Thread by @Bharathvarsh25

ದೆಹಲಿ ಕುಸ್ತಿಪಟುಗಳ ಪ್ರತಿಭಟನೆ ಅದೆಂತಹ ಬೋಗಸ್ ಎಂಬ ಸತ್ಯ ಈಗ ನಿಚ್ಚಳವಾಗಿ ಹೊರಬರುತ್ತಿದೆ.
ರಾಷ್ಟ್ರೀಯ ಕುಸ್ತಿ ಫೆಡರೇಷನ್ ಅಧ್ಯಕ್ಷ ಬ್ರಿಜ್ ಭೂಷಣ್ ಸರನ್ ಸಿಂಗ್ ರವರ ಮೇಲೆ ದಾಖಲಾಗಿದ್ದ ಪೋಕ್ಸೊ ಕೇಸ್ ನಕಲಿ ಎಂದು ದಿಲ್ಲಿ ಪೋಲಿಸ್ ತನಿಖೆಯಲ್ಲಿ ಸಾಬೀತಾಗುತ್ತಿದ್ದಂತೆ ಪ್ರತಿಭಟನಾ ನಿರತ ಪಹಿಲ್ವಾನರ ಜಂಘಾಬಲ ಉಡುಗಿದೆ.
#WA

ಕೇಸು ದಾಖಲಿಸಿದ ಯುವತಿಯ ಜನ್ಮ ದಿನಾಂಕ 22 ಫೆಬ್ರವರಿ 2004 ಹಾಗೂ
ಅವಳು ರಾಂಚಿಯಲ್ಲಿ ಘಟನೆ ನಡೆದಿದೆ ಎಂದು ಆರೋಪಿಸಿದ್ದ ಸಂಗತಿ ನಡೆದಿದ್ದು 2022ರ ಸೆಪ್ಟೆಂಬರ್ ತಿಂಗಳಲ್ಲಿ. ಆದ್ದರಿಂದ ಈ ಕೇಸ್ ಪೋಕ್ಸೊ ಕಾಯಿದೆ ವ್ಯಾಪ್ತಿಯಲ್ಲಿ ಬರುವುದಿಲ್ಲ ಎಂದು ಸ್ಪಷ್ಟನೆ ನೀಡಿದ ದಿಲ್ಲಿ ಪೋಲಿಸ್.

ಪೋಲಿಸರ ಕಡೆಯಿಂದ ಈ ದಾಖಲೆಗಳು ಬಿಡುಗಡೆ ಆಗುತ್ತಿದ್ದಂತೆ ಹತಾಶರಾದ ಪ್ರತಿಭಟನಾ ನಿರತ ಪಹಿಲ್ವಾನರು ಅದೇ ಯುವತಿಯ ಹೆಸರಿನ ಇನ್ನೊಂದು ನಕಲಿ ಬರ್ತ್ ಸರ್ಟಿಫಿಕೇಟ್ 2006ರದ್ದು ಸೃಷ್ಟಿಸುತ್ತಾರೆ.
ಹಾಗೂ ಅವಳು ಇತ್ತೀಚೆಗೆ ತೀರಿಕೊಂಡಿದ್ದಾಳೆ ಎಂದು ಬಿಂಬಿಸಲು ಅವಳ ಇತ್ತೀಚಿನ ಡೆತ್ ಸರ್ಟಿಫಿಕೇಟ್ ಕೂಡಾ ಸೃಷ್ಟಿಸಲಾಗಿದೆ.

ಆದರೆ ಕೇಸು ದಾಖಲಿಸಿದ್ದ ಯುವತಿಯ ಪೋಷಕರು ಹೇಳಿದಂತೆ ಸದರಿ ಯುವತಿ ಅವರ ಒಬ್ಬಳೇ ಮಗಳಾಗಿದ್ದಳು ಮತ್ತು ಅವಳಿಗೆ ತಂಗಿ ತಮ್ಮಂದಿರು ಯಾರೂ ಇಲ್ಲವೆಂದು. ಈ ಬಗ್ಗೆ ಕೇಸು ದಾಖಲಿಸಿದ್ದ ಯುವತಿಯನ್ನು ಪ್ರಶ್ನಿಸಿದಾಗ ಅವಳು ತಾನು ಸುಳ್ಳು ಕೇಸು ದಾಖಲಿಸಿದ್ದ ಬಗ್ಗೆ ಅನೌಪಚಾರಿಕ ವಾಗಿ ಒಪ್ಪಿಕೊಂಡಿದ್ದಾಳೆ.

ಹಾಗೂ ಪ್ರತಿಭಟನಾ ನಿರತ ಕುಸ್ತಿ ಪಟು ಸಾಕ್ಷಿ ಮಲಿಕ್ ಕಡೆಯವರ ಆಮಿಷ, ಪ್ರಲೋಭನೆಯಿಂದ ತಾನು ಹೀಗೆ ಮಾಡಿದ್ದೆ ಎಂದು ಹೇಳಿದ್ದಾಳೆ. ಸದರಿ ಯುವತಿಯ ಪೋಷಕರು ಹೇಳಿದಂತೆ 2024 ರಲ್ಲಿ ಮೋದಿಯ ಸರ್ಕಾರ ಸೋತು ಕಾಂಗ್ರೆಸ್ ಸರ್ಕಾರ ಸ್ಥಾಪಿತವಾದರೆ ಅವಳಿಗೆ ಸರ್ಕಾರಿ ನೌಕರಿ, ವಿದೇಶ ಯಾತ್ರೆ ಸೇರಿದಂತೆ ಹಲವು ಆಮಿಷಗಳನ್ನು ಒಡ್ಡಲಾಗಿತ್ತು.

ಈಗ ಕೇಸ್ ದಾಖಲಿಸಿದ್ದ ಯುವತಿ ತನ್ನ ಹೇಳಿಕೆಯಿಂದ ಹಿಂಜರಿಯುವಂತೆಯೂ ಇಲ್ಲ. ಏಕೆಂದರೆ ಪೋಕ್ಸೊ ಕಾಯಿದೆ ಪ್ರಕಾರ ದೂರುದಾರರು ಮ್ಯಾಜಿಸ್ಟ್ರೇಟ್ ಮುಂದೆ ಕಾಯಿದೆ ಕಲಂ 164ರ ಅಡಿಯಲ್ಲಿ ಹೇಳಿಕೆ ದಾಖಲಿಸಿ ಅದನ್ನು ಮೊಹರ್ ಬಂದ್ ಮಾಡುವುದರಿಂದ ಹೇಳಿಕೆಯಿಂದ ಉಲ್ಟಾ ಹೊಡೆಯಲಾಗದು.

ಈ ಕೇಸು ನಕಲಿ ಎಂದು ಪೋಲಿಸರು ಸಂಗ್ರಹಿಸಿದ ಪುರಾವೆಗಳಿಂದ ಈಗಾಗಲೇ ಸಿದ್ಧವಾಗಿದೆ ,ಆದ್ದರಿಂದ ಸದರಿ ಯುವತಿ ಮತ್ತು ಪ್ರತಿಭಟನಾ ನಿರತ ಪಹಿಲ್ವಾನರು ಹತ್ತು ವರ್ಷಗಳ ಕಾಲ ಜೈಲುಪಾಲಾಗುವುದು ನಿಶ್ಚಿತ.

ಎಲ್ಲಕ್ಕಿಂತ ಮಿಗಿಲಾಗಿ ಪ್ರತಿಭಟನಾಕಾರರಲ್ಲಿ ಒಬ್ಬನಾದ ಬಜರಂಗ್ ಪುನಿಯಾ, ಮೈನರ್ ಕುಸ್ತಿಪಟು ಒಬ್ಬಳನ್ನು ಕೇಸು ದಾಖಲಿಸಲು ಅರೇಂಜ್ ಮಾಡಲು ಹೇಳಿದ್ದನ್ನೆಲಾದ ಸ್ಫೋಟಕ ಆಡಿಯೊ ಟೇಪ್ ಈಗಾಗಲೇ ಪೋಲಿಸರ ವಶದಲ್ಲಿದೆ.

ಆದ್ದರಿಂದ ಈ ಷಡ್ಯಂತ್ರದಲ್ಲಿ ತಾವುಗಳು ಬಚಾವಾಗುವುದು ಅಸಂಭವ ಎಂಬ ಸತ್ಯ ಅರಿವಾಗುತ್ತಿದ್ದಂತೆಯೇ ಕುಸ್ತಿ ಪಟುಗಳು ಹೊಸ ಹೊಸ ಡ್ರಾಮಾ ರಚಿಸಲು ಆರಂಭಿಸಿದ್ದಾರೆ.
ಅದರ ಪ್ರಕಾರ ಮೆಡಲ್ ಗಳನ್ನು ಗಂಗೆಗೆ ಅರ್ಪಿಸುವುದು ಮತ್ತು ಇಂಡಿಯಾ ಗೇಟ್ ನಲ್ಲಿ ಆಮರಣ ಉಪವಾಸ ಮುಂತಾದ ಹೇಳಿಕೆಗಳು.

ಈ ನಡುವೆ ಹರಿಯಾಣ, ಪಂಜಾಬ್ ನಲ್ಲಿ ಪ್ರತಿಭಟನೆಯನ್ನು ಬೆಂಬಲಿಸಿದ್ದ ಜಾಟರ ಖಾಪ್ ಪಂಚಾಯತ್ ಹಿಂದೆ ಸರಿದಿದೆ.ಮತ್ತು ಪಂಚಾಯತ್ ನಿಂದ ಉದ್ಧೇಶಿತ ಟ್ರ್ಯಾಕ್ಟರ್ ಧರಣಿಗಳನ್ನು ಕೈ ಬಿಡಲಾಗಿದೆ ಕಾರಣ ಬ್ರಿಜ್ ಭೂಷಣ್ ಸರಣರ ರಜಪೂತ್ ಪಂಚಾಯತ್ ಜಾಟರು ಪಹಿಲ್ವಾನರ ಬೆಂಬಲಕ್ಕೆ ಎಷ್ಟು ಟ್ರ್ಯಾಕ್ಟರ್ ತರುವರೊ ಅದರ ಹತ್ತುಪಟ್ಟು ತಾನು ತರುವುದಾಗಿ ಘೋಷಿಸಿದೆ.

ಇದರಿಂದ ಬೆದರಿದ ಜಾಟರ ಪಂಚಾಯತ್ ತಾನು ಈ ಪ್ರತಿಭಟನೆಯ ಭಾಗವಲ್ಲವೆಂದು ಹೇಳಿದೆ. ಈಗಾಗಲೇ ವಿವಿಧ ಕೇಸುಗಳನ್ನು ಮೈಮೇಲೆ ಹಾಕಿಸಿಕೊಂಡಿರುವ ಪ್ರತಿಭಟನಾ ನಿರತರು ಷಡ್ಯಂತ್ರ ಸಂಪೂರ್ಣ ಬಯಲಾಗುತ್ತಿದ್ದಂತೆ ಜೈಲು ಸೇರುವುದು ಖಂಡಿತ.
ಈ ಎಲ್ಲಾ ಕುತಂತ್ರದ ಹಿಂದಿನ ಮುಖ್ಯ ರೂವಾರಿ ಹರಿಯಾಣಾದ ಮಾಜಿ ಮುಖ್ಯಮಂತ್ರಿ ಭೂಪಿಂದರ್ ಹುಡ್ಡಾನ ಮಗ

ದೀಪಿಂದರ್ ಹುಡ್ಡಾ ಮತ್ತು ಕಾಲಕ್ರಮೇಣ ಕಾಂಗ್ರೆಸ್, ಎಡಚರು, ತುಕಡೆ ಗ್ಯಾಂಗ್, ಖಲಿಸ್ತಾನಿಗಳು ಮುಂತಾದವರು ನಂತರ ಸೇರಿಕೊಂಡರು.
ಆಸಕ್ತಿಕರ ವಿಷಯವೆಂದರೆ ಪ್ರತಿಭಟನಾ ನಿರತ ಪಹಿಲ್ವಾನರೆಲ್ಲರೂ ದೀಪಿಂದರ್ ಹುಡ್ಡಾ ನಡೆಸುತ್ತಿರುವ ಮಹಾದೇವ್ ಆಖಾಡಾದಲ್ಲಿ ತರಬೇತಿ ಹೊಂದಿದವರು.

ದೀಪಿಂದರ್ ಹುಡ್ಡಾನ ಮುಖ್ಯ ಉದ್ದೇಶ ಬ್ರಜ್ ಭೂಷಣ್ ರನ್ನು ಕೆಳಗಿಳಿಸಿ ತಾನು ಕುಸ್ತಿ ಫೆಡರೇಷನ್ ನ ನೂತನ ಅಧ್ಯಕ್ಷನಾಗುವುದು.
ನಂತರ ಈ ವಿಷಯದಲ್ಲಿನ ಗ್ಲಾಮರ್ ಕಂಡ ರಾಷ್ಟ್ರೀಯ, ಅಂತರರಾಷ್ಟ್ರೀಯ ಷಡ್ಯಂತ್ರ ಕಾರಿಗಳು ಇದರಲ್ಲಿ ಒಬ್ಬೊಬ್ಬರಾಗಿ ಸೇರ್ಪಡೆಯಾಗುತ್ತಾ ಹೋದರು.

ಒಟ್ಟಿನಲ್ಲಿ ಇವರ ಗಲೀಜು ರಾಜಕಾರಣದಲ್ಲಿ ದೇಶಕ್ಕೆ ಬಹುದೊಡ್ಡ ಕೀರ್ತಿ ತಂದಿದ್ದ ಕುಸ್ತಿಯ ಪ್ರತಿಷ್ಠೆ ಮಣ್ಣು ಪಾಲಾಯಿತು.😢