"यशस्वी उद्योजकता" कशाला म्हणावं?!
उद्योजक लाईफस्टाईलच्या ग्रुपमध्ये एका पोस्टमध्ये "यशस्वी उद्योजकता" हा शब्दप्रयोग वापरला गेला. त्यावर एका मेम्बरने हा मस्त प्रश्न उपस्थित केलाय!
त्यांच्याच शब्दात : +
"यशस्वी उद्योजक म्हणजे काय ? त्याची व्याख्या काय ? जो जास्त नफा किवा पैसा कमावतो तो ? की अजुन काही ..."
#वरकरणी असं वाटतं की याचं उत्तर व्यक्तिपरत्वे बदलत रहाणार. परंतु प्रत्येक उत्तर शेवटी एकाच शाश्वत अभिलाषेकडे घेऊन जाणारं आहे : पूर्ण समाधान मिळणे! +
जर तुमची उद्योजकता तुम्हाला पूर्ण समाधान मिळवून देत असेल तर तुम्ही "यशस्वी" उद्योजकता आहात.
हे उत्तर वाचायला एकदम छान वाटतं. इन्स्पिरेशनल क्वोट सारखं!
गंमत त्यापुढे सुरु होते. +
#समाधान ही एकदा मिळवली की कायमची हस्तगत होणारी गोष्ट आहे का? नाही! The Pursuit of Happyness या अत्युत्कृष्ट चित्रपटाच्या नावाप्रमाणे - हॅपिनेस - समाधान ही pursue करायची गोष्ट आहे. समाधान मिळवलं आणि "काम झालं" असं होत नाही! ते सतत मिळवत रहाण्याचा प्रवास निरंतर कायम ठेवावा लागतो. +
तुम्ही रोज सरावाने उत्तम मेडिटेशनची साधना हस्तगत केलीत - आणि एक दिवस त्या अवस्थेत ब्रह्मानंदी टाळी लागली - आत्मिक समाधानाचे परमोच्च पातळीवर जाऊन आलात - म्हणजे "झालं"...असं असतं का? नाही ना! रोज मेडिटेशन करत रहावं लागणार.
तसंच उद्योगातून मिळण्याच्या समाधानाचं आहे. पण - +
गंमत ही नव्हे.
गंमत ही, की हा pursuit of happiness आपोआप होत नाही! त्यासाठी आजूबाजूची आयुधं लागतात!
@UdyojakLife या उपक्रमाद्वारे उद्योजकतेबद्दल मला जे कळलंय ते
इतरांना सांगताना खूप खूप आनंद मिळतो. पण म्हणून मी ते "तसंच" आपोआप करू शकत नाही! +
मला ते निरंतर, किंवा शक्य तितकं अधिकाधिक चांगल्या व परिणामकारकतेने करता यावं यासाठी एक स्ट्रक्चर उभारावं लागतं. सिस्टीम उभारावी लागते. त्याच्या खर्चाची तजवीज करावी लागते. आणि हे करून झाल्यावर, हे सगळं लष्कराच्या भाकऱ्या भाजणं नसेल - फक्त मजा येत राहिली पण - +
व्यावहारिक उत्कर्ष तसाच राहिला - असं होणार नसेल - याचीदेखील काळजी घ्यायची असते.
इथेच NGO आणि Enterprise वेगळे होतात. :)
इथेच समाजसेवक आणि आंत्रप्रेन्युअर वेगळा ठरतो! +
यशस्वी उद्योजकता म्हणजे काय - याचं उत्तर प्रत्येकाचं वेगळंच असणार.
परंतु ते उत्तर "साध्य" करण्यासाठी जे जे खटाटोप करावे लागतात - ते करता येणं --- यात खरं कसब आहे!
हे कसब शिकायला, मुळात असं कसब लागतं हे कळायलाच मला ६ महिने लागले. नंतर कसब शिकायला पुढे वर्ष दीड लागलं. +
हाच कॉपी-पेस्ट फॉर्म्युला इतरांसमोर घेऊन जाण्यासाठी उद्योजक लाईफस्टाईलचा उपक्रम सुरु केला आहे!
(बाय द वे, आपली कम्युनिटी छान तयार होतीये...ज्यांना यात सामील व्हायचं आहे त्यांनी तसं @UdyojakLife च्या फेसबुक पेजवर मेसेज करून कळावं!)
चिअर्स!
: ओंकार दाभाडकर
Share this Scrolly Tale with your friends.
A Scrolly Tale is a new way to read Twitter threads with a more visually immersive experience.
Discover more beautiful Scrolly Tales like this.