Discover and read the best of Twitter Threads about #मातृभाषा_दिवस
Most recents (1)
संस्कृतं न कस्यापि मातृभाषा भवतीति वादार्थम् अङ्गीक्रियते चेदपि(सा बहूनां मातृभाषा भवतीति वस्तुस्थिति:)समाजेस्मिन् संस्कृतोपजीविन्य: एव सर्वा अपि भाषा:सन्तीति सा अन्तर्वाहिनी सरस्वतीनदीव सर्वासां भाषित,भाष्यमाणानां भाषाणां जननी,सहचारिणी वा अवश्यं भवत्येवेति निर्विवादमङ्गीकार्यम्। 
#मातृभाषा_दिवस इति अद्य(२१.२.२२)समग्रे भारतदेशे अभियानं चलति।भारतसर्वकारेण सङ्घटितया विशेषसमित्या प्रस्तुतायां नूतनशिक्षानीतौ भाषाविषयकचिन्तने भारतीयभाषाणां सर्वासामपि समानं गौरवं, तासां बहुमुखप्रचाराय अपेक्षितसामग्रीनिर्माणमिति सर्वतोमुखतया व्यवस्था:क्रियन्ते।ततश्च वयं प्रसन्ना:
इदम्प्रथमतया स्वातन्त्र्यप्राप्ते: परम् एषु ७५वर्षेषु भारतीयभाषाणां सर्वासामपि समानं गौरवं सर्वकारेण प्रदीयमानं वर्तते।अग्रिमेषु २५वर्षेषु इमा:भाषा: जनै: सम्यगादृता सती देशस्यास्य सर्वाङ्गीणविकासाय सौविध्यं कल्पयेयुरिति भारतीयानां सर्वेषामस्माकम् अपेक्षा दृश्यते, श्रूयते च। 👏👍
