#Olwesithwitha is here... it's uMthwithi's platform to discus impilo lenhlalo yethu as #NdebeleTwitter every Wednesday.
Namuhla sikhangela umsebenzi we Zangelo/Izitemo. Ngiyazi inengi selingamakholwa lithi izangelo zimbi. Akusiqiniso. Ngizakuveza lokhu
#ZanupfMustGo
Izangelo ziveza kabanzi usendo lomuntu lokuthi abantu bazalana njani. Yindlela yabokhokho bathi ukuthukuza usendo/Family Tree.
AbakoKhumalo be Zimbabwe kwezabo izangelo babiza ULobhengula kaMzilikazi kaMatshobana lo Gasa kaZikode kaMkhatshwa kaZimangele
AbakoNdlovu labo nxa bezitema babiza uMdingi ka Ngema kaMpongo kaZingelwayo kaLamula kaGatsheni. Lokhu kuyindlela yokuveza ukuthi lababantu bazalana njani ngokulandelana kwabo. Akula dimoni. AmaKristu angalivali amehlo bo Jo. Lebhayibhilini kubhaliwe ukuthi uzibani wazala ubani
Izithakazelo okunye okubaluleke ngazo yimvelaohi yabantu. Ziveza ukuthi abantu badabuka ngaphi. AbakoBhebhe bakuveza lokhu nxa bethi Dlomo weMdl'ende, lina beSiweni KwaMpuku kwaMselemusi kwaNongwace. Kubalula ukuthi bazi lapho abadabuka khona
AbakoNcube labo imvelaphi yabo ikhona kuzangelo okuveza ukuthi abasimaShona njengokufisa kwabo Chigwedere. Bathi Lina baseMaNcubeni elabalekela uTshaka kwakhuza abantu, balifihla laphenduka uKhambule, eSwazini labanguNkambule. Lina beSilutshana elakhelene loMbuda lina beMaweni
Izangelo ziveza imbali yabantu. AbakoBhebhe babizwa Njomane kaMgabhi eyaduka iminyaka yatholakala ngowesine. Bathiwa ngoMaZalinkosikazi unina kaTshaka. Kuthiwa ngokuzala inkosikazi sebengomaziwa yinkosi abanye bengaziwa. Yimbali yonke leyi
AmaKhumalo aseZimbabwe abongwa kuzekuthiwe lina elawela uZambezi ngezikhali. Elala ukudla umlenze kwaBulawayo. Konke lokhu yimbali ebalulekileyo egcinakeleyo njalo ebayimfundiso kuzizukulwane lezizukulwane. Kuveza uhambo lukaMzilikazi
IZangelo ziveza isimilo sabantu lokuthi badume ngani lobuqhawe babo. AbakoBhebhe zingwazi kodwa babethanda abafazi. Bathiwa Zingwazi yempi yakwaNdunu baphinde bathiwe Lina elabhebha (zeka) umuntu edwaleni laze lacezuka ngokwesaba amazolo. Badume ngakho
AbakoNdlovu labongabantu abalezibindi abasebenza gadalala. Yikho kuthiwa ngamagenga adla isihlahla lilodwa abanye besihlanganyela. Amanina akhona ngosibindi gidi. Yikho kuthiwa ngoNdlovu ezaswela abelusi zaze zeluswa intombazane uDemazana. Abafazi bakhona bayakuqoqoda Jo!
Thina abako Sidambe ubungcitshi bathi busemithini lasemlonyeni. Singamahaya nkosi. Singamagabazi. Abanye ngabelapha inkosi. Lokhu kwenza abafazi bazilethe. Yikho kuthiwa Sitapetape esithandwa ngabafazi. Sithanda izidudla Jo yikho kuthiwa singamazeka Ndlovu. Yikho esidume ngakho
Bengifisa ukuveza ukuthi izangelo ziyelulwa kusiya ngemisebenzi yabantu abaqhakazileyo emulini. Ezakithi ziyaqhubeka zithi Mahlekelevana owavala umd*d* wengwenya. Lapha kutshiwo ngoba ngake ngatshela uhulumende weLacoste amaqinisa wankema.
Ezintsha izangelo sezimi kanje
Mahlekelevana owavala umd*d* wengwenya
Mzondw'angafi kwaBulawayo
Matshay'eziwayo belibebele
Nkunzi KaMalentsha kaKeke
Mxabanisi wamanina lamadodakazi
Mahlekelevana
Ndoda ayivimbeki
Oyivimbayo ubona ngegazi
Mduduzi
Mthwithi!
Retweet #Olwesithwitha
Share this Scrolly Tale with your friends.
A Scrolly Tale is a new way to read Twitter threads with a more visually immersive experience.
Discover more beautiful Scrolly Tales like this.