bilkul Waazeh Hogayi Ke Jin Qabro'n Ko Todne Ka Hukm Diya👇

Gaya Tha Woh #Musalmaano Ki Nahi Thi Warna Phir Yeh Kaise Ho Sakta Hai Ke Pehle Rasoolullah ﷺ Musalmaano'n Ki Pakki Qabr Banaaye'n Aur Phir Unko Todne Ka Hukm De, Aisa Nahee'n Ho Sakta To Maanna Padega Ke Woh Hukm Yahoodiyo'n Aur Isaa'iyo'n Ki Qabro'n Ke Muta'alliq Tha,👇

Sahaba, Ahle Bait Wa Auliya Ki Mazaar Isliye Banaayi Jaati Hai Taake Aa'm Musalmaano'n Mein Aur Allah Ke Walio'n Mein Farq Waazeh Ho Jaaye Aur Log Unki Qabr Ki Ta'zeem Karen Aur Yeh Tareeqa Aajkal Ka Ya Hindustaan Paakistaan Waalo Ka Nahi Balke Poori Duniya Me'n Jahaan 👇

Kahi Bhi Musalmaan Maujood Hain Wahaan Par Buzurgaan e Deen Ki Mazaaraat Maujood Hain, Lekin Kisi Bhi Imaam, Ya Mohaddis Ya Mufassir Ne Mazaaro'n Ko Galat Nahi Kaha Balke Firqa e Wahaabiya Deobandiya Ke Molvio Ne Mazaaro'n Ko Galat Kaha Kyuki Yeh Log Sahaaba, Ahle👇

Bait Aur Auliya Ke Dushman Hain,

Agar Koi Yeh Ae'teraaz Karta Hai Ke Rasoolullah ﷺ Ne Aur Sahaaba Ne To Aa'm Musalmaano'n Aur Nek Logo'n Ki Pehchaan Keliye Mazaar Nahi Banaayi To Phir Unpar Humaara Bhi Ek Ae'teraaz Banta Hai Ke Sahaaba Ne Masjid Par Pehchaan Keliye Gumbad👇

Bhi Nahi Banaya Aur Na Hi Unchi Unchi Buland Wa Baala Masjid Banayi Thi, Jabki
📗Abu Daawood Shareef Mein Kitaabus Salaat Ki Hadees No.445/446 Mein Hai Ke Rasoolullah ﷺ Ne Farmaaya Mujhe Masjido'n Ko Buland Karne Ka Hukm Nahi Diya Gaya Aur Hazrat Ibne Abbaas Radiallahu👇

Anhuma Ne Masjido'n Ko Aaraasta Karne Ko Yahood Wa Nasaara Ka Tareeqa Bataya Hai, Lekin Aaj Ke Zamaane Ke Hisaab Se Hum Masjido'n Ko Buland Wa Baala, Khoob Aarasta, Pakki Aur Gumbad Wa Meenaar Wali Bana Rahe Hain Taake Humaare Ghar Mein Aur Allah Ke Ghar Me'n Farq Waazeh Ho👇

Jaaye Isi Tarah Sahaaba, Ahle Bait Wa Auliya Ki Mazaar Banayi Jaati Hai Taake Aa'm Qabro'n Mein Aur Auliya Ki Qabro'n Mein Farq Waazeh Ho Jaaye,

Agar Mazaar Banana Shirk Ya Bidat Ya Haraam Hota To Makka Madeena Aur Poori Duniya Mein Mazaar Nahi Bani Hoti Ya Phir Mazaaro'n👇

Par Koi Na Koi Imaam, Mohaddis Ya Mufassir Zaroor Fatwa Dete, Saudi Ne Taqreeban 70 Saal Pehle Makka Madeena Ki Mazaaro'n Ko Toda Hai Power Mein Aane Ke Baad Jisse Saabit Hota Hai Ke Mazaaraat To Kayi 100 Saal Pehle Se Banti Chali Aarahi Hai Jinpar Kisi Ne Fatwa Nahi Lagaya👇

Siwaaye Wahaabi Deobandi Firke Waalo Ke, Iska Matlab Yeh Huwa Ke Wahaabi Firka Banne Se Pehle Poori Duniya Ke Musalmaano'n Ka Ijma Tha Ke Mazaar Banana Jaa'iz Hai,

Agar Koi Ab Bhi Mazaar Banaane Ko Galat Kehta Hai To Usko Chaahiye Ke Kisi Imaam, Mohaddis Ya Mufassir Ka Fatwa👇

Bataaye, Kyuki Hum Ibne Taimiya, Ibne Abdul Wahaab Najdi, Ismaa'il Dehlvi, Ashraf Ali Thanvi Wagairah Ke Follower #Nahi Balke Rasoolullah ﷺ, Sahaaba, Ahle Bait, Imaamo'n, Mohaddiseen, Mufassireen Wa Auliya Ke Follower Hain.

Ab Pura Thread Read Kro