Thread by @ida_shaa

اب تاریخ کیسے لکھی جائے گی۔۔۔۔۔

کچھ دیر پہلے ساؤتھ افریقین سنگر سوشل ورکر مریم مکیبا Zenzile Miriam Makeba کا ایک انٹرویو نظر سے گزرا جس میں بتا رہی تھی کہ تاریخ کیسے لکھی جاتی ہے۔ سفید فاموں نے جب افریقی علاقوں پر قبضہ کیا تو افریقی آبادی کو قوم کا درجہ ملا۔
#شاہ_عدن

اس سے پہلے گویا نہ تو افریقی قوم اس سیارے کی باشندہ تھی نا ہی وہ کوئ تہذیب رکھتے تھے۔ اگر کوئ تہذیب تھی بھی تو وہ نہایت شرمناک تھی انسانی تہذیب کہلانے کے قابل نہیں تھی۔ انگریز نے جو رسوم و رواج اور معاشرت سکھائ اسکی بدولت انسان کہلانے کے قابل ہوئے کیونکہ فاتح ہمیشہ اعلیٰ

کردار و افکار کا مالک ہوتا ہے اور مفتوح مجموعہ شر و فساد لہذا تاریخ لکھنے کا حق بھی فاتح کا ہوتا ہے۔ تو فاتح اپنے متعلق برا کیوں لکھے گا؟ وہ تو شب خون مارتا ہے اسے اپنے اس اقدام کو جسٹیفائی کرنے کے لیے جواز گھڑنے ہوتے ہیں۔ سوشل میڈیا کے انقلاب سے قبل آپ کو مفتوحین

کی اصل تاریخ کبھی درست طور پر معلوم ہوئ ۔۔؟ شاید کبھی بھی نہیں ۔غالباً ہم میں سے نوے فیصد ہی اس بات پر یقین رکھتے تھے کہ صدام حسین کے پاس کیمیائی ہتھیار تھے میزائلوں کے ڈھیر لگے ہوئے تھے اور 9/11 دراصل عرب مجاہدین کا کارنامہ تھا۔
ایسی اندھیر نگری میں قدرت اللہ شہاب

کے بنائے رائٹرز گلڈ کے تنخواہ دار تاریخ دانوں اور حضرت کے شہاب نامے کو آج تک سند سچائ حاصل ہے۔
کیا فاتحین ارض پاکستان اسکندر مرزا ایوب خان واقعی ایسے تھے جیسے انکے منشیوں نے تحریر کیا۔۔۔۔؟
لیاقت علی خان خواجہ ناظم الدین محمد علی بوگرہ چوہدری محمد علی حسین شہید سہروردی

ابراہیم اسماعیل چندریگر فیروز خان نون جیسے قابل سیاستدان اتنے ہی برے اور نکمے افراد تھے کہ فاتحین کو سویلین حکومتیں فتح کرنی پڑی۔
یقیناً ایسا ہر گز نہیں تھا فاتحین نے اپنے اوصاف جمیلہ لکھوانے کے لیے ان لوگوں کو مجموعہ شر و فساد لکھا۔
لیکن اب تاریخ ایسے نہیں لکھی جائے گی

کیونکہ آج تاریخ لکھنے کی ذمہ داری ہاتھ میں پکڑے قلم اور اس قلم کو تھامے کسی منشی کے پاس نہیں ہے بلکہ آئینے جیسے شفاف کیمرے کے پاس ہے۔ کیمرے کا کوئ دماغ نہیں نا ہی اسے نوکری زمین جائیداد پلاٹ اور پلازوں کی ضرورت ہے۔
یہ جو دیکھتا ہے وہی دکھاتا ہے اور آج سے بیس سال

بعد کوئ شہاب نامہ یہ نہیں پڑھائے گا کہ ایک ترقی کرتا ملک ایک آئینی حکومت سیاسی طور پر گرائ گئ تھی۔
کوئ تنخواہ دار منشی یہ نہیں لکھ پائے گا کہ ایک سیاسی حکومت نے اپنے ہی شہریوں کے ساتھ وہ سلوک کیا تھا جو دوران جنگ کافروں سے بھی روا نہیں رکھا جاتا۔

لکھاری کیمرے کی آنکھ میں قید لمحات کے ہاتھوں مجبور ہو کر وہی لکھے گا جو آج مخلوق خدا چہار سو کہتی دکھائ دیتی ہے۔۔۔۔

"پچھتر سال سے باڑ ہی گلشن کی بربادی کا سبب ہے"

@threadreaderapp unroll